ISAI 49:15 - Mara Bible RV (BSI)

¹⁵ “Chanô ta a saw sâhpi a ngiehpa a my thei aw ma? A chhi tawhta a puapa ngiachhie leipa ta a y aw ma? Chanôzy ta la ama sawzy ama my ngyu na, Kei deikua ta la cha my aw va na.

ISAI 49:15 ပူးပေါင်းရင်းမြစ်များ

ZAWBÂ 24:20

Chhi ta âmo cha my ta, Alôpa châta athlôhpa châ ei ta, Atheipa châ khao leipa ei ta, Paraotuhpazy cha tho hawhta thliepa ama châ.

HLAZY 103:13

Paw ta a sawzy a ngiachhiepa hawhta, Abeipa ta ano a chituhpazy cha a ngiachhie ei.

HLAZY 27:10

Ei nô nata ei paw ta na siesai ei ta, Châhrasala Abeipa ta a o lâ einâ chhi aw.

HLAZY 77:9

Khazohpa ta ngiachhiena hnei awpa a my ha ma? Hiehâhna ta ma a thapasana a khaw haw?” Selah

BIESOZY 31:2

Hy ei sawchapawpa, khâpa ma na tao? Ei chhi tawhta a puapa y, khâpa ma na tao? Ei bietai sawchapawpa, khâpa ma na tao?

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 44:21

Hy Zakaw y, he hmozy he a thei thlâh ha la, Hy Izarei, nâ chakaotuhpa na châpa vâta, He hmozy he a thei thlâh ha mah y. Kei ta ei cha paduapa châ chi ta, Nâ chakaotuhpa na châ; Hy Izarei, cha my beih aw va na.

ISAI 49:14

Châhrasala Zaio ta, “Abeipa ta na siesai ha ta, Ei Khazohpa ta eina my haw,” a tah.

ISAI 54:10

Tlâhpizy ta ama yna su puasaipa ta, Tlâhthlôhzy pasiepa ta ama y thei; Ei ngâchhihna deikua cha, Cha puasai beih leipa aw ta; Ei thlalôhna biehrai chhao, Nâ tawhta pasiepa châ beih aw vei,” Abeipa, châ ngiachhietuhpa ta a tah.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

ZEREMIAH 51:5

Ama Khazohpa, Pheisaihzy Abeipa ta Izarei nata Zudâh cha siesai leipa ta, Kaldia râh deikua cha moleina ta bie ta, Izarei Mo Pathaihpa chô liata ama moleina ta a bie.

CHAPHÔHTUNA 4:10

Ngiachhiena ta a biepa chanôzy ta Âmo ku tlai ta ama sawzy chhoh ei ta; Ei phopi sawchanô raona â tyhna daihti liata Ama nie awpa lâta amâ lie haw.

CHAPHÔHTUNA 4:3

Changiezy hmahta ama tawzy sâhpi pie ei ta, Pazysana châh ama pahno; Ei phopi sawchanô deikua cha nôchhiepa lâta pua ha ta, Râhchawhpa liata pavawpizy a lyu bâ.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

THEIHTHAINA 26:29

Nama sawchapawzy sa nie aw ei chi ta, nama sawchanôzy sa nama nie aw.

MALAKHAI 3:17

“Ei ryu sôhpazy ei paki ti ei ta, kei eih châ aw ei ta, paw ta ano palôh a hmôpa a sawchapawpa a hrôbiehpa hawhta âmo cha ei hrôbieh aw ei,” Pheisaihzy Abeipa ta a tah.

MATHAI 7:11

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, kha tlu ta hluh viapa ta ma a hiahtuhpazy hnohta hmo phapa a pie aw tly!

RAWMA 1:31

ahrupa, ngiapâ leipa, palôh a hnei leipa nata zawngiahna a hnei leipazy ama châ.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.