ISAI 49:13 - Mara Bible RV (BSI)

¹³ Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 49:13 ပူးပေါင်းရင်းမြစ်များ

1 THÂTIHZYRONA 16:31

Avâzy ama thapha sala, Alei a ly mawh sy; Phopizy hry liata, “Abeipa ta ryu a reih!” Tah mawh ei sy!

HLAZY 148:9

Tlâhpizy nata tlâhthlôhzy saih u, Abeipa cha reithai u la; Theilâpa kôzy nata sidy thozy saih u, Abeipa cha reithai teh u.

HLAZY 65:13

Sibiepa suzy cha sahroh zaw ta bie ta, Saikaozy sâh ta khu khaipa ta, Hmaohkha ta awh ei ta, Alyna hla ama sa khoh.

HLAZY 69:34

Avâ nata alei ta ano cha reithai sala, Tilaipizy nata a chhôh liata a pie theipa zydua ta, Ano cha reithai mawh ei sy.

HLAZY 71:21

Ei rônahna papôhsa aw chi ta, Thlah eina palôh heih aw chi.

HLAZY 89:13

Bâh hmotaotheipa hnei chi ta, Ku thatlôpa na hnei; Na ku chachâh lâ cheihchalopa ta a y.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ISAI 49:14

Châhrasala Zaio ta, “Abeipa ta na siesai ha ta, Ei Khazohpa ta eina my haw,” a tah.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 52:9

Hy Zerusale su rypazy saih u, Hmaohkha ta ly hla paryh teh u, Abeipa ta a phopi thlapalôh ha ta, Zerusale a chatlai haw.

ISAI 54:7

Buakhata cha siesai na ta, Châhrasala ngiachhiena rônahpa ta ei châ chhi heih aw.

ISAI 54:8

Bohpi leipa hiehâhna chyhta vâta, Ei hmia cha vaw nyu sai ha na ta, Châhrasala chhâzaw nôphana ta Ei cha ngiachhie heih aw,” Abeipa, châ Chatlaituhpa ta a tah.

ISAI 55:12

“Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

ZEREMIAH 31:13

Chatawhcha laihsa kôpazy a lypa ta lâh aw ei ta, Satliapazy nata machâpazy thaphapa ta ama y aw; Ama mâchhiesana cha, Alyna pachâsa aw na ta; Thlapalôh aw ei na ta, Pachârôhna vyuhpa ta thaphana ei pie aw ei.

ZEREMIAH 51:48

Paraotuhpa ta maw lâ tawhta Babylaw a vaw siehnao awpa vâta, Lei nah vâ nata a chhôh liata a ypa zydua ta, Babylaw cha amâ lyna hla ama sa chie aw,” Abeipa ta a tah.

EZEKIA 35:14

Abeipa Zehôvâh ta hetana heta a tah: Khizaw zydua thaphapa ta a y nota, roryhrapa ta ei cha paysa aw.

LUKA 15:10

Ei cha chho ei, cha hawhna hra chata, Khazohpa vâlyuhchâpazy hmiakô liata cha, molei ropa pakha chô liata alyna a y tyh?” tah ta.

2 KAWRINI 7:6

Châhrasala palôh rietheipazy thlapalôhtuhpa Khazohpa ta Titu vaw tuah ta, thlah miah a palôh haw.