ISAI 49:1 - Mara Bible RV (BSI)

¹ Hy tilaipi kiah râhzy saih u, Na nathlie u la; Nâmo, lâhlapi liata phopizy saih u, Nama nah pachôh teh u. Abeipa ta chhi tawhta na aw ta, Ei nô py chhôh tawhta ei moh eina bi.

ISAI 49:1 ပူးပေါင်းရင်းမြစ်များ

HLAZY 22:10

Ei pi noh tawhta ei pahniena châ chi ta, Ei nô chhi liata ei y no tawhta ei Khazohpa na châ.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 24:15

Chavâta Abeipa cha nochhi lâta palyupalih u la, Abeipa, Izarei Khazohpa moh cha, Tilaipi kiah râhzy liata palyupalih teh u.

ISAI 33:13

Nâmo, lâhlapi liata a ypazy saih u, Ei hmo taopa thâtih thei u la; Nâmo, lâhnia liata a ypazy saih u, Ei hmotaotheizie pahno teh u.”

ISAI 41:1

Hy tilaipi kiah râhzy saih u, Ei hmiakô liata sidiapa ta y u la, Phopizy ta ama thatlôna pathieh mawh ei sy. Ryureina su lâ vaw puapa ta, Ama thâtih a vaw reih ei sala, Ryureina su liata a tyh suh vy.

ISAI 42:12

Abeipa cha parônahsa ei sala, Ano reithaina cha, Tilaipi kiah râhzy liata phuah mawh ei sy.

ISAI 44:2

Cha tao ta, nô chhi chhôh tawhta cha padua ta, Châ bao lymâ awpa Abeipa ta hetana heta a tah: Hy nâ chakaotuhpa Zakaw y, chi leipa la, Hy ei tlyhpa Zesuruh y, chi khah y.

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ISAI 45:3

Kei Abeipa, Izarei Khazohpa heta, Na moh tlai ta ei cha aw tahpa na pahno thei nawpa ta, Zohna ryusôhpazy cha pie aw na ta, Su a nyupazy liata sôh nyupazy ei cha pie aw.

ISAI 46:3

“Hy Zakaw pathlazy saih u, Na nathlie u la; Hy Izarei pathla laibâhpazy saih u, Na nathlie teh u; Py chhôh tawhta ei pyhpazy châ ei chi ta, Chhi tawhta ei pipazy nama châ.

ISAI 49:12

Moh teh u, lâhlapi tawhta ei phopi amâ vy huh; Maw lâ tawhta a vy ei ta, Notla lâ tawhta a vy ei ta, Sini mo râh tawhta amâ vy.”

ISAI 49:5

Abeipa mohmô liata palyupalihpa ta y na ta, Ei Khazohpa cha ei thatlôna a vaw châ hapa vâta, Ano lâta Zakaw a chhi pakhua heih ta, A hnohta Izarei pahmaoh heihna raihria liata A chakaotuhpa châ awpa ta, Chhi tawhta nâ paduatuhpa, Abeipa ta hetana heta a tah:

ISAI 51:5

Ei siana a vaw hnia ta, Ei pachhana a vaw pua; Ei bâhzy heta phopizy chô liata ryureina dopa a patlôsa aw. Tilaipi kiah râhzy ta na mokhâh aw ei ta, Hnabeiseihpa ta eina hâ aw ei.

ISAI 52:13

Pachâ teh u, nâ chakaotuhpa cha, So kawpa ta hmo a tao aw; Palyupalihpa nata pasâhsapa ta y aw ta, Cheihchalopa ta a y aw.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

ISAI 60:9

Na sawchapawzy lâhlapi tawhta a vaw chhipa ta, Ama tâkâ nata ngôh chhaota a vaw chhi awpa ta, Tilaipi kiah râhzy ta na hâ ei ta, A vaw tlô tua awpa Tâsi balyhzy ama hâ thlâh haw. Abeipa ta a cha parônahsapa vâta, He hmo he Abeipa na Khazohpa moh châta taopa châ aw ta, Izarei Mo Pathaihpa châta taopa a châ aw.

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 1:5

“Py chhôh liata ei cha tao hlâ tawhta cha pahno na ta, Chhi tawhta na pua hlâ tawhta cha pathaisapa ta, Phopizy lâta hrohsopa ta ei cha rao,” tah ta.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

LUKA 1:31

Pachâ teh, na chhi liata nawh a choh aw ta, sawchapaw sa aw chi ta, a moh ta Zisu na bi aw.

ZAWHÂNA 10:36

Paw ta panano ta, khizaw lâ a za tuapa ta, ‘Khazohpa Sawchapawpa ei châ,’ ei tahpa vâta, ‘Khazohpa na reipachhie,’ eina tah ei chi ma?

KALATIA 1:15

Châhrasala Khazohpa ta ei nô chhi liata ei y no tawhta na vaw panano ha ta, a ngiachhiena vâta eina aw haw.

EPHESI 2:17

Krista â vy nona khata, nâmo, lâhlapi ta a ypazy hnohta aryhna bie cha chho ei ta, lâhnia liata a ypazy hnohta chhao a cha chho hra ei.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.