ISAI 48:9 - Mara Bible RV (BSI)

⁹ Ei cha chhawh pathlah leina awpa ei ta, Ei moh vâta ei hiehâhna pahawhsa na ta, Keima reithaina vâta nama châta maoh ei oh.

ISAI 48:9 ပူးပေါင်းရင်းမြစ်များ

HLAZY 106:8

Chatanachôta a moh vâta âmo cha pachha pyly ta, A hmotaotheina rônahpa a pahnosa ei.

HLAZY 143:11

Hy Abeipa, na moh vâta, Ei hrona he pabohsa la; Na siana vâta ei thlahpa he, Nôpona tawhta papua mah y!

HLAZY 25:11

Hy Abeipa, ei moleinazy hluh hra sala, Na moh vâta rie nâ ngiahthai mah y.

HLAZY 78:38

Chatahrasala ano cha thapasana ta a biepa a châpa vâta, Ama paraona cha a ngiahthai ta, Âmo cha pahleipadia vei. A hiehâhna ei hluhpi padia ta, A pathiiana zydua pathyu khoh vei.

HLAZY 79:9

Hy eima pachhana Khazohpa y, Na moh rônahna châta miah bao mah y; Na moh vâta miah pachha la, Eima moleinazy miah chatlaipa mah y!

BIESOZY 19:11

Sona ta chyhsa palôh pasisa ta, Pasasana mopakhôpa cha a rônahna a châ.

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 37:35

Keima vâta nata nâ chakaotuhpa Dâvi vâta, he khihpi he vaih aw na ta, ei pabohsa aw,” tah ta.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 48:11

Keima châta, keima châ tlai ta, Cha hmo cha a taopa ei châ; Khazia reipachhiepa ta ei y aw? Ei rônahna he mohropa hnohta pie aw va na.

ISAI 65:8

Abeipa ta hetana heta a tah: “Kresawhti thiehpa cha kre sao liata y ta, ‘Parao khah u, byhnâ a hnei khawh,’ ama tahpa hawhta; Nâ chakaotuhpazy vâta, He hmo he tao aw na ta, Pahleipadia khai aw veih ei na.

ZEREMIAH 14:7

“Eima paraonazy ta miah leih hra sala, Na moh vâta, Hy Abeipa, rai hria mah y; Eima paonazy hluh ngaita ta, Na chô liata eima vaw molei haw.

EZEKIA 20:14

Châhrasala ama mohmô liata ei kaw chhi papuapa phopizy hmiakô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

EZEKIA 20:22

Châhrasala ama mohmô ta Izarei sawzy ei kaw chhi papuapa phopizy hmiakô liata ei moh papuapaleipa ta a y lei nawpa ta, ei ku pako na ta, hrie lei awpa lâta hmo ei tao hapa a châ.

EZEKIA 20:44

Nama hrozie chhiepazy hawhta châ leipa ta, moleina hmo nama taopazy hawhta châ hra leipa ta, ei moh vâta nama chô liata hmo ei tao tita cha, Hy Izarei pathlazy saih u, Abeipa ei châ tahpa nama pahno aw, Abeipa Zehôvâh ta a tah.”

EZEKIA 20:9

Châhrasala ama hry liata ama pahrâpa phopizy mohmô liata keimasasyh ta â pahnosapa ta, phopizy mohmô lia tlai ta Izi râh tawhta ei kaw chhi papuapa ama châpa vâta, phopizy mohmô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

EZEKIA 36:21

Châhrasala Izarei pathlazy ta ama siena râhzy liata ei moh pathaihpa ama papuapaleipa cha thapasana hnei tlôh na ta.

ZAWSUA 7:9

Cha thâtih cha Kâna mo nata a râh liata a pahrâpa zydua ta thei aw ei ta, miah dôh aw ei ta, alei chô tawhta eima moh ama pahlei ha aw he zaw! Chata a châ khiahta cha, na moh rônahpa pabohsa awpa ta kheihta ma na tao khao aw?” tah ta.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.