ISAI 48:8 - Mara Bible RV (BSI)

⁸ Thei beih leipa ei chi ta, Pahno beih hra leipa ei chi ta, Hlâno tawhta nama nah pachôh beih veih ei chi. Haiphiahpa ta hmo nama tao aw tahpa pahno na ta, Nô chhi tawhta chakhiatuhpa ama cha tahpa na châ.

ISAI 48:8 ပူးပေါင်းရင်းမြစ်များ

HLAZY 40:6

Atheihna nata hmohlâpa liata a ly leipa chi ta, Ei nah na pahypa chi ta; Raopa hlâna a hnaw leipa chi ta, Moleina hlâna chhao a hnaw va chi.

HLAZY 51:5

Pachâ teh, paraona liata taopa châ na ta, Ei nô ta moleina liata a phaopa ei châ.

HLAZY 58:3

Moleipazy cha chhi tawhta nomâpa châ ei ta, Ama pipa nahta lâpi paviapa ta, Haipa biezy ama reih lymâ.

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ISAI 46:8

“Nâmo moleipazy saih u, He hmo he my leipa u la, Pachâ u la, a thei thlâh ha muh vy.

ISAI 47:11

Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

ISAI 48:4

Chhorupa châ ei chi ta, Nama rao cha thua thari châ ta, Nama khizy cha dawh a châpa ei pahnopa vâta,

ISAI 48:7

Hlâno ta taopazy châ leipa ei ta, Tahmâ ta taopazy ama châ. Tanoh a vaw chhi hlâ heta la, Chazy cha thei beih veih ei chi. Chataleipatala, ‘Moh teh u, chazy cha ei pahno mâh tâh,’ Nama tah pathlei aw na.

ISAI 50:5

Abeipa Zehôvâh ta ei nah he pahy ha ta, Chavâta chhorupa ta y leipa na ta, Hnôh a sy hra va na.

ISAI 57:4

Ahy ma saisona ta nama hmâ tly? Ahy ma nama pakah pakawh thlu ei chi ta, Nama paleih nama pachhao chie tly? Nâmo palie kha moleina sawzy châ ei chi ta, Dôveina chipathlazy tlao châ veih ei chi ma?

ZEREMIAH 3:20

Nâmo deikua cha, Hy Izarei pathlazy saih u, A vahpa châta ngâchhih leipa lapinô hawhta, Ei châta ngâchhih veih ei chi,’” Abeipa ta a tah.

ZEREMIAH 5:11

Izarei pathlazy nata Zudâh pathlazy he Sathisahlai ngaitapa ta ei chô liata a ypazy ama châ,” Abeipa ta a tah.

ZEREMIAH 5:21

“Hy ahrupa nata novâhna a hnei leipazy saih u, He he thei teh u. Mo hnei ei chi ta, Châhrasala hmô veih ei chi; Nah hnei ei chi ta, Châhrasala thei veih ei chi.

ZEREMIAH 6:10

Ahyzy ma zikyurâna bie he chho aw ei na ta, A nathlie aw ei tly i? Moh teh u, nakhaoh chopaw tai leipa châ ei ta, Nathlie thei veih ei. Âmo châta la Abeipa bie he zakheichhihpa hmo châ ta, Abeipa bie liata alyna hnei veih ei.

HÔSIA 5:7

Abeipa châta ngâchhih leipa ei ta, Chihropa sawzy ama sa. Chavâta ama thla thieh chaypi ta Ama lyuzy chhaota a palâ khai aw ei.

HÔSIA 6:7

Âdâh hawhta biehraina parao ei ta, Cha liata eina dôvei ei.

HÔSIA 7:9

Chihropazy ta a thatlôna nie khai ei ta, Châhrasala a pahno vei; Sâ pawhpa thiapa châ ta, Châhrasala pahno vei.

MALAKHAI 2:11

Zudâh ta ngâchhihna pahlei ha ta, Izarei nata Zerusale liata hmo pasichhihpazy taopa a châ. Zudâh ta chihropa khazoh sawchanôzy lapinô ta hnei ta, Abeipa ta a pasô ngaitapa a supathaihpa cha a papuapalei haw.

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

RYHPACHANEINA 31:18

Khazoh hropazy lâ a heih ei ta hmo pha leipa ama taopa zydua vâta, cha noh liata ei hmia ei nyu tlai aw.