ISAI 48:6 - Mara Bible RV (BSI)

⁶ Thei ha ei chi ta, Cha zydua cha tahmâ moh teh u. Phuah aw veih ei chi ma? Tahmâ tawhta cha, Hmo thiehpazy cha pahnosa aw ei na ta, Hmo â nyupa nama pahno beih leipazy Ei cha pahnosa aw ei.

ISAI 48:6 ပူးပေါင်းရင်းမြစ်များ

HLAZY 107:43

Chyhsa sopa maihta cha hmozy cha ngia ei sala, Abeipa kyhpachâna tleih beih leipa kyh pachâ tyh mawh ei sy.

HLAZY 119:13

Na pakah ta na phuahpa ryhpa bie zydua, Ei hmao ta ei phuah lymâ aw.

ISAI 21:10

Hy sawhri sâh, ei sâh chakhy chiehpa y, Pheisaihzy Abeipa tawhta ei theipa cha chho na ta, Izarei Khazohpa tawhta ei theipa ei cha chho.

ISAI 42:20

Hmo hluhpi hmô ta, Châhrasala a phapa ta ngia vei; A nah pha thlâh ha ta, Châhrasala thei vei.

ISAI 42:8

Kei he Zehôvâh châ na ta, Cha cha ei moh a châ; Ahy hnohta hmah ei rônahna pie leipa na ta, Nothlahpazy hnohta chhao, Keima reithaina pie veih ei na.

ISAI 42:9

Moh teh u, hmo parohpazy lei ei ta, Tahmâ he hmo thiehpazy ei phuah; Ama vaw tlô hlâ chhao ta, Ei cha chho hapa ei kha a châ.”

ISAI 43:19

Moh teh u, hmo thiehpa tao aw na ta, Tahmâ tlai chhao he y ha ta, Hmô veih ei chi ma? Râhchawhpa liata lâpi tao aw na ta, Râh raohpa liata chavahzy ei tao aw.

ISAI 48:7

Hlâno ta taopazy châ leipa ei ta, Tahmâ ta taopazy ama châ. Tanoh a vaw chhi hlâ heta la, Chazy cha thei beih veih ei chi. Chataleipatala, ‘Moh teh u, chazy cha ei pahno mâh tâh,’ Nama tah pathlei aw na.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 33:3

Na aw la, châ chhy aw na ta, hmo rônahpa nata hmo nyupa na pahno beih leipazy ei cha chho aw.

ZEREMIAH 50:2

“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

MIKÂ 6:9

Abeipa ao ta khihpi awsao ta, Na moh chi awpa ta sona ao a châ: “Sôsi bie nathlie u la, Ano a raotuhpa bie nathlie teh u.

MATHAI 10:27

Zohna liata ei cha chhopa ei he, khaihna liata reih u la, bieparu ta nama theipa kha, vâphuh chô tawhta awh teh u.

ZAWHÂNA 15:15

Chakaotuhpa cha tah khao aw veih ei na. Chakaotuhpa ta a zibeipa hmotaopa pahno vei. Viasazy tlao ei cha tah ei. Paw tawhta hmo ei pahnopa zydua nama hnohta ei phuah khai haw.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

1 KAWRINI 2:9

“Ano kyh a pachâpazy châta Khazohpa ta â chhuahdypa cha, Mo ta hmô veih ei; Nah ta thei leipa ei ta, Palôh ta pachâ veih ei,” tahpa ropa hawhta ama châ.

BIEPHUAH 1:19

Chavâta na hmo hmôpa, hmo a y haipazy nata tahmâ tawhta a vaw y awpazy cha roh teh.

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.