ISAI 48:5 - Mara Bible RV (BSI)

⁵ Hlâno tawhta nama hnohta reih na ta, A vaw tlô hlâta nama hnohta ei phuah haw. Chataleipatala, ‘Eima khazoh nothlahpa ta a taopazy châ ei ta, Eima tho nothlâhpa khiepa ta biepie ta, Eima thua nothlahpa leihpa ta bie a piepa a châ,’ Nama tah pathlei aw na.

ISAI 48:5 ပူးပေါင်းရင်းမြစ်များ

ISAI 43:19

Moh teh u, hmo thiehpa tao aw na ta, Tahmâ tlai chhao he y ha ta, Hmô veih ei chi ma? Râhchawhpa liata lâpi tao aw na ta, Râh raohpa liata chavahzy ei tao aw.

ISAI 44:7

Keima hawhpa he ahy ma a y? A y khiah cha a phuah mawh sy. Hlâno chyhsazy kha kei ta ei raopazy châ ei ta, Chavâta keima hawhpa he a y tlai khiahta cha, Ei hmiakô liata a vaw phuah mawh sy. Hmo a vaw y awpazy phuah ei sala, A vaw tlô awpazy phuah mawh ei sy.

ISAI 44:8

Chi leipa u la, a chalyu hra khuh vy. Hlâno tawhta nama hnohta phuah na ta, Vaw reih chhielie ha va na ma? Nâ pahnokheituhpazy mah nama châ tâh! Keima leipa ta Khazoh hropa rai a y ma? Y vei, Lôpanô rai y vei; Pakha hmah a ypa pahno va na.”

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

ISAI 48:3

“Hmo parohpazy kha, Hlâno tawhta reih ha ei na ta; Ei pakah tawhta a puapa, Ei phuah hapazy ama châ. Thlai ta tao ei na ta, Ama vaw tlô pâ lymâ.

LUKA 1:70

Leilô pi tua no tawhta A hrohso pathaihpazy pakah ta a rei hapa hawhta,

HMOTAOPAZY 15:18

Hlâno tawhta pahnopa Abeipa ta a tah,’ tahpa ta ama vaw chho haw.