ISAI 48:4 - Mara Bible RV (BSI)

⁴ Chhorupa châ ei chi ta, Nama rao cha thua thari châ ta, Nama khizy cha dawh a châpa ei pahnopa vâta,

ISAI 48:4 ပူးပေါင်းရင်းမြစ်များ

2 ABEIZY 17:14

Châhrasala a pyh khoh hlei veih ei. Abeipa ama Khazohpa a ngâ khoh leipa ama pathlatuhpazy ta kuhchhapa ta ama ypa hawhta, kuhchhapa ta ama y hra.

2 THÂTIHZYRONA 30:8

Châ pathlatuhpazy hawhta palôh kuhchhapa ta y leipa u la, Abeipa lâta tlao a ngiarih u la, chhâzaw châta a pathaisapa a supathaihpa liata a ngia u la, Abeipa nama Khazohpa cha chakao muh vy. Chatanachata a hiehâhna ru ngaitapa chata a cha kuasai aw ei.

2 THÂTIHZYRONA 36:13

Khazohpa moh ta bie a pataihsa hapa Bei Nebukaneza chhao â chariah. A rao pachyupa ta, a palôh kuh pachhasa ta, Abeipa, Izarei Khazohpa lâ a heih khoh vei.

NEHEMIAH 9:28

Châhrasala ama thadâh tawhta, na hmiakô liata moleina hmo tao heih ei ta, chavâta âmo cha ama chariahzy ku liata siesai chi ta, ama chariahzy ta ama chô liata bie ama hnei haw. Chatahrasala nâ lâ vaw kua ei ta, ama cha pado nahta, vârâh tawhta vaw nathlie chi ta, na zawngiahna vâta ei hluhpi na pachha heih tyh ei.

HLAZY 75:5

Nama ki â sâhpa ta chaluah leipa u la, Nama rao pachhuapa ta bie reih khuh vy,” tah chi ta.

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

PUASAINA 32:9

Abeipa ta Mawsi hnohta, “He phopi he moh thlâh ha ei na ta, phopi chhoru ngaitapa ama châ.

PUASAINA 33:3

Sâhpiti nata kheihti lona râh lâ cha khy teh u. Kei deikua cha, nama hnohta a khy hra aw va na. Chataleipatala phopi chhoru ngaitapa châ ei chi ta, lâpi liata ei cha pahleipadia pathlei aw ei na,” tah ta.

PUASAINA 33:5

A chhâpa cha, Abeipa ta Mawsi hnohta, “Izarei sawzy chho teh, ‘Phopi chhoru ngaitapa nama châ. Chavâta nama hnohta buakhata chhao ei sie hra khiahta cha, ei cha pahleipadia khai thlâh ha aw ei. Tahmâ nama sôhthihzy kha pahluh khai teh u, chatanachata nama chô liata ei tao awpa ei pahno aw,’” a vaw tah hapa vâta a châ.

PUASAINA 9:7

Phiraoh ta chyhsa tuah ta, Izarei sawzy sahroh cha pô kha hmah a thi leipa pahno ta. Châhrasala Phiraoh palôh cha kuh pachhasapa ta y ta, Izarei phopi ama sie awpa pasaih pyly vei.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

ISAI 30:9

Phopi chhorupa châ ei ta, Saw haihthaipa, Abeipa pachuna bie a thei khoh leipa sawzy ama châ.

ISAI 46:12

“Nâmo, palôh kuhchhapazy saih u, Na nathlie u la; Nâmo, pahniena tawhta a hla kawpazy saih u, Na nathlie teh u:

ZEREMIAH 19:15

“Pheisaihzy Abeipa, Izarei Khazohpa ta hetana heta a tah, moh teh u, ama kuh a pachhasa ei ta, ei biezy ama nathlie khoh leipa vâta, he khihpi chô liata nata a khichapeih zydua chô liata chhiena patlôsa awpa ta ei phuahpa kha ei vaw patlôsa aw.”

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

ZEREMIAH 7:26

Châhrasala na nathlie khoh leipa ei ta, ama nah pachôh hra leipa ei ta, ama kuh tlao amâ pachhasa. Âmo a pathlatuhpazy hlâ chhao ta ama paru via.

EZEKIA 2:4

Chhâ sâlâpa nata chhorupazy ama châ. Âmo lâ cha tuah na ta, ama hnohta, ‘Abeipa Zehôvâh ta hetana heta a tah,’ na tah aw.

DÂNIAH 5:20

Châhrasala a palôh a pasâhsa ta, a pachâna pachyupa ta, â vaw palai nahta cha, â beina beidyuchhai tawhta pathlapa ta y ta, a rônahna pahluhpa a châ.

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RYHPACHANEINA 10:16

Chavâta nama pathipalôh chopaw tai u la, chhorupa ta y khao khuh vy.

RYHPACHANEINA 31:27

Chhorupa nata kuhchhapa nama châzie ei pahno. Pachâ tua u, tanoh ei cha hrolâh chy no ei ta hmahta Abeipa namâ dyuh khiahta cha, ei thi tawhta chhochhi cha khatlu ta ma a châ aw tly?

HEBRAI 3:13

Nama hry liata ahy hmah moleina ta dôveina liata kuhchhapa ta nama y lei nawpa ta, “tanoh” tahpa a châ chhôh zydua cha, noh chareih ta a pasyu raihrie teh u.