ISAI 48:21 - Mara Bible RV (BSI)

²¹ Râh raohpa su liata â chhi no ei khata, Ama dâhphi leipa ta; Âmo châta lôpanô tawhta ti palosa ta, Lôpanô pakei ta ti a kaw pali.

ISAI 48:21 ပူးပေါင်းရင်းမြစ်များ

NEHEMIAH 9:15

Ama nodi nota avâ tawhta viahchhâ pie chi ta, ama dâhphi nota lôpanô tawhta ti papua chi ta, âmo pie awpa ta na bâh avâ lâ pazawhpa ta bie nâ taihpa râh a ngia ta, hnei awpa ta na chho ei.

NEHEMIAH 9:20

Âmo pachu awpa ta na Thlahpa phapa pie chi ta, na mânâ ama pakah lâ a ngia awpa pakhâ leipa chi ta, ama dâhphi nota do awpa ti na pie tyh ei.

HLAZY 105:41

Lôpanô pahy ta, Ti a vaw chathôh ta; Chavah hawhta râh raohpa liata a loh laih.

HLAZY 74:15

Tihnawhzy a papuatuhpa nata vahtiezy a palosatuhpa châ chi ta, Vahtly tipi a pakuatuhpa na châ.

HLAZY 78:15

Râhchawhpa liata lôpanôzy patlaw ta, Tilih athupa ti hawhta, Doh awpa hluhpi a pie ei.

HLAZY 78:16

Lôpanô tawhta vahtiezy papua ta, Vahpi tizy hawhta a palosa.

HLAZY 78:20

Lôpanô tu ta tizy vaw puapa ta, Vahtiepazy kao a khô pathlah. Viahchhâ chhao miah piepa ta, A phopi nie awpa sa miah a pie thei tlai aw ma?” ama tah.

PUASAINA 17:6

Hôribâ liata lôpanô chô liata na hmiakô liata a vaw duah aw na ta, lôpanô cha tu aw chi ta, cha tawhta zawpi do awpa ti a vaw pua aw,” tah ta. Mawsi ta Izarei machâzy mohmô liata cha hawhna chata tao ta.

ISAI 30:25

Riahvaina o sâhpazy pao ha ta, thata athietuna noh liata, tlâh sâhpa to nata tlâh byuhpa to liata vahtiezy ama loh zaolao aw.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

MALUHREINA 20:11

Mawsi cha a ku hy ta, a chôchahrei ta lôpanô cha ei no tu ta. Ti thata vaw pua ta, zawpi nata ama sahrohzy ta ti cha doh ei ta.