ISAI 48:19 - Mara Bible RV (BSI)

¹⁹ Na chipathlazy sadi hawhta hluh aw ei ta, Na chhi theizy sadi dipa hawhta hluhpa ta, Ama moh phiepa ta y beih leipa aw ta, Ei hmiakô tawhta pahleipadiapa ama châ beih lei awpa tlai!”

ISAI 48:19 ပူးပေါင်းရင်းမြစ်များ

ÂTHAONA 13:16

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

ÂTHAONA 22:17

byhnâ cha awpa tlai aw na ta, avâ liata awhsi zie nata tilaipi kiah liata sadi zie ta na pathlazy papôh aw na ta, na pathlazy ta ama chariahpa khihpizy ama hnei aw.

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

ZAWBÂ 5:25

Na chipathlazy ama hluh ngaita aw tahpa pahno aw chi ta, Na pathlazy cha alei sibiepa hawhta ama châ aw.

HLAZY 109:13

A pathlazy chhawh pathlahpa ta y ei sala, Chhâ a vaw pazi awpa liata a moh pahno khao leipa châ mawh sy!

HLAZY 9:5

Phopizy ra chi ta, Hmoparaopazy pahleipadiapa ta, Ama moh chhâzaw nata tlyzaw ta na phie ha ei.

ISAI 10:22

Hy Izarei, na phopi cha tilaipi sadi tlu ta hluh hra ei sala, laibâhpazy deita ama vaw kua aw. Raona bie papua hapa châ ta, adona a khô pathlah.

ISAI 14:22

“Thyuhnao aw ei na ta, Babylaw cha a moh phie aw na ta, A laibâhpazy ei chhawh pathlah khai aw; A chhôhchhi nata a chipathlazy Ei chhawh pathlah khai aw ei,” Pheisaihzy Abeipa ta a tah.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 44:4

Sibiepa hawhta ama chhyh paka aw ei ta, Vahtie tizy kiah liata thozy hawhta ama buh a rôh aw.

ISAI 48:9

Ei cha chhawh pathlah leina awpa ei ta, Ei moh vâta ei hiehâhna pahawhsa na ta, Keima reithaina vâta nama châta maoh ei oh.

ISAI 54:3

Chachâh lâ nata chavei lâta hiepatlapa ta y aw chi ta, Na chipathlazy ta râhzy la aw ei ta ama hnei aw; Roryhrapa ta a y hapa khihpizy liata, Chyhsa ama pahrâsa heih aw.

ISAI 56:5

Sawchapawzy nata sawchanôzy hlâta pha viapa ei pie aw ei; Atheithlâhna hmo nata moh phana zy Ei o chhôh liata pie aw ei na ta, Ei thokhyzy chhôh liata ei pie aw ei. Tlyzaw ta a y awpa moh pie aw ei na ta, Ama moh lei khao aw vei.

ISAI 66:22

“Avâ thiehpa nata alei thiehpa ei taopazy cha, Ei hmiakô liata khâ ama y thlâh ha awpa hawhta, Nama pathlazy nata nama moh chhao khâ a y thlâh ha aw,” Abeipa ta a tah.

ISAI 9:14

Chavâta Abeipa ta Izarei luh tai pachhô aw ta, A chaolahmei chhao a tai pachhô aw; Thiahrâ chiah nata lohthi zy Noh kha ta a tai pachhô khai aw.

ZEREMIAH 33:22

Avâ awhsizy rei tiah awpa châ leipa ta, tilaipi sadizy panua tiah awpa a châ leipa hawhta, nâ chakaotuhpa Dâvi chipathlazy nata ei chakaona rai a hriatuhpa Livai chi chipathlazy ei papôh aw.”

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

ZEPHANIA 1:4

“Zudâh chô liata ei ku hy aw na ta, Zerusale khihsawzy chô liata ei ku ei hy aw. Bâlâ laibâhpazy cha, He su tawhta chhawh pathlah aw ei na ta, Nothlahpa theihthaipa mohzy chhao, A theihthaipazy chhaota ei chhawh pathlah khai aw ei.

RAWMA 9:27

Isai chhao ta Izarei kyh liata, “Izarei sawzy cha tilaipi sadi zie ta hluh hra ei sala, laibâhpa deita pachhapa ama châ aw.

RYHPACHANEINA 9:14

Chavâta na patypamâ khah y. Pahleipadia aw ei na ta, avâ ry tawhta ama moh ei phie aw. Âmo hlâta phopi hmotaothei viapa nata lai viapa ta nâ ei cha tao aw,’ tahpa ta na chho ta.

ZAWSUA 7:9

Cha thâtih cha Kâna mo nata a râh liata a pahrâpa zydua ta thei aw ei ta, miah dôh aw ei ta, alei chô tawhta eima moh ama pahlei ha aw he zaw! Chata a châ khiahta cha, na moh rônahpa pabohsa awpa ta kheihta ma na tao khao aw?” tah ta.

RUTHI 4:10

Cha dei châ vei, athipa cha a ryuto râh liata a moh a lei lei nawpa nata athipa moh cha a unawhzy tawhta nata a liahritlona khih thokhy chhikao tawhta chhawh pathlahpa ta a y lei nawpa ta, Mâhlô ta a panôhmeipa Môabâ zuah Ruthi chhao ei lapinô châta ei chalei haw. Tanoh nâmo he pahnokheituhpazy nama châ,” tah ta.