ISAI 48:18 - Mara Bible RV (BSI)

¹⁸ Ei biepiepazy na vaw nathlie ha mawh sala, Na thlalôhna chavah hawhta châ aw ta, Na siana tilaipi chatlaopa hawhta a châ awpa tlai!

ISAI 48:18 ပူးပေါင်းရင်းမြစ်များ

HLAZY 119:165

Na ryhpa a pasôtuhpazy cha, Thlalôhna ipa hnei ei ta, Khâpa ta hmah papao thei aw veih ei.

HLAZY 36:8

Na o liata ativyna zawhzi ta lôhrâtlôpa ta y ei ta, Nâ lyna chavahzy tawhta do awpazy na pie tyh ei.

ISAI 33:21

Cha liata Abeipa cha a rônahna chhaota, Eima châta chavah kawhpa hawhta châ aw ta, Vahtiepazy hawhta a châ aw; Cha liata balyh hiana chhaopazy sie leipa aw ei ta, Balyh laipazy ta siepahlie aw veih ei.

ISAI 42:24

Ahy ma Zakaw cha parutuhpa liata hlâ ta, Izarei cha hraotuhpazy liata a hlâ ha tly? A chô liata eima vaw molei hapa, Abeipa ta a hlâpa châ vei ma? A lâpizy a chhih khoh leipa ei ta, A ryhpa ama zyh khoh leipa, Abeipa ta a hlâpa châ vei ma?

ISAI 45:8

“Avâzy saih u, chô lâ tawhta vâkatlâ patlasa u la, Meihdozy tawhta siana avâ za suah mawh sy. Alei a pahy sala, Pachhana chhyh kaw thao mawh sy; Siana chhao a chhyh kaw thao sala, Pachhana nata pyuh khoh mawh sy; Kei Abeipa heta chazy cha ei paysapa a châ.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 61:11

Alei ta chizy papyusa ta, Sadô ta a chhôh liata chi tupazy a papyusapa hawhta, Abeipa Zehôvâh ta phopizy hmiakô liata Siana nata reithaina zy a papyusa aw.

ISAI 62:1

A siana cha khaihna hawhta pua sala, A pachhana meiôh khaihpa hawhta a papua hlâlei cha, Zaio vâta a thlih thlâh ha leipa aw na ta, Zerusale vâta a chalih aw va na.

ISAI 66:12

Abeipa ta he hetana heta a tah: “Moh teh u, Zerusale chô liata Chavah hawhta thlalôhna palosa aw na ta; Vahtie kao a khô ngâpa hawhta, A chô liata râh rônahna ei palosa aw. A sâhpiti pazy aw ei chi ta, A chakhai ta cha phaoh aw ei ta, A pakhu liata pasuapalipa ta nama y aw.

HÔSIA 10:12

Na châta siana chi tu la, Kyhpachâna tleih beih leipa thei hria mah y; Na râhmâhpa palie bâ teh. Tahmâ he Abeipa tlua daihti cha a châ hih, Chatanachata a vy aw ta, Na chô liata siana avâ a pasuasa aw.

AMÔSÂ 5:24

Chazy hlâta cha, Ryureina dopa cha chavah hawhta loh sala, Siana cha vahtie ti kua beih leipa hawhta loh mawh sy.

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RYHPACHANEINA 32:29

Ama so mawh sala, Cha kyh cha ama novâh aw ta, Ama chhâ nawpa ama pahno awpa tlai!

RYHPACHANEINA 5:29

Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!