Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ISAI 48:14 - Mara Bible RV (BSI)

14 Nama zydua ta a hmaoh u la, Nathlie teh u! Ama hry liata ahy kha ma He hmozy he a reih beih tly? Abeipa ta Kôresâ cha kyhpachâ ta, A khopa cha Babylaw chô liata tao aw ta, Kaldia mo chô liata a bâh a hy aw.

အခန်းကိုကြည့်ပါ။ ကော်ပီ




ISAI 48:14
17 ပူးပေါင်းရင်းမြစ်များ  

Zakaw ta a sawchapawzy aw ta, “Na vaw chadô teh u, noh hnôhlâ ta nama chô liata hmo a vaw tlô awpazy ei cha chho aw ei,” tah ta, hetana heta a chho ei:


“Nâmo, Zakaw sawchapawzy saih u, A hmaohpa ta nathlie u la, Nama paw Izarei bie nathlie teh u.


“Khazohpa ta a parao ti ei ta cha, Khinarâhzy lôsôhpa Babylaw cha, Sawdawmâ nata Kawmawrâ hawh ta châ aw ta; Kaldia mo rônahna nata apalaina chhao, Sawdawmâ nata Kawmawrâ hawhta a châ aw.


Pachâ teh, arâ a kiahpazy a vy ei ta, Arâ pheisaihzy a bao bao ta amâ vy,” tah ta. Riahvaituhpa lilaw chata, “A pao haw, Babylaw cha a pao haw, A khazoh nothlahpa zydua cha, Alei liata a taichheih khai haw,” Tahpa ta a chhy ta.


Nâmo, khazoh nothlahpazy saih u, Hmo vaw y awpa cha miah chho teh u. Pachâ sih la eima pasia thei nawpa ta, Hlâno hmozy miah chho u la, Hmo vaw tlô awpazy miah chho teh u.


Râh zydua a hmaoh ei ta, Phopizy amâ pakhy. Ama hry liata ahy ma he he reih thei aw ta, Hmo parohpazy miah a pahmô thei aw? Amâ dona a duakhei awpa ta, Pahnokheituhpazy a vaw chhi ei sala; Nathlie ei sala, “Â do na,” tah mawh ei sy.


Kôresâ kyh liata, ‘Ano cha ei mietaku vaituhpa châ ta, Ano ta ei chhuahna zydua pi a patloh aw,’ A tahtuhpa ei châ. Zerusale kyh liata, ‘Paduapathipa a châ aw,’ tah na ta, Achhyna o kyh liata, ‘Nâ bôna lôbô bôpa a châ aw,’ A tahtuhpa ei châ.”


Keima hawhpa he ahy ma a y? A y khiah cha a phuah mawh sy. Hlâno chyhsazy kha kei ta ei raopazy châ ei ta, Chavâta keima hawhpa he a y tlai khiahta cha, Ei hmiakô liata a vaw phuah mawh sy. Hmo a vaw y awpazy phuah ei sala, A vaw tlô awpazy phuah mawh ei sy.


Kôresâ cha siana ta pahra na ta, A lâpi zydua ei patlâsa lymâ aw. Ei khihpi paduapathi aw ta, Sei ta amâ chhipa ei chyhsazy a papua aw ei; A ty hmô awpa vâta châ leipa aw ta, Lymâ hmô awpa vâta châ hra aw vei,” Pheisaihzy Abeipa ta a tah.


“Pachâ teh u, chakeibarôhneipa ta sibiepa su phapa liata mietakuzy Zawdâh râhmâhpa tawhta eikhapi ta a vaw puahnaopa hawhta, Babylaw chhao a râh tawhta eikhapi ta parâsa aw na ta, ei khopa maih a chô liata biehneituhpa ta ei rao aw. Kei hawhpa he ahy y tly? Ahy ma a hmiakô liata a luah awpa ta nâ aw thei tly? Kheihawhpa mietaku vaituhpa ma ei hmiakô liata a duah thei aw tly?


Zisu ta ano cha moh ta, a kyhpachâ kaw ta, a hnohta, “Hmo miakha nâ phahla: sie la, na hneipa zydua zuah la, dyhchhiepazy pie mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ