ISAI 48:1 - Mara Bible RV (BSI)

¹ Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

ISAI 48:1 ပူးပေါင်းရင်းမြစ်များ

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

ÂTHAONA 35:10

Khazohpa ta Zakaw hnohta, “Na moh Zakaw châ ta, Châhrasala na moh Zakaw cha tah khao aw veih ei; Na moh cha Izarei a châ bâ aw,” tah ta. Chatanachata Khazohpa ta Zakaw cha Izarei tahpa ta a moh a bi.

2 ABEIZY 17:34

Ama taozietyhpa hawhta tanoh taihta ama tao lymâ. Abeipa chi leipa ei ta, Abeipa ta Izarei tahpa ta a bipa Zakaw pathlazy hnohta a piepa bieraopazy, pachianazy, ryhpazy nata biepiepazy zyh khoh veih ei.

2 ABEIZY 5:20

Khazohpa chyhsa Elaisâh chakaotuhpa Kehâzi ta, “Moh tua u, ei zibeipa ta Aramia chyhsa Nâmâ kha ngiachhie ta, hmo a vaw phaopazy a ku tawhta la leipa ta, a pasiesa haw. Abeipa hrona reipa ta ei reih, a kei chadai aw na ta, khâpa chhâ ma ei kei la tua aw,” tah ta.

HLAZY 63:11

Abei deikua cha Khazohpa liata a ly aw ta, Khazohpa moh ta bie a taihpa zydua cha thaphapa ta y aw ei ta, Haipa bie a reihpa hmaozy deikua cha pamaipa a châ aw.

HLAZY 66:3

Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

HLAZY 68:26

“Khazohpa cha pakhypi rônahpa liata reithai u la, Izarei tihnawh saih u, Abeipa cha reithai teh u,” ama tah.

HLAZY 68:27

Hawti chaipa Benzami ta âmo cha chhihtha ta, Zudâh chhituhpa hluhpi y ei ta, Zebulawna nata Nâthalai chhituhpazy amâ hlao hra.

PUASAINA 23:13

Nama hnohta ei reipa zydua he pachâ u la, khazoh hropazy moh rai reih leipa u la, na pakah tawhta a pua rai ta pua khah sy.

BIESOZY 5:16

Na tihnawhzy su to liata loh pathlahpa ta, Lâlaizy liata chavah tizy a loh awpa a châ ma?

ISAI 26:13

Hy Abeipa eima Khazohpa, Nâ deita eima chô liata ryureih leipa chi ta, Bei hropazy chhao ta ryu ama reih tyh; Châhrasala nâma moh deita eimâ thei tyh.

ISAI 44:5

Chyhsa pakha ta, ‘Abeipa eih ei châ,’ tah aw ta, Chyhsa hropa ta Zakaw moh a bi aw ta, Mohropa ta a ku liata ‘Abeipa eih,’ tahpa ropa ta, Anosasyh ta Izarei moh â bi aw.”

ISAI 45:23

Ei moh a reipa ta keimasasyh ta bie a taih na ta, Ei pakah tawhta siana ta bie pua ha ta, Vaw kua khao aw vei. Pakhu to ei hmiakô liata paneih aw ei ta, Paleih to ta na pazi awpa ta bie amâ taih aw.

ISAI 46:12

“Nâmo, palôh kuhchhapazy saih u, Na nathlie u la; Nâmo, pahniena tawhta a hla kawpazy saih u, Na nathlie teh u:

ISAI 51:1

“Nâmo, siana a chadaituhpazy saih u, Na nathlie u la; Nâmo, Abeipa a tluatuhpazy saih u, Na nathlie teh u. Ama cha khyna lôpanô lâ moh u la, Ama cha chaona alô thih lâ moh teh u.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

ISAI 58:2

Hmo dopa a taopa râh hawhta â hmô ei ta, Ama Khazohpa ryureina a heihsai leipa hawhta amâ pachâ; Noh chareih na tlua ei ta, Ei lâpizy a pahno khohpa amâ palyusa. Pachiana dopa na hiah ei ta, Khazohpa a hnia awpa a a tlaichhai kawpa ama lyu.

ISAI 62:8

Abeipa ta a ku chachâh lâta bie a taih ha ta, A bâh thatlôpa ta hetana heta bie â taih haw: “Na sâh cha na chariahpazy nie awpa ta Pie khao leipa aw na ta, Na hriapasana kresawhti cha, Chihropazy ta doh khao aw veih ei.

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

ISAI 65:16

Kha hlâta nôponazy kha mypa châ ha ta, Ei mo tawhta nyupa a châ hapa vâta, Alei liata anosasyh ta byhnâ â awpa cha, Biehmeiseihpa Khazohpa ta byhnâ pie aw ta, Alei liata bietai a taopa cha, Biehmeiseihpa Khazohpa liata bietai a taopa a châ aw.”

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

ZEREMIAH 44:26

“Chavâta nâmo Izi râh liata a pahrâpa Zudâh mo zydua saih u, Abeipa bie he thei teh u: Pachâ teh u, ei moh rônahpa ta bie ei taih haw. Izi râh liata a ypa Zudâh chyhsa ahy pakah ta hmahta, ‘Ei Abeipa Zehôvâh hrona reipa ta ei reih,’ tahpa ta ei moh reih beih khao aw veih ei, Abeipa ta a tah.

ZEREMIAH 5:2

“Abeipa hrona reipa ta ei reih,” tah taraw ei ta, Haipa ta bie â taih tyhpazy ama châ.

THEIHTHAINA 19:12

Ei moh ta haipa ta bie a taihpa ta, na Khazohpa moh na papuapalei awpa châ vei. Kei he Abeipa ei châ.

MIKÂ 2:7

Hy Zakaw pathlazy saih u, Cha hawhpa bie cha reih awpa a châ ma? Abeipa Thlahpa cha, A palôh a tataotahâpa a châ ma? Chazy cha ano taopa a châ ma? Âdopa ta a ypa chô liata cha, Ei biezy ta phana tao vei ma?

ZEPHANIA 1:5

Avâ liata hmozy vâphuh tawhta a chhy tyhpazy Chhawh pathlah aw ei na ta, Abeipa lâta a bôhpa ta bie a taih ha tlô ta, Môleka lâta bie a taih heihpazy Ei chhawh pathlah aw ei.

ZEKARIA 5:3

Ano ta ei hnohta, “Kha kha alei chô zydua a chahryh awpa chhiesana a châ. Châbu chatypa phiapa hmia lâ liata ropa hawhta, parutuhpa maih hriepa châ aw ei ta, châbu chatypa phiapa hnôh lâ liata ropa hawhta, haipa ta bie a taihpa chhao hriepa a châ hra aw,” tahpa ta na chho ta.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MALUHREINA 24:7

A chiahzy tawhta ti loh aw ta, Ti hluhpizy liata a chi a y aw; A bei cha Akâ hlâta rônah via aw ta, Â beinarâh cheihchalopa a châ aw.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

ZAWHÂNA 4:24

Khazohpa cha Thlahpa châ ta, ano achhytuhpazy ta thlahpa nata biehmeiseihpa ta amâ chhy awpa a châ,” tah ta.

RAWMA 2:17

Pachâ teh, nâ Zu chyhsa a tah chi ta, ryhpa a ngâchhâ chi ta, Khazohpa nâ palaikhei.

RAWMA 9:6

Châhrasala Khazohpa bie cha hraoleipa ta a y tahna châ vei. Izarei pathla zydua Izarei châ khai hlei veih ei.

RAWMA 9:8

Cha yzie cha, sapa sawzy cha Khazohpa sawzy châ leipa ei ta, bietai sawzy cha Abarahâ pathla ta raopa tlao ama châ.

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

RYHPACHANEINA 33:28

Chatanachata Izarei cha, Sâh nata kresawhti râh liata â bohpa ta ypa ta, Avâzy ta diati ama patlasana liata â bohpa ta y ta, Zakaw pahrâna cha thlalôhpa ta a y.

RYHPACHANEINA 5:28

“Ei hnohta bie nama reipa cha Abeipa ta thei ta. Abeipa ta ei hnohta, ‘Kha phopi ta na hnohta bie ama reipa thei na ta, ama reipa zydua a pha.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

1 TIMAWTHY 4:2

Cha hawhpa pachunazy cha phapakheipa haihthaipazy tawhta vaw pua ta, ama chhie nata pha pahnona cha thua sahpa ta pakâ hapa hawhta a châ.

BIEPHUAH 2:9

“‘Na pasataozie nata na dyhchhiezie zy ei pahno. Châhrasala hneirôhpa na châ. Zu hmeiseihpa châ tlôh leipa ta Zu â tahpa, Sâtâ pakhyna o a châpazy ta ama cha reipachhiena chhao ei pahno.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.