ISAI 47:9 - Mara Bible RV (BSI)

⁹ He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ISAI 47:9 ပူးပေါင်းရင်းမြစ်များ

HLAZY 73:19

Kheihtazie ta ma sôkha ta pahleipadiapa châ ei ta, Hmo chichhihpazy ta a phaoh pathlah thlâh ha ei tly!

ISAI 13:16

Ama hawsaihzy taichheihpa châ aw ei ta, Ama mohmô lia tlai ta taichheihpa ama châ aw; Ama ozy hraopa châ aw ta, Ama lapinôzy patupakhipa ama châ aw.

ISAI 21:9

Pachâ teh, arâ a kiahpazy a vy ei ta, Arâ pheisaihzy a bao bao ta amâ vy,” tah ta. Riahvaituhpa lilaw chata, “A pao haw, Babylaw cha a pao haw, A khazoh nothlahpa zydua cha, Alei liata a taichheih khai haw,” Tahpa ta a chhy ta.

ISAI 47:11

Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

ZEREMIAH 15:9

Saw pasari a satuhpa cha panao ta, A thlahpa a pathlie haw; Nohchhô ta a noh tla ha ta, Nozapa nata nohzaopa ta a y. Laibâhpazy cha zaozi ta thi awpa ta, Ama chariahpazy ku liata ei pie aw ei, Abeipa ta a tah.”

ZEREMIAH 51:29

“Babylaw râh cha roryhrapa ta taopa ta, Chyhsa pahrâ leina râh ta tao awpa ta, Abeipa hmochhuahpa cha a vaw tlô hapa vâta, Babylaw râh cha pasataopa ta â chalyu.

DÂNIAH 2:2

Abei ta a mâsapazy cha ano chho awpa ta moliethaipazy, dyuthaipazy, pachaothaipazy nata awhsithaipazy awpakhy awpa ta biepie ta. Âmo cha a vy ei ta abei hmiakô liata a duah ei ta.

DÂNIAH 4:7

Moliethaipazy, dyuthaipazy, awhsithaipazy nata pachaothaipazy a vy ei ta, ei mâsapa cha âmo chho ei na ta, châhrasala a chhopasiana na chho thei veih ei.

DÂNIAH 5:30

Cha zâ liana tlai chata Kaldia bei Belsâza cha thiepa châ ta,

DÂNIAH 5:7

Dyuthaipazy, awhsithaipazy nata pachaothaipazy ano lâ a vaw chhi awpa ta abei cha a paro ngaitapa ta awh ta. Abei ta Babylaw chyhsa sopazy hnohta, “Ahy rai he châropa he reih ta, a chhopasiana nâ chho theipa cha, poh saihlawpa pabupa châ aw ta, a rao liata ngôh pachhih paaopa châ aw ta, khinarâh liata ryureituhpa a sâh chaipa a pathôhna a châ aw,” tah ta.

NÂHU 3:4

Cha zydua cha, Âzuahnô sihryhna rei tiah leipa vâta châ ta, A khoiah hneina nata a dyuthaina vâta a châ; A sihryhna ta râhzy zuah ta, A dyuthaina ta phopizy a zuah tyh.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

RUTHI 1:20

Naomi ta ama hnohta, “Naomi na tah khah u, Marâh na tah teh u, Atotaotheipa ta nôpo ngaitapa ta eina tao ha hih.

RUTHI 1:5

Mâhlô nata Khilô chhao cha thi ha hra ei ta. Cha chanô cha a sawchapaw pano nata a vahpa y khao leipa ei ta, ano deita ta siesaipa châ ha ta.