ISAI 47:8 - Mara Bible RV (BSI)8 Chavâta nâ haosai sai tlaichhai chi ta, Â bohpa ta a tyuhpa ta na palôh liata, “Keima tlai he na ei châ, Keima leipa ta mohropa y veih ei; Nôhmei châ beih leipa aw na ta, Sawzy pahlei beih aw va na,” a tahtuhpa y, He he thei teh: အခန်းကိုကြည့်ပါ။ |
Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.
Chatawhcha chyhsa papangawhzy cha pua ei ta, Laisâh khih tlô ei ta, cha liata chyhsazy cha thlalôh kawpa ta y ei ta, Sidaw mo hawhta sidiapa nata chhôhmohpa ta ama ypa hmô ei ta. A chhâpa cha, ama chô liata bie a hneipa nata khâpa kyh vâta tlyma ama noh a pazao awpa râh liata ama y leipa vâta a châ. Sidaw mo nata chhao a hla kaw ei ta, ahy nata hmah azaona hnei veih ei.