ISAI 47:14 - Mara Bible RV (BSI)

¹⁴ Moh teh, sawphao hawh dei ama châ; Mei ta âmo cha kâ ta, Meipaleih hmotaotheina tawhta Âmosasyh a pachha thei veih ei. Cha mei cha a palalôh nawpa meihei rakhapa châ leipa ta, A aih awpa mei rakhapa châ vei.

ISAI 47:14 ပူးပေါင်းရင်းမြစ်များ

PUASAINA 5:12

Chatanachata Izarei sawzy cha Izi râh zydua liata a khie ei ta, sawphao vyuhpa ta sâhkô chuahmi pakhy laih ei ta.

ISAI 10:17

Izarei khaihna cha mei châ aw ta, A Mo Pathaihpa cha mei palei a châ aw; Chatanachata a diahsai nata ahlohzy cha, Noh kha ta a kâ patlô khai aw.

ISAI 30:14

Alei beih a dizao khai hana taihta taichheih ei ta, A keina hry liata chakoh mei la nawpa Beihkaopa dâhdei y khao leipa ta, Tikhaoh ti thai nawpa chhao a y khao leipa hawhta, Moleina liata a paopazy cha ama châ aw.”

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ISAI 40:24

Lopa nata tupa châ ei ta, Alei liata thari ama thla pathaopa nahta, Âmo cha a hu ta hmô ta, Ama uah ha tyh; Chatanachata sâh sihpa hawhta, Chothyu ta a phaoh pathlah ha tyh ei.

ISAI 41:2

A siena maihta pahniena a to lymâpa Nochhi chyhsa siapa cha, Ahy ma Abeipa rai hria awpa ta a pahra tly? Abeipa ta râhzy a ku liata pie ta, A hmiakô liata abeizy a panawh haw. A zaozi ta âmo cha dohlei hawhta pazao ta, A libaw ta sâh sihpa hawhta â zawkhei ha ei.

ISAI 44:16

Tho khophie mei liata ti ta, Tho khophie cha sa niena châta a hmâh tyh; Cha liata sazy rao ta, Lôhrâtlôpa ta a y tyh. Mei a aih nawpa châta chhao hmâh ta, “Âh, a lalôh dâh cha, Mei a pha dâh cha!” a tah tyh.

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ZEREMIAH 51:30

Babylaw pasaiphazy cha, Chariah a dyuh khao veih ei; Ama thokhy chhôh liata tlôh ei ta, Ama riahphana a dia haw; Chanô ama lyu bâ. A pahrâna suzy kâ khai ha ta, A thokhy chhikao hraina lâhreizy a tlie khai haw.

ZEREMIAH 51:32

Chavah chakana suzy la ha ei ta, Tichhoh yna liaryhzy mei ta ama rao haw; Pheisaihzy thlazohpa ta ama y.”

ZEREMIAH 51:58

Pheisaihzy Abeipa ta hetana heta a tah: “Babylaw thokhy chhapa cha pachopa châ aw ta, A chhikao a sâhpazy mei ta raopa a châ aw. Phopizy cha hraoleipa ta hriapasa ei ta, Râhzy ta mei châta ama rie tlâ amâ pathei.”

EZEKIA 15:7

Ei heihnao aw ei. Mei tawhta pua hra ei sala, mei ta kâ khai pyly aw ei ta, ei heihnao ti ei ta, Abeipa ei châ tahpa nama pahno aw.

ZÔELA 2:5

Talailih pyu hawhta a vih ei ta, Tlâhpizy chô liata amâ thluah; Sawphao a kâ ngâpa meipaleih hawhta pa ei ta, Phopi thatlôpa hrâsiepa ama lyu.

ÔBADIA 1:18

Zakaw pathlazy cha, Mei châ aw ei ta; Zawsi pathlazy chhao, Meipaleih ama châ aw; Esaw pathlazy cha, Sawphao châ aw ei ta; Mei ta rao aw ei ta, Ama pakâ khai aw; Esaw pathlazy cha, Ahrohpa rai y aw veih ei,” Abeipa ta a tah.

NÂHU 1:10

Ahloh buh a chaviapa hawhta châ ei ta, Sahma doh ta a paripa ama lyu; Sâhkô raohpa hawhta pakâ khaipa ama châ.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

BIEPHUAH 18:21

Chatawhcha vâlyuhchâpa thatlô ngaitapa ta sâhchariehna lô lai ngaitapa a lyupa alô la ta, tilaipi liata thy ta, hetana heta a tah: “Kha hawhna khata, Babylaw khihpi rônahpa chhao, Pasa kawpa ta thypa châ aw ta, Hmô heihpa châ khao aw vei.