ISAI 47:12 - Mara Bible RV (BSI)

¹² Na hawtita tawhta na hriapasa tyhpa, Na pachaonazy liana cha a duah la, Na dyu hluhpi liana cha a duah tua rai; Na hlao a tloh thlâh ha thei ngyu aw mâh tâh, Chichhihpa hmo na paysa thei thlâh ha ngyu aw mâh tâh.

ISAI 47:12 ပူးပေါင်းရင်းမြစ်များ

HLAZY 129:1

Tahmâ cha Izarei ta, “Ei thyutlia no tawhta ei hluhpi na pasasa ei ta,

PUASAINA 7:11

Phiraoh chhao ta chyhsa sopazy nata dyuthaipazy aw hra ta, Izi râh liata moliethaipazy chhao chata ama dyu hmâpa ta, cha hawhna tlai chata tao hra ei ta.

PUASAINA 8:7

Châhrasala moliethaipazy ta ama dyu hmâpa ta, cha hawhna tlai chata tao hra ei ta, Izi râh chô liata uphawhzy pakiasa hra ei ta.

PUASAINA 9:11

Izi mo zydua kheihluh ta thla khai ha ei ta, moliethaipazy chhao a thla ha hrapa vâ ei ta, ama kheihluh vâna chata moliethaipazy cha Mawsi hmiakô liata a duah thei khao veih ei.

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

ISAI 44:25

Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

EZEKIA 21:26

Abeipa Zehôvâh ta hetana heta a tah: A khutho hlai u la, a beilakho pahluh teh u. Hmozy ama ualuapa ta y khao aw veih ei. Anawhpazy cheihchalo u la, cheihchalopazy panawh teh u.

DÂNIAH 2:11

Abei hmo a hnawpa he a ru tu ha na; khazohzy na tah leipa ta cha ahy hmahta he hmo he abei a chhopasia thei awpa y aw veih ei, khazohzy hra cha chyhsazy hry liata pahrâ tlôh ei vâ,” tah ei ta.

DÂNIAH 2:2

Abei ta a mâsapazy cha ano chho awpa ta moliethaipazy, dyuthaipazy, pachaothaipazy nata awhsithaipazy awpakhy awpa ta biepie ta. Âmo cha a vy ei ta abei hmiakô liata a duah ei ta.

DÂNIAH 5:15

He châropa he reih ta, a yzie na chhopasia awpa ta chyhsa sopazy nata pachaothaipazy ei hmiakô liata a vaw chhi ei ta, châhrasala he hmo chhopasiana he na chho thei veih ei.

MIKÂ 3:7

Hrohsopazy nohzaopa ta y aw ei ta, Peihthaipazy nozapa ta ama y aw.

NÂHU 3:4

Cha zydua cha, Âzuahnô sihryhna rei tiah leipa vâta châ ta, A khoiah hneina nata a dyuthaina vâta a châ; A sihryhna ta râhzy zuah ta, A dyuthaina ta phopizy a zuah tyh.

MALUHREINA 22:25

Alâ ta Abeipa vâlyuhchâpa a hmô nahta, diahpai cha kei chatôh ta, Bâlâma phei cha diahpai liata charieh ta. Chavâta Bâlâma ta alâ cha chhei heih ta.

BIEPHUAH 9:21

Ama lianycheinazy, ama dyuthainazy, amâ patlana moleinazy nata ama parunazy chhao ro hlei veih ei.