ISAI 47:11 - Mara Bible RV (BSI)

¹¹ Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

ISAI 47:11 ပူးပေါင်းရင်းမြစ်များ

NEHEMIAH 4:11

Eima chariahpazy ta, “Âmo lâ vawh aw pi ta, thie aw pi ta, raihria eima chalihsa hlâlei pahno leipa aw ei ta, miah hmô aw veih ei,” tah ei ta.

HLAZY 35:8

 pachyh vei nota raona ta vaw tlô thlupa ta, A sao chôpa liata anosasyh a ao sala, Cha liata tlasao mawh sy!

HLAZY 50:22

“Chavâta nâmo, Khazohpa a mypa saih u, A phapa ta pachâ teh u; Chataleipatala cha hriechheih aw ei na ta, Châ pachha awpa y aw veih ei.

HLAZY 55:15

Ei chariahpazy chô liata thina vaw tlô sala, Ama hrohpa ta Athihkhih lâ sie mawh ei sy; Ama pahrâna su liata hmo pha leipa y ta, Ama palôh hmo pha leipa ta a bie.

HLAZY 73:19

Kheihtazie ta ma sôkha ta pahleipadiapa châ ei ta, Hmo chichhihpazy ta a phaoh pathlah thlâh ha ei tly!

BIESOZY 13:21

Moleipazy cha chhiena ta chadai ei ta, Mosiapazy deikua cha phana ama hmô tyh.

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 29:5

Châhrasala chihropa na chariahpa hluhpizy cha, Dohlei dipa hawhta châ aw ei ta; Nôchhiepa manôh hluhpizy chhao, Saviah a zawpa hawhta ama châ aw. Movi hlâta, eikhapi ta,

ISAI 30:13

Cha moleina cha, Nama châta thokhy a sâhpa liata a pyupa hawhta châ aw ta, A kei laih lymâpa hawhta a châ aw; Eikhapi ta pao ta, Movi hlâta a pao hapa hawhta a châ aw.

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 47:9

He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ISAI 48:8

Thei beih leipa ei chi ta, Pahno beih hra leipa ei chi ta, Hlâno tawhta nama nah pachôh beih veih ei chi. Haiphiahpa ta hmo nama tao aw tahpa pahno na ta, Nô chhi tawhta chakhiatuhpa ama cha tahpa na châ.

ISAI 57:1

Mosiapa leidia ta, A pachâ muaruapa y leipa ei ta; Khazohpa a pachâpazy lapa châ ei ta, A chhâpa a pahnopa y veih ei. Mosiapa cha chhiena a vaw tlô awpa tawhta lapa châ ta,

ZEREMIAH 51:29

“Babylaw râh cha roryhrapa ta taopa ta, Chyhsa pahrâ leina râh ta tao awpa ta, Abeipa hmochhuahpa cha a vaw tlô hapa vâta, Babylaw râh cha pasataopa ta â chalyu.

ZEREMIAH 51:43

A khihpizy roryhra khai ha ta, Râh raohpa nata râhchawhpa lâta amâ lie haw; Chyhsa pahrâ leina râh châ ha ta, Chyhsa saw chapia leipa râh lâta â lie haw.

ZEREMIAH 51:8

Babylaw cha eikhapi ta pao ta, A keichheih haw; Chakhei u la, A hmah liata thohna hniapa teh u, A tlâh thei ngyu aw.

CHAPHÔHTUNA 1:21

“Ei hrôpa thei ei ta, Châhrasala thlah nâ palôhtuhpa y veih ei. Ei chariahpa zydua ta ei nôpona thâtih thei ei ta, Cha hawhta eina paysapa chi cha amâ ly kaw. Noh na raopa vaw patlôsa ha chi ta, Âmo chhao kei hawhta châ hra mawh ei sy.

EZEKIA 7:26

Chhiena nata chhiena a patho aw ta, bie pathâhpa nata bie pathâhpa â pazi aw. Hraoleipa ta hrohsopa tawhta aluahna tlua aw ei ta, theihthaipazy tawhta ryhpa lei aw ta, machâzy tawhta ryhraokheina a lei aw.

MATHAI 18:34

A zibeipa cha a hiehâh ngaita ta, a leibâh zydua a pie khai hlâlei riethei pataosa awpa ta patâhna o hyutuhpazy hnohta a hlâ haw.

LUKA 12:59

Ei cha chho, na chei awpa phusâ dipa taihta na pie khai hlâlei cha, cha su tawhta pua aw va chi,” tah ta.

LUKA 17:27

Nôah balyh liata â ngiana noh taihta niedopa ta y ei ta, nôpi nôvahzy amâ pakia. Tipaua vaw tlô ta, ama zydua ta a pahleipadia khai ha ei.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

BIEPHUAH 3:3

Na topa nata na theipazy kha a thei la, zyh la, ro teh. Nâ hra vei khiahta la, parutuhpa hawhta a vy aw na ta, khati dawh ta ma ei cha vaw pachhai aw tahpa pahno aw va chi.