ISAI 47:1 - Mara Bible RV (BSI)

¹ Hy Babylaw zuah kônô y, Za chô la dohlei liata a zâ tyuh teh; Hy Kaldia zuahnô y, Beidyuchhai leipa ta alei liata a tyuh teh! Nônai nôtlyhnô cha tah khao aw veih ei.

ISAI 47:1 ပူးပေါင်းရင်းမြစ်များ

ZAWBÂ 2:13

Noh sari nata zâ sari chhôh a hnohta alei liata a tyuh ei ta. A pasana a paru ngaitapa ama hmôpa vâta, bie chhao a chho thei veih ei.

ZAWBÂ 2:8

Buchâh liata a tyuh ta, beihkaopa ta a hmah cha haokhy ta.

HLAZY 137:8

Hy Babylaw sawchanô, Pahleipadiapa châ aw chi ta, Eima chô liata na taopa viari châ thôtuhpa cha, Vânoh topa ta a y aw.

HLAZY 18:27

Areisipa pachha chi ta, Akhotlâhpa na panawh tyh.

HLAZY 89:44

A rônahna pachhâsa chi ta, A beidyuchhai alei lâ na thy haw.

ISAI 13:1

He bie he Amôza sawchapawpa Isai ta Babylaw kyh liata aluahna a hmôpa a châ.

ISAI 13:13

“Chavâta avâzy chalyusa aw na ta, Pheisaihzy Abeipa pathiiana noh liata, A hiehâhna ru ngaitapa vâta Alei he a yna tawhta chatho pathlahpa a châ aw.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 21:1

He he tilaipi kiah râhchawhpa kyh chhochhieliena bie a châ: Khisô ta Neke a chanaohpa hawhta, Chariahpa cha râhchawhpa tawhta a vy ta, Râh chichhihpa tawhta â vy.

ISAI 23:12

“Hy Sidaw laihsa kôpa y, Tlybaipa ta y ha chi ta, Na haosai pha khao aw vei; Thyu la, Kiti lâ haosâ kei zoh teh, Cha liata chhao apahâna hnei hlei aw va chi,” Abeipa ta a tah.

ISAI 26:5

Su sâhpa liata a pahrâpazy pahnai ta, Khihpi â pasâhsa kawpa cha a panawh haw. Alei taih tlai ta khihpi cha panawh ta, Dohlei taih tlai ta a pahnai haw.

ISAI 3:26

A thokhy chhikaozy cha, Chaphôhtupa ta mâchhiesa aw ei ta; Ziahzirohpa ta alei liata â tyuh aw.

ISAI 37:22

he he Senâkeri kyh Abeipa ta a reipa a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

ISAI 52:2

Hy Zerusale, thyu la, Dohlei châ baipa kha chatho la, Na beidyuchhai liata a tyuh teh! Hy Zaio sawchanô sei ta a tâhpa y, Na rao liata bâlia nâ kypazy kha pathlâ mah y.

ZEREMIAH 13:18

Bei nata a nô hnohta hetana heta tah teh: “Dyuchhai a hnaipa liata a tyuh teh u; Nama beilakhozy tla ha ta, Nama rônahna lakho a tla haw.”

ZEREMIAH 46:11

Hy Izi sawchanô laihsa kôpa y, Kilia lâ khy la, sathaw thohna a kaw la teh! Thohna hluhpi hmâh ha chi ta, Châhrasala hraoleipa sai châ ei ta, Na châta tlâhna rai y vei.

ZEREMIAH 48:18

“Nâ, Dibô sawchanô, Na rônahna tawhta za chô la, Chhaohlei chawhkaraipa liata a tyuh teh. Môabâ hraotuhpa ta châ khyhnao ta, Na thokhyzy a parao haw.

ZEREMIAH 50:1

He he Babylaw khihpi nata Kaldia râh kyh liata, Abeipa ta hrohsopa Zeremiah hmâpa ta a reipa bie a châ:

ZEREMIAH 50:42

Libaw nata asei a chaba ei ta, Zawngiahna a hnei leipa Nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta amâ patlâh; Hy Babylaw sawchanô y, Hrâ ama cha vaw siehnao huh.

ZEREMIAH 51:1

Abeipa ta hetana heta a tah: “Moh teh u, paraotuhpa thlih ei pathyu aw; Babylaw chô liata pathli aw ta, Lebakâmai chyhsazy chô liata a pathli aw.

ZEREMIAH 51:33

Pheisaihzy Abeipa, Izarei Khazohpa ta hetana heta a tah: “Babylaw sawchanô cha, Sâh tly nota sawhri hawhta a châ; Bohpi leipa ta a sâh hria daihti a vaw tlô aw.”

ZEREMIAH 51:51

‘Chi hropazy vaw tlô ei ta, Abeipa o su pathaihpazy liata amâ ngiapa vâta, Reipachhiena biezy eima thei; Nozapa ta y pi ta, Nohzaona ta eima hmia a khu haw.’

CHAPHÔHTUNA 2:10

Zaio khihpi machâzy cha, A chalihpa ta alei liata a tyuh ei ta; Ama luh liata buchâh a mia ei ta, Latho poh amâ bu; Zerusale laihsa kôpazy chhao, Alei lâ a khu ei ta amâ bôh.

CHAPHÔHTUNA 2:21

Khiliah dohlei hry liata, Hawti machâ amâ zawh; Ei satlia laihsa zy Zaozi ta ama pao haw; Na hiehâhna noh liata thie ei ta, Ngiachhiena rai hnei leipa ta ama thie khai haw.

CHAPHÔHTUNA 4:5

Niedo pahâh chaipa a nie tyhpazy kha, Khiliah liata ama leidia haw; Poh saihlawpa a bupa ta a laiseihpazy chhao, Hnaihny a pathlupa amâ pyhpahly bâ.

EZEKIA 26:16

Tilaipi kiah râh bei zydua cha, ama beidyuchhai tawhta chô aw ei ta, ama poh rônahpazy hlai aw ei ta, ama chysia a ngiapazy ama pahluh aw. Achalyuna ta tlao a tobi aw ei ta, a chalyupa ta alei liata a tyuh aw ei ta, cha moh aw ei ta noâh ama tah aw.

EZEKIA 28:17

Na chhithaina vâta na palôh lai ta, Na sona cha nâma rônahna châta na hmâh tyh. Chavâta alei liata cha thy na ta, Beizy mo lôhrâ patlô nawpa ta, Ama hmiakô liata ei cha chaluah.

ZAWNA 3:6

Cha biezy cha Ninivâ bei kô a tlô nahta, a beidyuchhai tawhta thyu ta, a bei poh hlai ta, latho poh a bupa ta buchâh liata a tyuh ta.

HÂKAI 2:22

Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

ZEKARIA 2:7

Hy Zaio, a râ la; nâ Babylaw sawchanô hnohta a pahrâpa y, a râ syulyu ha mah y.

BIEPHUAH 18:7

Anosasyh ta a parônahsa ta, Phasapa ta a y tyhpa kha, Â phuhpa ta pasa pataosa u la, Mâchhie pasasa teh u; A palôh ta, ‘Beinô ta ei tyuh, Nôhmei châ va na, Mâchhiesa beih aw va na,’ Tahpa ta reih tlôh ta.