ISAI 46:7 - Mara Bible RV (BSI)

⁷ Khazoh nothlahpa cha, Ama ngiatlâh liata khaipa ta a pia ei ta; A su awpa liata soh ei ta, Cha liata â duah ngâ thlâh haw; A su tawhta ano kho ta a pasie thei vei. Chyhsa ta a aw khiahta cha, A chhy leipa ta; A nôpona tawhta pachha thei hra vei.

ISAI 46:7 ပူးပေါင်းရင်းမြစ်များ

1 ABEIZY 18:26

Viahchao tôhpa âmo ama piepa cha la ei ta, a chhuanoh ei ta, “Hy Bâlâ y, miah a chhy teh,” tahpa ta my tawhta nohchhô taihta Bâlâ moh cha pado ei ta. Châhrasala ao pyury rai y leipa ta, a chhytuhpa rai y veih ei. Chatawhcha maisâh ama taopa cha lâ chahlô ei ta.

1 ABEIZY 18:29

Nohchhô locho daihti khô ta, zâlâ atheihna daihti taihta ama hrohsona biezy cha reih ei ta. Châhrasala ao pyury rai y leipa ta, a chhytuhpa rai y leipa ei ta, a pachâtuhpa rai y veih ei.

1 ABEIZY 18:40

Elaizâh ta ama hnohta, “Bâlâ hrohsopazy kha patu teh u. Pakha hmah papuasa khah u,” tah ta. Bâlâ hrohsopazy cha patu ei ta, Elaizâh ta âmo cha Kisaw chavah lâ a chhi ta, cha liata a thie khai ha ei.

ISAI 37:38

Noh kha cha a khazoh Nisrô o liata khazoh â chhy hai nota, a sawchapawpa Adarâmele nata Sareze ta zaozi ta chhawhsao ei ta, Ararâ lâ ama râ hapa vâta, a sawchapaw hropa Esâhadô ta ano su liata â bei haw.

ISAI 40:20

Dyhchhie tupa vâta hmo hlâ awpa a hnei leipa chyhsa ta Tho phapa a tlyh ta, Khazoh nothlahpa a piepâ thai leipa pataosa awpa ta, Zôthaipa a tluapa nata ma nama pakho aw?

ISAI 41:28

Châhrasala moh nahta, Chyhsa rai y leipa ei ta; Hiahri ei na ta, Achhyna a pie theipa Ryhraokheituhpa ama hry liata y veih ei.

ISAI 41:29

Moh tua u, apakheipa sai châ ei ta, Ama raihria chhao hraoleipa sai a châ; Ama nothlahpa leihpazy chhao, Ziza ruapa dei a châ.

ISAI 41:7

Zôthaipa ta ngôh daihtuhpa pasyu ta, Syulô ta pamihtuhpa ta Syuphaw lô liata a daihtuhpa a pasyu; A baipâna kyh liata, “A pha kaw,” tah ta, Â chalyu lei nawpa ta, Thuakhaizy ta ama khaipâ.

ISAI 44:12

Thua khazoh nothlahpa tao awpa ta, Syudaihpa ta chhaichhi a chabapa ta, Meihei chô liata rai a hria; Khazoh nothlahpazy cha syulô ta daih ta, A bâh thatlôpa hmâpa ta nothlahpa cha a tao. A nodipa ta a thachhâ ta, Ti do leipa ta a panao.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 46:1

Bel a bôh ta, Nebô â pahnai; Ama khazoh nothlahpazy cha, Râhsazy nata sahrohzy chô liata ama khaih. He hmozy nama phaopa he, Sahroh thachhâpazy chô liata Phaohri hawh deita a châ.

ISAI 47:15

Na rie nâ vaw pathei tyhna hmozy cha, Cha hawhna chata na châta châ aw ei ta, Na hawtita tawhta sôh na palie lâhpazy chhao, Cha hawhna chata na châta ama châ hra aw. Âmo lâpi chyu liata viavi ei ta, Châ pachha thei awpa ahy hmahta y veih ei.

ZEREMIAH 10:5

Ama khazohzy cha athei lyu liata Pavaw pachisana nothlahpa hawh dei châ ei ta, Reih pathlie thei veih ei; Âmo kho ta ama sie thei leipa vâta, A sy awpa a byuh tyh. Chavâta âmo cha chi khuh vy; Hmo chhiepa tao thei leipa ei ta, Hmo phapa tao theina âmo liata y hra vei.”

ZEREMIAH 11:12

Chatawhcha Zudâh khihpizy nata Zerusale khihsawzy cha, atheihna ama hlâ tyhpa khazohzy lâ pangaipa ta awsao aw ei ta, châhrasala chazy chata ama nôpona daihti pachha thei aw veih ei.

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

DÂNIAH 3:1

Bei Nebukaneza ta ngôh nothlahpa, a doh lâ dy sycharu a sâhpa nata a hâ dy charu a kawhpa tao ta, Babylaw râh Durâ bypi liata padua ta.

ZAWNA 1:5

Balyh puhpazy cha chi ngaita ei ta, ama khazoh pado chyu ei ta. Balyh cha âmo châta â hua thei nawpa ta, balyh chhôh liata hmozy cha tilaipi lâ pazaw ei ta. Zawna deikua cha balyh chhôh chaipa liata a ngia ta, a zia ta, mokuh pahâh kawpa ta a mô syulyu ha ta.

1 KAWRINI 12:2

Ngiapâleipa nama châ no kha, nothlahpa reih pathlie thai leipazy lâta a chhipa ta y ei chi ta, lâpi paviasapa ta nama ypa nama pahno.

1 SAMUELA 5:3

A mylâ mydi kari ta Asadô chyhsazy cha thyu ei ta, Dakao cha Abeipa Byh hmiakô liata â khu lâta vaw pao thlâh ha ta. Dakao cha la ei ta, a yna su liata soh heih ei ta.