ISAI 46:3 - Mara Bible RV (BSI)

³ “Hy Zakaw pathlazy saih u, Na nathlie u la; Hy Izarei pathla laibâhpazy saih u, Na nathlie teh u; Py chhôh tawhta ei pyhpazy châ ei chi ta, Chhi tawhta ei pipazy nama châ.

ISAI 46:3 ပူးပေါင်းရင်းမြစ်များ

HLAZY 28:9

Na phopi he pachha la, Na ryuto he byhnâ pie mah y; Âmo cha pasa la, Chhâzaw ta hrôbieh mah y.

HLAZY 71:6

Chhi tawhta nâ liata a pahnieh na ta, Ei nô py tawhta nâ latuhpa na châ. Khâ ei cha reithai aw.

PUASAINA 19:4

‘Izi mo chô liata ei hmotaozie nata pahmôhpi mathlaw ta cha phaoh ei na ta, kei lâta ei châ chhipa ei kha nâmo tlai ta nama hmôpa kha a châ.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 10:20

Cha noh liata, Izarei laibâhpazy nata Zakaw pathla a hrohpazy cha, âmo a thietuhpa liata a pahnieh khao leipa aw ei ta, Abeipa Izarei Mo Pathaihpa liata tlao a pahnieh aw ei ta, biehmeiseihpa liata amâ pahnie bâ aw.

ISAI 10:21

Laibâhpazy vaw kua aw ei ta, Zakaw laibâhpazy cha Khazohpa thatlôpa lâ ama kua heih aw.

ISAI 10:22

Hy Izarei, na phopi cha tilaipi sadi tlu ta hluh hra ei sala, laibâhpazy deita ama vaw kua aw. Raona bie papua hapa châ ta, adona a khô pathlah.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

ISAI 4:3

Zaio liata siesaipa nata Zerusale liata a nguapa, Zerusale liata a hrohpa moh ropazy cha pathaihpa tahpa ama châ aw.

ISAI 44:21

Hy Zakaw y, he hmozy he a thei thlâh ha la, Hy Izarei, nâ chakaotuhpa na châpa vâta, He hmozy he a thei thlâh ha mah y. Kei ta ei cha paduapa châ chi ta, Nâ chakaotuhpa na châ; Hy Izarei, cha my beih aw va na.

ISAI 46:12

“Nâmo, palôh kuhchhapazy saih u, Na nathlie u la; Nâmo, pahniena tawhta a hla kawpazy saih u, Na nathlie teh u:

ISAI 48:1

Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

ISAI 51:1

“Nâmo, siana a chadaituhpazy saih u, Na nathlie u la; Nâmo, Abeipa a tluatuhpazy saih u, Na nathlie teh u. Ama cha khyna lôpanô lâ moh u la, Ama cha chaona alô thih lâ moh teh u.

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

RYHPACHANEINA 1:31

Chyhsa ta a sawchapawpa a pipa hawhta, Abeipa nama Khazohpa ta râhchawhpa liata cha pi laih ei ta, he su nama vaw tlôna taihta lâpi tlykha ta a cha pi lymâpa ei nama hmôpa hawhna khata,’ tah na ta.