ISAI 46:1 - Mara Bible RV (BSI)

¹ Bel a bôh ta, Nebô â pahnai; Ama khazoh nothlahpazy cha, Râhsazy nata sahrohzy chô liata ama khaih. He hmozy nama phaopa he, Sahroh thachhâpazy chô liata Phaohri hawh deita a châ.

ISAI 46:1 ပူးပေါင်းရင်းမြစ်များ

ZAWBÂ 39:11

A thatlô ngaitapa vâta ano liata a pahniehpa ta, Na raihria awpa ano na thy thlu khai aw ma?

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

ISAI 2:18

Khazoh nothlahpazy cha ama leidia khai aw.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 21:9

Pachâ teh, arâ a kiahpazy a vy ei ta, Arâ pheisaihzy a bao bao ta amâ vy,” tah ta. Riahvaituhpa lilaw chata, “A pao haw, Babylaw cha a pao haw, A khazoh nothlahpa zydua cha, Alei liata a taichheih khai haw,” Tahpa ta a chhy ta.

ISAI 30:6

He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 46:7

Khazoh nothlahpa cha, Ama ngiatlâh liata khaipa ta a pia ei ta; A su awpa liata soh ei ta, Cha liata â duah ngâ thlâh haw; A su tawhta ano kho ta a pasie thei vei. Chyhsa ta a aw khiahta cha, A chhy leipa ta; A nôpona tawhta pachha thei hra vei.

ZEREMIAH 10:5

Ama khazohzy cha athei lyu liata Pavaw pachisana nothlahpa hawh dei châ ei ta, Reih pathlie thei veih ei; Âmo kho ta ama sie thei leipa vâta, A sy awpa a byuh tyh. Chavâta âmo cha chi khuh vy; Hmo chhiepa tao thei leipa ei ta, Hmo phapa tao theina âmo liata y hra vei.”

ZEREMIAH 50:2

“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

ZEREMIAH 50:38

Nohkâhna ta a tizy a dyuh aw ta, Ama kua khai aw. Khazoh nothlahpazy yna râh châ ta, Khazoh nothlahpazy vâta Ama hru khai hana râh a châ.

ZEREMIAH 51:44

Babylaw liata Bel cha hrie aw na ta, A palâ hapa chhao, A pakah tawhta ei thaoh aw. Babylaw thokhy cha a cho haw, Phopizy ta ano cha by khao aw veih ei.

ZEREMIAH 51:47

“Chavâta pachâ teh u, Nohzy a vaw tlô hai; Cha nohzy liata, Babylaw khazoh nothlahpazy cha hrie aw ei na ta, Râh pôhpalôhpa maophyuhpa ta ei paysa aw; A chyhsa ama thiepa zydua A chhôh liata pao aw ei ta, Ama ri â zawh aw.

ZEREMIAH 51:52

“Chavâta moh teh u, Nohzy a vaw tlô hai; Cha nohzy liata, Babylaw khazoh nothlahpazy cha pachia aw ei na ta, Babylaw râh zydua hmaphaohpazy ta bie aw ta, Amâ hrô hôlô aw,” Abeipa ta a tah.

DÂNIAH 11:8

Ama khazoh zy, ama khazoh nothlahpa thua ta leihpa zy, tâkâ nata ngôh ta taopa ama hmobaoh sôhpazy Izi râh lâ siekhei aw ta, kô khazie chhôh ma cha maw bei a dyuh khao aw vei.

DÂNIAH 3:14

Nebukaneza ta âmo cha bie a chho ta, ama hnohta, “Hy Sâdarâka, Mesâka, Abenekô, ei khazohzy chakao leipa ei chi ta, ngôh nothlahpa ei paduapa chhao a chhy veih ei chi, tahpa he â do ma?

NÂHU 1:14

Abeipa ta nâma kyh liata Hetana heta bie a pie haw: “Na moh y zôzaw khao aw vei; Nothlah khiepa nata nothlah leihpa zy cha, Na khazohzy o tawhta ei chhawh pathlah ha aw. Zakhei nâ chhih tu hapa vâta, Na thlâ ei cha chaopa aw.

MALUHREINA 32:38

Nebô, Bâlâmeô nata Sibmâ khihpizy padua ei ta, khihpi ama paduapa thokha mohzy cha pananopa ta moh hropa ama bi.

MATHAI 23:4

Phaohri ngaitapa tao ei ta, chyhsa ngiatlâh liata ama pahnieh tyh. Âmo deikua ta cha, ama ku paro ta chhao pasie khoh veih ei.

1 SAMUELA 5:3

A mylâ mydi kari ta Asadô chyhsazy cha thyu ei ta, Dakao cha Abeipa Byh hmiakô liata â khu lâta vaw pao thlâh ha ta. Dakao cha la ei ta, a yna su liata soh heih ei ta.