ISAI 45:9 - Mara Bible RV (BSI)

⁹ “Ano a Taotuhpa a chakhiapa cha a hu a po na! Alei beihzy hry liata alei beih pachaipa a châ. Beihlei ta beihvituhpa hnohta, ‘Khâpa ma na tao? Na hmotaopa cha, A patuna ku hnei vei dua?’ a tah thei ma?

ISAI 45:9 ပူးပေါင်းရင်းမြစ်များ

ZAWBÂ 10:9

Ngiachhiepa ta pachâ tua rai, Beihlei hawhta na tao chi ta, Dohlei lâ ma eina pakuasa heih aw chi?

ZAWBÂ 33:13

Khazia ano cha chakhiapa ta, ‘Chyhsapa biezy la a chhy aw vei,’ na tah tly?

ZAWBÂ 40:2

“Taochheina a hmô thaipa ta Atotaotheipa a padei aw ma? Khazohpa a eituhpa ta Duah a chhy tua sa,” tah ta.

ZAWBÂ 9:12

Pachâ tua, A râkhei ta, Ahy a pakhâ thei tly? Ahy ma, ‘Khâpa na tao?’ a tah thei tly?

ZAWBÂ 9:4

Ano cha a palôh so ta, Thatlô hmotaotheipa a châ. A chô liata kuh a pachha ta, Hlaotlohpa ahy ma a y?

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

BIECHHOTUHPA 6:10

Hmo a vaw ypa maih rao chhielie hapa châ ta, chyhsapa chhichâna chhao pahno chiehpa a châ. Chavâta chyhsapa ta ano hlâta thatlô viapa bie cha ei thei vei.

ISAI 10:15

Ahrei ta a hmâhtuhpa hmia liata â reithai aw ma? Thoâna ta a hmâhtuhpa â palai thlu aw ma? Sômasi ta a chabatuhpa chalo â chhuahpa lyu ta, Chôchahrei ta a chhytuhpa a chhy â chhuahpa a lyu.

ISAI 29:16

Hmo dia nama palie patheih khai haw! Beihvituhpa cha beihlei hawhta pachâpa ta, Hmotaopa ta a taotuhpa hnohta, “Ano ta na tao vei,” a tah thei ma? Hmo paysapa chhao ta a paysatuhpa cha, “Novâhna rai hnei vei,” a tah thei ma?

ISAI 45:10

A paw hnohta, ‘Khâpa saw ma na sa?’ A tahtuhpa cha a hu a po na! A nô hnohta, ‘Khâpa nawh ma nâ zeih?’ A tahtuhpa chhao a hu a po na!”

ISAI 64:7

Na moh a padopa y leipa ei ta, Nâ châ patu awpa ta, Âmosasyh ta â pahrapa y veih ei. Na hmia miah nyusai ha chi ta, Eima moleina ku liata thuzao awpa ta miah na tao haw.

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

ZEREMIAH 18:6

“Hy Izarei pathlazy saih u, beihvituhpa taopa hawhna khata cha tao thei veih eina ma? Abeipa ta a tah. Hy Izarei pathlazy saih u, pachâ teh u, beihvituhpa ku liata beihlei hawhna khata, nâmo chhao ei ku liata nama y.

ZEREMIAH 36:29

Zudâh bei Zehôki kyh liata cha, hetana heta na tah aw, ‘Abeipa ta hetana heta a tah, “Khazia Babylaw bei a vy tlai aw ta, râh he pahleipadiapa ta, râh tawhtapa he chyhsapa nata râhsazy a chhawh pathlah khai aw ei, tahpa ta châbu liata na roh,” tah chi ta, châbu cha mei ta na vaw rao hapa kha a châ.

ZEREMIAH 50:24

Hy Babylaw, Khoheih ei cha chôkhâhpa liata a ao ha chi ta, Châhrasala pahno va chi; Abeipa na chakhiapa vâta, Hmôpa châ chi ta, Patupa na châ.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?