ISAI 45:7 - Mara Bible RV (BSI)

⁷ Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 45:7 ပူးပေါင်းရင်းမြစ်များ

2 ABEIZY 19:25

“Khahlâ tawhta ei vaw rao hapa a châzie thei beih va chi ma? Thokhy khihpizy cha, Raona apachona khihpizy lâta na pachâsa awpa kyh, Hlâno tawhta ei vaw pachhuah hapa cha, Tahmâ ei vaw patlôsa hih.

ZAWBÂ 10:13

Chatahrasala hezy he na palôh liata nyu chi ta, He he nâ chhuahna a châpa ei pahno:

ZAWBÂ 2:10

Zawbâ ta a lapinô hnohta, “Chanô hrupa bie rei ta dua na rei thlâh haw. Khazohpa tawhta hmo phapa hmô pi ta, hmo chhiepa chhao eima hmô hra awpa châ vei ma?” tah ta. He hmo zydua liana heta, Zawbâ chata a hmao ta moleina hmo rai reih vei.

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

HLAZY 105:28

A biezy ama chakhiapa vâta, Zohna tuah ta, râh a pazohsa.

HLAZY 29:11

Abeipa ta a phopi hnohta thatlôna pie sala, Abeipa ta a phopi hnohta thlalôhna byhnâ pie mawh sy!

HLAZY 74:16

Chhô he na eih châ ta, Zâ chhao na eih a châ; Avâ liata khaihpazy soh chi ta, Noh chhao khi nâma sopa a châ.

HLAZY 75:7

Pachiatuhpa cha Khazohpa châ ta, Ano ta pakha panawhsa ta, Pakha a cheihchalo tyh.

HLAZY 8:3

Na kuzô avâzy moh na ta, Ama su chyu liata na sopa thlâpâ nata awhsizy ei sai châh ta,

PUASAINA 14:20

Izi pheisaihzy nata Izarei pheisaihzy likawh liata vaw tla ta. Meihdo nata zohna vaw y ta, zâ chhôh zydua meihdo ta hia kha lâ zohna paysapa ta, hia kha la khaihna paysa ta, zâ chhôh zydua ta hia kha lâ tawhta hia kha lâ a hnia thei veih ei.

ISAI 31:2

Châhrasala Khazohpa cha asopa châ ta, Chhiena patlôsa ta, A biezy a pathleih leipa a châ. Moleina hmo a taotuhpazy cha, Ama pathlazy taihta thyuhnao aw ta; Hmoparaotuhpazy a baotuhpazy chhao, A thyuhnao aw ei.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 47:11

Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

ZEREMIAH 10:16

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh cha Pheisaihzy Abeipa a châ.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZEREMIAH 31:35

Nohchhô khaihna châta noh a pietuhpa, Zâ khaihna châta thlâpâ nata awhsizy yzie awpa a raotuhpa, Tilaipi chatlaosa ta, Tichatlaopazy a paaohsatuhpa, A moh Pheisaihzy Abeipa ta hetana heta a tah:

ZEREMIAH 51:20

“Hy Babylaw, nâ cha ei chariah tuna ahrei châ chi ta, Ei adyuhna chaihrai na châ; Nâma hmâpa ta phopizy chaphie ei na ta, Nâma hmâpa ta khinarâhzy ei pahleipadia ha ei.

CHAPHÔHTUNA 3:38

Hmo phapa chhao hmo chhiepa chhao, Chônôchaipa pakah tawhta a puapa châ vei ma?

EZEKIA 32:8

Avâ khaihna zydua na chô liata pazohsa aw na ta, Na râh liata zohna ei patlôsa aw, Abeipa Zehôvâh ta a tah.

DÂNIAH 2:22

Hmo a thupa nata a nyupazy palâhâh ta, Zohna liata a ypa pahno ta, A hnohta khaihna a pahrâ.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

AMÔSÂ 5:6

Abeipa tlua u la, Nama hroh aw; Chataleipatala Abeipa cha, Zawsi pathlazy hry liata mei hawhta vaw pua aw ta, Kâ aw ta, a pachhai awpa Bethel liata y aw veih ei.

NÂHU 1:8

Châhrasala tisaih patlôsa aw ta, A khakhaipazy a pahleipadia khai aw; A chariahpazy chhao, Zohna lâ a chadaipai khai aw ei.

HMOTAOPAZY 4:28

Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

ZUDÂH 1:13

Tilaipi chatlaopa a pathluahpa, âmo maophyuhna buchaphy a papuapazy châ ei ta, awhsi viavipa, zoh kaluhpa liata chhâzaw ta a y awpazy ama châ.

ZUDÂH 1:6

Vâlyuhchâpazy chhao ama biehneina nata ama pahrâna su a siesaipazy cha, noh rônahpa pachiana noh tlôna taihta zohna hnabeidyna ry liata chhâzaw bâlia ta chahrypa ta y awpa ta Abeipa ta a soh chy ei.