ISAI 45:3 - Mara Bible RV (BSI)

³ Kei Abeipa, Izarei Khazohpa heta, Na moh tlai ta ei cha aw tahpa na pahno thei nawpa ta, Zohna ryusôhpazy cha pie aw na ta, Su a nyupazy liata sôh nyupazy ei cha pie aw.

ISAI 45:3 ပူးပေါင်းရင်းမြစ်များ

2 THÂTIHZYRONA 6:17

Chavâta Hy Abeipa, Izarei Khazohpa y, châ chakaotuhpa Dâvi hnohta na reipa bie kha ngiachhiepa ta pa-i mah y.

EZRÂ 1:2

“Persia bei Kôresâ ta hetana heta a tah: Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie.

PUASAINA 33:12

Mawsi ta Abeipa hnohta, “Nâ ta ei hnohta, ‘He phopi he a chhi teh,’ tah chi ta, châhrasala nâ sielâh awpa chyhsa na chho tlôh leipa chi ta. Cha leipa chhao ta, ‘Na moh ta cha pahno na ta, nâ chhao ei modypa ta na y hra,’ na tah chi ta.

PUASAINA 33:17

Abeipa ta Mawsi hnohta, “Ei modypa ta y chi ta, na moh ta ei cha pahnopa na châpa vâta, na reipa chhao cha ei tao aw,” tah ta.

ISAI 41:23

Khazohzy nama châ tlai na tahpa eima pahno thei nawpa ta, He khai tawhta hmo vaw tlô awpazy miah chho teh u. Eima nôpo sala eima chi thei nawpa ta, Hmo phapa tlyma, hmo chhiepa tlyma tao teh u.

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 48:15

Kei, keima tlai ta bie reih na ta, Ano cha ei awpa a châ; Kei ta ei chhipa a châpa vâta, A lâpi patlâ aw ta, A hlaotloh lymâ aw.

ISAI 49:1

Hy tilaipi kiah râhzy saih u, Na nathlie u la; Nâmo, lâhlapi liata phopizy saih u, Nama nah pachôh teh u. Abeipa ta chhi tawhta na aw ta, Ei nô py chhôh tawhta ei moh eina bi.

ZEREMIAH 41:8

Ama hry liata chyhsa pahrawhzy deikua ta Ismela hnohta, “Miah thie khah y. Lyuzy liata âtâ sâh, bâli sâh, sathaw nata kheihti hluhpi nyupa eima hnei,” tah ei ta. Chavâta âmo cha ama vaw sielâhpazy a thiena liata thie hra leipa ta a pahlôh ha ei.

ZEREMIAH 50:26

Râhri chhâna su to tawhta vaw siehnao u la, A sawpâhzy pahy khai teh u; Sâh pathlupa hawhta Babylaw cha pathlu u la, Tlokhuh pahleipadia teh u; Khâpa hmah pahlôh khuh vy.

ZEREMIAH 50:37

Zaozi ta Babylaw arâzy nata talailihzy a dyuh aw ta, A râh chhôh liata râh hropa pheisaih zydua â dyuh aw; Chatanachata chanô hawhta ama châ aw. Zaozi ta a ryusôhpazy a dyuh aw ta, Hraopa ama châ awh.

ZEREMIAH 51:13

Hy nâ, ti hluhpi kiah liata pahrâ chi ta, Ryusôhpazy a hnei hluhpa y, Na chhâna vaw tlô ha ta, Na hrona ri a chie haw.

ZEREMIAH 51:53

“Babylaw cha avâ daihpa ta, Thokhy sâhpa a tu hra sala, Ei tuapa paraotuhpa ta a siehnao pyly aw,” Abeipa ta a tah.