ISAI 45:20 - Mara Bible RV (BSI)

²⁰ “A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 45:20 ပူးပေါင်းရင်းမြစ်များ

2 THÂTIHZYRONA 25:15

Chavâta Abeipa cha Amazia chô liata a pathi thata ia ta, ano lâ hrohsopa tuah ta, hrohsopa ta Amazia hnohta, “Khazia na ku tawhta ama chyhsazy a pachha thei leipa phopi khazohzy nâ chhy?” tah ta.

2 THÂTIHZYRONA 28:23

“Aramia khazohzy ta Aramia beizy ama baopa vâta, kei chhao eina bao thei nawpa ei ta, âmo lâta atheihna ei hlâ aw,” tah ta, ano a pahnietuhpa Dâmaskâ khazohzy lâta atheihna hlâ ta. Châhrasala cha cha ano nata Izarei zydua raona a châ.

HLAZY 115:8

Nothlahpa a taotuhpazy cha, Nothlahpa hawhta châ ei ta; Nothlahpa a ngâtuhpa zydua chhao, Nothlahpa hawhta ama châ.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 41:21

Nama khazoh nothlahpazy cha a vaw duakhei teh u, Abeipa ta a tah; Namâ dona cha vaw palâsa teh u, Zakaw pathlazy Beipa ta a tah.

ISAI 43:9

Râh zydua a hmaoh ei ta, Phopizy amâ pakhy. Ama hry liata ahy ma he he reih thei aw ta, Hmo parohpazy miah a pahmô thei aw? Amâ dona a duakhei awpa ta, Pahnokheituhpazy a vaw chhi ei sala; Nathlie ei sala, “Â do na,” tah mawh ei sy.

ISAI 44:10

Phahnaina a hnei leipa khazoh nothlahpa cha, Ahy ta ma zua padua ta, a leih hra bao tly?

ISAI 44:9

Khazoh nothlahpa a taotuhpa zydua cha, Khâpa hmah châ leipa ei ta; Ama pasôpa hmozy chhao, Phahnaina hnei veih ei. Âmo tlai ta ama pahno; Châhrasala a phapa ta moh leipa ei ta, Pachâ hra veih ei; Chavâta maophyuhpa ta sopa ama châ aw.

ISAI 46:1

Bel a bôh ta, Nebô â pahnai; Ama khazoh nothlahpazy cha, Râhsazy nata sahrohzy chô liata ama khaih. He hmozy nama phaopa he, Sahroh thachhâpazy chô liata Phaohri hawh deita a châ.

ISAI 48:14

Nama zydua ta a hmaoh u la, Nathlie teh u! Ama hry liata ahy kha ma He hmozy he a reih beih tly? Abeipa ta Kôresâ cha kyhpachâ ta, A khopa cha Babylaw chô liata tao aw ta, Kaldia mo chô liata a bâh a hy aw.

ISAI 57:13

Baona hiapa ta na aw tita, Nothlahpa na sopakhypazy ta Cha pachha mawh ei sy. Châhrasala âmo cha thlih ta cheih aw ei ta, Ei kha hu sopa ta a phaoh pathlah khai aw ei. Keima nâ chhaipa deikua cha râh ryu to aw ta, Ei tlâh pathaihpa ryu a to aw.

ZEREMIAH 10:14

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona a y leipa vâta, Ano taopa nothlahpazy cheingei ta, Ngôh daihtuhpa cha nozapa ta ama paysa tyh.

ZEREMIAH 10:5

Ama khazohzy cha athei lyu liata Pavaw pachisana nothlahpa hawh dei châ ei ta, Reih pathlie thei veih ei; Âmo kho ta ama sie thei leipa vâta, A sy awpa a byuh tyh. Chavâta âmo cha chi khuh vy; Hmo chhiepa tao thei leipa ei ta, Hmo phapa tao theina âmo liata y hra vei.”

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

ZEREMIAH 48:13

Chatanachata Izarei pathlazy ta ama ngâpa Bethel ama zakheipa hawhta, Môabâ chhao ta Khemô cha a zakhei aw.

ZEREMIAH 48:47

“Châhrasala noh hnôhlâzy liata, Môabâ cha vânoh ei patosa heih aw,” Abeipa ta a tah. Kha rakha kha Môabâ pachiana kyh cha a châ.

ZEREMIAH 50:28

“Abeipa eima Khazohpa phuh lana kyh Zaio liata phuahpa ta, Achhyna o phuh lana kyh phuah awpa ta, Babylaw râh tawhta a vaw râpazy ao nathlie u la, Riahnyupazy ao nathlie teh u.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

EPHESI 2:16

Kraws zawhzi ta panozy cha pôhpa miakha châpa ta, Khazohpa nata miah paryhsa ta, chatanachata akhakhaina cha a thie haw.