ISAI 45:2 - Mara Bible RV (BSI)

² Na hmia lâta sie aw na ta, Tlâh byuhpazy ei paraih aw; Dawh ochhizy pakeichheih aw na ta, Ochhi hraina thuatlaizy ei tai pachhô khai aw.

ISAI 45:2 ပူးပေါင်းရင်းမြစ်များ

HLAZY 107:16

Abeipa ta dawh ochhizy parao ta, Thua ochhi lâhreizy a thlie pachhô.

ISAI 13:2

“Tlâh padâ tawhta ngiana poh chaluahpa ta, A paropa ta Babylaw mo cha awsao u la, Beimachâ chhikaozy liata a ngia awpa ta, Nama ku thliethlâpa teh u.

ISAI 14:31

Hy thokhy chhikao y, thata cha la, Hy khihpi y, awh teh; Hy Philistinâ râh zydua saih u, Nama zydua ta chipa ta zao khai teh u! Maw lâ tawhta meikhuh za pua ta, A pheisaih hry liata hnôh a khawpa rai y veih ei.

ISAI 24:12

Khihpi liata roryhrana siesaipa châ ta, Thokhy chhikaozy paraopa a châ.

ISAI 40:4

Saikao to pasâhpa châ aw ta, Tlâhpi nata tlâhthlôh to pahnaipa a châ aw. Alei byuhpazy paraihpa châ aw ta, Pâdawhpazy pabypa a châ aw.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 45:13

Kôresâ cha siana ta pahra na ta, A lâpi zydua ei patlâsa lymâ aw. Ei khihpi paduapathi aw ta, Sei ta amâ chhipa ei chyhsazy a papua aw ei; A ty hmô awpa vâta châ leipa aw ta, Lymâ hmô awpa vâta châ hra aw vei,” Pheisaihzy Abeipa ta a tah.

ISAI 48:15

Kei, keima tlai ta bie reih na ta, Ano cha ei awpa a châ; Kei ta ei chhipa a châpa vâta, A lâpi patlâ aw ta, A hlaotloh lymâ aw.

ZEREMIAH 28:13

“Sie la, Hânaniah hnohta kei chho teh, ‘Abeipa ta hetana heta a tah: Tho raopaky tlâhzy thlie pachhô chi ta, châhrasala a vyuhpa ta thua raopaky tlao na tao hapa a châ.

ZEREMIAH 51:30

Babylaw pasaiphazy cha, Chariah a dyuh khao veih ei; Ama thokhy chhôh liata tlôh ei ta, Ama riahphana a dia haw; Chanô ama lyu bâ. A pahrâna suzy kâ khai ha ta, A thokhy chhikao hraina lâhreizy a tlie khai haw.

ZEREMIAH 51:58

Pheisaihzy Abeipa ta hetana heta a tah: “Babylaw thokhy chhapa cha pachopa châ aw ta, A chhikao a sâhpazy mei ta raopa a châ aw. Phopizy cha hraoleipa ta hriapasa ei ta, Râhzy ta mei châta ama rie tlâ amâ pathei.”

DÂNIAH 5:28

UPHARSIN, na khinarâh cha pachhaihpa châ ta, Media mo nata Persia mozy hnohta piepa a châ haw,” tah ta.

DÂNIAH 8:4

Mietaku tôhpa chata notla lâ zy, maw lâ zy, chho lâ zy a tôh laihpa hmô na ta, a hmiakô liata a duah theipa sa rai y leipa ei ta, a ku tawhtapa a pachha theipa y hra veih ei. A khozie hawhta tao ta, a rônah via lymâ.

NÂHU 3:13

Na pheisaihzy kha moh tua, Chanôzy ama châ khawh. Na râh thokhy chhikaozy cha, Na chariahzy hmia liata a kawh pi ta â pahy; Na thokhy chhikao hraina lâhreizy chhao, Mei ta a kâ khai haw.

LUKA 3:5

Saikao to pabiepa châ aw ta, Tlâhpi nata tlâhthlôh to pahnaipa a châ aw. Lâpi akopazy patlâpa châ aw ta, Lâpi chhiepazy pamihpa a châ aw.

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.