ISAI 45:17 - Mara Bible RV (BSI)

¹⁷ Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 45:17 ပူးပေါင်းရင်းမြစ်များ

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY 25:3

Nâma châ hâtuhpazy cha, Maophyuhpa ta y leipa aw ei ta, Piehpie aohraohpazy deikua cha, Maophyuhpa ta ama y aw.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 26:4

“Abeipa cha chhâzaw ta ngâ teh u, Abeipa, Abeipa tlai he, Chhâzaw lôpanô cha a châ hih.

ISAI 29:22

Chavâta Zakaw pathlazy kyh liata, Abeipa, Abarahâ chatlaituhpa ta hetana heta a tah: “Zakaw cha nozapa ta y khao leipa aw ta, A hmia hlâh khao aw vei.

ISAI 33:6

Ano cha na hro chhôh ta nâ ichana a châ aw; Na pachhana sôhpa châ aw ta, Na sona nata na pahnona a châ aw; Abeipa china cha Zaio ryusôhpa a châ.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 50:7

Châhrasala Abeipa Zehôvâh ta na bao ta, Chavâta nohzaopa ta y va na. Chavâta pachielô hawhta ei hmia pachâ na ta, Maophyuh aw va na tahpa ei pahno.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ISAI 51:8

Chhoma-u ta chysia a niepa hawhta âmo cha nie aw ta, Alôpa ta sahmi pala a niepa hawhta a nie ha aw ei. Ei siana deikua cha tlyzaw ta y aw ta, Ei pachhana chhao chhâ zydua taihta a y aw.”

ISAI 54:4

“Chi khah y, Maophyuh khao aw va chi; Na no za khah sy, Hmiachhiepa ta y khao aw va chi. Na thyutlia nota na maophyuhna kha my aw chi ta, Na nôhmeina moh chhiena a thei khao aw va chi.

ISAI 54:8

Bohpi leipa hiehâhna chyhta vâta, Ei hmia cha vaw nyu sai ha na ta, Châhrasala chhâzaw nôphana ta Ei cha ngiachhie heih aw,” Abeipa, châ Chatlaituhpa ta a tah.

ISAI 60:19

Noh cha nohchhô ta na châta khaihna châ khao leipa aw ta, Thlâpâ chhao zâ ta na châta khaihna châ khao aw vei. Abeipa cha na châta tlyzaw khaihna châ aw ta, Na Khazohpa cha na rônahna a châ aw.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

ZAWNA 2:9

Kei deikua cha alyna ao chhaota Atheihna cha hlâ aw na ta, Bie ei taih hapa cha ei pie aw. Pachhana cha Abeipa eih a châ,” tah ta.

ZEPHANIA 3:11

“Cha noh liata cha, Ei chô liata moleina hmo taopa ta, Einâ dyuhnazy vâ chi ta, Maophyuhpa ta paysapa châ khao aw va chi. Thaphapa ta namâ palaikhei kaw tyhpazy cha, Nama hry tawhta la aw na ta, Ei tlâh pathaihpa liata Akhotlâhpa ta y heih khao aw veih ei chi.

ZAWHÂNA 10:28

Chhâzaw hrona pie ei na ta, leidia beih khao aw veih ei. Âmo cha ahy hmahta ei ku tawhta na chhu thei aw veih ei.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

ZAWHÂNA 6:40

He he ei Paw khopa cha a châ, ahy rai Sawchapawpa hmô ta a ngiapâpa maih cha chhâzaw hrona hnei aw ei ta, noh chhâna noh liata ei pathyu aw ei,” tah ta.

RAWMA 10:11

Biehrai ta, “Ahy rai ano a ngiapâpa maih maophyuh aw veih ei,” a tah.

RAWMA 11:26

Izarei zydua pachhapa ama châ aw, “Zaio tawhta pachhatuhpa vaw pua aw ta, Zakaw tawhta moleina a pahlei aw.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

RAWMA 9:33

“Pachâ teh, Zaio liata achapiana lô soh na ta, Moleina lôpanô ei soh; Ahy rai ano a ngiapâpa cha, Maophyuh aw vei,” tahpa ta ropa hawhta.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

HEBRAI 5:9

chavâta pakipa ta taopa vaw châ ta, a rei a ngiahpa zydua châta chhâzaw pachhana hnawh a vaw châ haw.

1 PITY 2:6

Chavâta Biehrai liata, “Moh teh u, Zaio liata alô paryh na ta, Ano cha a ki liata alô sôhpa nata atlyhpa châ ta; Ahy rai ano a ngiapâpa cha, Maophyuh aw vei,” tahpa ta ropa a châ.

1 ZAWHÂNA 4:15

Ahy rai Zisu cha Khazohpa Sawchapawpa a châ tahpa a châkheipa maih cha, ano liata Khazohpa y thlâh ha ta, ano chhao Khazohpa liata a y thlâh ha hra.