ISAI 45:14 - Mara Bible RV (BSI)

¹⁴ Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 45:14 ပူးပေါင်းရင်းမြစ်များ

ÂTHAONA 27:29

Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

2 SAMUELA 21:20

Kâthâ liata adyuhna y heih ta. Cha khihpi liata chyhsa mopahreih ngaitapa, a ku chavei chachâh kuparo miacharu hnei ta, a phei chavei chachâh ta pheiparo miacharu a hneipa, a zydua ta kuparo nata pheiparo mia kih nata miapalih a hneipa y ta. Ano chhao cha mopahreihpazy pathla châ ta.

ESTHERI 8:17

Abei biepiepa nata abei châpapuapa tlôna râh to nata khihpi to liata Zuzy cha thaphana nata alyna ta ama bie. Kyhchhizy taopa ta, apahâna nohzy phuah ei ta. Cha râh liata a ypa phopizy hry tawhta chyhsa hluhpi cha, Zuzy china ta a tla thlupa vâ ei ta, Zu chyhsa lâta amâ palie hôlô.

ZAWBÂ 1:15

Sâbia mo ta vaw siehnao ei ta ama siekhei haw. Chakaotuhpazy cha zaozi ta thie ei ta, kei deita he thâtih cha chho awpa ta a vaw râpa ei châ,” tah ta.

ZAWBÂ 11:19

A zia awh chi ta, Ahy hmahta cha pachisa leipa aw ei ta, Chyhsa hluhpi ta na khokheina ama tlua aw.

HLAZY 149:6

Khazohpa reithaina ao cha ama rao liata y sala, Zaozi kârano ta a tiah raihriepa cha ama ku liata y mawh sy.

HLAZY 149:8

Ama beizy bâlia paky aw ei ta, Ama nôpawpazy thua keihrai daipa ta,

PUASAINA 11:8

Châ chakaotuhpa zydua he ei hnohta a zu aw ei ta, ei hmiakô liata a bôhpa ta, ‘Nâ nata châ zituhpa chyhsa zydua he pua teh u,’ tah aw ei ta, cha khai tawhta ei pua aw,” tah ta. Chatanachata Phiraoh tawhtapa cha hiehâh ngaitapa ta pua ha ta.

ISAI 10:33

Moh teh u, Pheisaihzy Abeipa Zehôvâh ta, Hmotaotheina rarôh y ngaitapa ta a chiahzy chhawh pathlah aw ta, Â sâh ngaitapazy cha thlupa châ aw ta, A seih patluapazy chhao pahnaipa a châ aw.

ISAI 18:1

Mathlaw a chakhyhpazy pahrâna râh, Kusi chavah kiahzy liata a ypa râh cha, A hu a po na!

ISAI 18:7

Cha daihti liata, Phopi doh sâhpa nata mitlaohpa, Lâhnia lâhla ta ama chipa phopi, Râh thatlôpa nata pahnietuhpa, Chavahzy ta ama râh a pachhaihpa tawhta, Pheisaihzy Abeipa lâ kuhria vaw cheih aw ei ta, Pheisaihzy Abeipa moh yna su, Zaio Tlâh lâ kuhria ama vaw cheih aw.

ISAI 19:21

Cha noh liata, Abeipa ta Izi mo cha a pahnosa aw ta, Izi mo ta Abeipa cha ama pahno aw. Atheihna nata hmohlâpa ta Abeipa cha a chhypa ta, Abeipa liata bie a taih aw ei ta, ama bietaizy ama patlô aw.

ISAI 19:22

Abeipa ta Izi cha tu aw ta, tupa ta patlâh aw ta, Abeipa lâ kua aw ei ta, zawngiah awpa ta amâ hawpazy cha Abeipa ta nathlie aw ta, a patlâh aw ei.

ISAI 23:18

Châhrasala sôhpaliena tawhta â thôhna nata a hlaozy cha Abeipa châta hmo pathaihpa a châ aw. Cha sôhzy cha pachôpa tlyma, pasopa tlyma châ aw vei. A sôhzy cha ABEI­PA hmiakô liata a pahrâpazy ta lôhrâtlôpa ta ama niedo thei nawpa nata chyhsa phapazy amâ tobi thei nawpa châta hmâpa a châ aw.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

ISAI 44:8

Chi leipa u la, a chalyu hra khuh vy. Hlâno tawhta nama hnohta phuah na ta, Vaw reih chhielie ha va na ma? Nâ pahnokheituhpazy mah nama châ tâh! Keima leipa ta Khazoh hropa rai a y ma? Y vei, Lôpanô rai y vei; Pakha hmah a ypa pahno va na.”

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 54:3

Chachâh lâ nata chavei lâta hiepatlapa ta y aw chi ta, Na chipathlazy ta râhzy la aw ei ta ama hnei aw; Roryhrapa ta a y hapa khihpizy liata, Chyhsa ama pahrâsa heih aw.

ISAI 55:5

Abeipa na Khazohpa ta cha parônahsa ta, Izarei Mo Pathaihpa ta a cha parônahsapa vâta, Na pahno beih leipa phopi aw aw chi ta, Châ pahno beih leipa phopi ta nâ lâ â vaw râ aw.

ISAI 60:3

Phopizy na khaihna lâ a vy aw ei ta, Beizy na nohchhi khaihpa lâ amâ vy aw.

ISAI 61:9

Ama sawzy cha, Râhzy hry liata pahnopa châ aw ei ta; Ama pathlazy cha, Phopizy hry liata pahnopa ama châ aw. A hmôpa maihta âmo cha, Abeipa byhnâ piepa chipathla ama châ tahpa ama pahno aw.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

EZEKIA 23:42

Zawpi âmo khotlâ ta a ypazy pyu a hnohta theipa châ ta, chyhsa zawrâpazy chhaota râhchawhpa tawhta sahma paripazy a vaw chhi ei ta, chanôzy ku liata lâkyuzy paky ei ta, ama luh liata lakho ngia ngaitapazy ama pakho.

EZEKIA 31:3

Pachâ teh, Asuria cha Lebanaw liata sidy tho châ ta, A chiah a ngiapa nata a nohdi buh a rôhpa a châ; Thokô a sâh ngaitapa châ ta, A kithlao vâ meihdo taihta a daihpa a châ.

ZÔELA 3:8

Nama sawchapawzy nata nama sawchanôzy cha Zudâh chyhsazy ku liata zuah aw ei na ta, âmo ta lâhlapi liata a ypa phopi, Sabia mo hnohta ama zua pachhuah aw,” Abeipa ta a tah.

MALUHREINA 13:32

Izarei sawzy hnohta râh ama kaw mohparupa kyh thâtih chhiepa za tlôkhei ei ta, zawpi hnohta, “Râh eima kaw mohparupa cha a chhôh liata a pahrâpazy a palâ khai hapa châ ta, a râh liata pahrâpa eima hmôpazy cha mo pahreihpazy ama châ.

1 KAWRINI 14:25

A palôh liata nyupazy palâsapa châ aw ta, â khu lâta pao aw ta, Khazohpa a chhypa ta, Khazohpa cha nama hry liata a y hmeiseih tlai tahpa ta a phuah aw.

1 THYSALAWNIKA 1:9

Eima cha vaw tly nota miah namâ lyzie nata Khazohpa hrohpa nata dopa chakao awpa ta nothlahpazy tawhta Khazohpa lâ namâ heih hapa kyh miah chho ei ta,

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.