ISAI 44:9 - Mara Bible RV (BSI)

⁹ Khazoh nothlahpa a taotuhpa zydua cha, Khâpa hmah châ leipa ei ta; Ama pasôpa hmozy chhao, Phahnaina hnei veih ei. Âmo tlai ta ama pahno; Châhrasala a phapa ta moh leipa ei ta, Pachâ hra veih ei; Chavâta maophyuhpa ta sopa ama châ aw.

ISAI 44:9 ပူးပေါင်းရင်းမြစ်များ

2 ABEIZY 19:18

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

HLAZY 115:4

Ama khazoh nothlahpazy cha, Tâkâ nata ngôh zy châ ei ta, Chyhsa ku ta taopazy ama châ.

HLAZY 115:8

Nothlahpa a taotuhpazy cha, Nothlahpa hawhta châ ei ta; Nothlahpa a ngâtuhpa zydua chhao, Nothlahpa hawhta ama châ.

HLAZY 135:18

Nothlahpa a taotuhpazy cha, Nothlahpa hawhta châ ei ta; Nothlahpa a ngâtuhpa zydua chhao, Nothlahpa hawhta ama châ.

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 41:24

Pachâ teh u, khâpa hmah châ veih ei chi; Nama raihria chhao, Khâpa hmah a châ leipa hlâta a châ lei via; Nâmo châ tlyhtuhpa cha pasichhihpa a châ.

ISAI 41:29

Moh tua u, apakheipa sai châ ei ta, Ama raihria chhao hraoleipa sai a châ; Ama nothlahpa leihpazy chhao, Ziza ruapa dei a châ.

ISAI 42:17

Tho nothlahpazy ngâ ei ta, Thua nothlahpazy hnohta, “Eima khazohzy nama châ,” A tahtuhpazy cha, Pakuasapa châ aw ei ta, Thata maopaphyuhpa ama châ aw.

ISAI 42:18

Nahpâpa saih u, thei u la, Mochaopa saih u, moh u la, hmô teh u!

ISAI 43:8

Mo hnei thlâh ha taraw ta, Châhrasala mochaopa phopi cha a vaw chhi la, Nakhaoh hnei thlâh ha taraw ta, Châhrasala nahpâpazy cha a vaw chhi mah y!

ISAI 43:9

Râh zydua a hmaoh ei ta, Phopizy amâ pakhy. Ama hry liata ahy ma he he reih thei aw ta, Hmo parohpazy miah a pahmô thei aw? Amâ dona a duakhei awpa ta, Pahnokheituhpazy a vaw chhi ei sala; Nathlie ei sala, “Â do na,” tah mawh ei sy.

ISAI 44:11

Pachâ teh u, ano zituhpa zydua cha, Maophyuhpa ta ama y aw; Zôthaipazy cha chyhsapa deita ama châ. Ama zydua ta a vy ei sala, Ama thâtih a vaw duakhei tua ei sa. Chipa ta paysapa châ aw ei ta, Maophyuhpa ta taopa ama châ aw.

ISAI 44:18

Pahno leipa ei ta, Pachâ hra vei ei; Ama hmô thei lei nawpa ta, Ama mo pachawhkhâh hapa châ ta; Ama pahno thai lei nawpa ta, Ama palôh khaw hapa a châ.

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

ISAI 45:16

Khazoh nothlâhpa a chhytuhpa zydua cha, Nozapa nata nohzaopa ta y aw ei ta; Khazoh nothlahpa a taotuhpazy chhao, Tymâpa ta ama y aw.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 57:12

Na siana kyh phuahpa ta, Na hmotaopazy reih hraw sah la, Na châta phahnai hlei aw vei.

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 2:11

Phopi ta a khazohzy cha, Khazohzy ama châ leipa chhao ta a thla beih ma? Ei phopi deikua ta ama rônahna cha, Hmo phahnai leipa ta tlao ama thla haw.

ZEREMIAH 2:26

“Parutuhpa pachhaipa ta a y nota a no a za kawpa hawhta, Izarei pathlazy cha no pazasapa ama châ aw: Âmo nata ama beizy no pazasapa châ aw ei ta, Ama beimachâzy nata ama theihthaipazy no pazasapa châ hra aw ei ta, Ama hrohsopazy no pazasapa ama châ aw.

DÂNIAH 11:38

He khazohzy palyupalih châpa ta thokhyzy khazoh tlao palyupalih hri aw ta, ano pathlatuhzy ta ama pahno beih leipa khazoh cha ngôh nata tâkâ, lôsôhpa nata hmosaipa mâ rupazy ta a palyupalih aw.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

RAWMA 1:22

Chyhsa sopa hawhta a reih ei ta, ahrupa lâta ama pua haw.

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

EPHESI 4:18

Ama palôh kuhchhapa vâta pahno leina âmo liata y ta, cha chata ama pahnona pazohsa ta, Khazohpa hrona tawhta pachhaihpa ta ama y.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 4:28

Cha liata chyhsapa ku ta taopa tho nata lô khazoh, a hmô thei leipa, a thei thei leipa, a nie thei leipa, roh theina chhao a hnei leipa nama chakao aw.

RYUREITUHPAZY 10:14

Vawh u la, namâ tlyhpa khazohzy cha va pado teh u. Âmo chata nama nôpona daihtizy liata cha pachha mawh ei sy,” tah ta.