ISAI 44:8 - Mara Bible RV (BSI)

⁸ Chi leipa u la, a chalyu hra khuh vy. Hlâno tawhta nama hnohta phuah na ta, Vaw reih chhielie ha va na ma? Nâ pahnokheituhpazy mah nama châ tâh! Keima leipa ta Khazoh hropa rai a y ma? Y vei, Lôpanô rai y vei; Pakha hmah a ypa pahno va na.”

ISAI 44:8 ပူးပေါင်းရင်းမြစ်များ

ÂTHAONA 46:3

Ano ta, “Kei he Khazohpa, na paw Aisika Khazohpa ei châ. Izi râh lâta zu awpa chi khah y. Cha liata phopi rônahpa ta ei cha tao aw.

ÂTHAONA 48:19

Châhrasala a paw ta khoh leipa ta, “Ei pahno na, ei sawchapawpa y, ei pahno na. Manase chhao phopi miakha vaw châ hra aw ta, a vaw rônah hra aw. Châhrasala a nawhta he ano hlâta rônah via aw ta, a chipathla cha phopi hluhpi a vaw châ aw,” tah ta.

2 SAMUELA 22:32

“Abeipa dei leipa ta ahy ma Khazohpa a y? Eima Khazohpa dei leipa ta ahy ma lôpanô a y?

EZRÂ 1:2

“Persia bei Kôresâ ta hetana heta a tah: Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie.

EZRÂ 8:22

“Eima Khazohpa ku cha ano a tluatuhpa zydua chô liata phana châta y tyh ta, a pathiiana hmotaotheina deikua cha, ano a heisaituhpa zydua chô liata a y tyh,” tahpa ta abei eima chho hapa vâta, lâpi liata eima chariahzy tawhta miah vaih awpa pheisaih nata arâ pheisaihzy abei lâta hia awpa ei noza kawpa vâta, kâhvileipa ta thlahchhâna cha ei phuahpa a châ.

HLAZY 18:31

Abeipa dei leipa ta ahy ma Khazohpa a y? Eima Khazohpa dei leipa ta ahy ma lôpanô a y?

HLAZY 18:32

Khazohpa cha thatlôna ta chai nâ saihtuhpa châ ta, Ei lâpi phapakipa ta a taotuhpa a châ.

HLAZY 86:10

Nâ cha rônahpa nata hmonoâh taotuhpa châ chi ta, Nâma deita he Khazohpa na châ.

ISAI 17:10

Na pachhana Khazohpa my ha chi ta, Nâ chhaina Lôpanô nâ thei khao leipa vâta, Tho pha chaipazy bôpa ta, Râh hro lâ tawhta kre chiah loh chi ta,

ISAI 26:4

“Abeipa cha chhâzaw ta ngâ teh u, Abeipa, Abeipa tlai he, Chhâzaw lôpanô cha a châ hih.

ISAI 30:29

Zâ kyhchhi pathaihpa hnei no hawhta hla sa aw ei chi ta, ramo tôna chôta Abeipa tlâh lâ khy ei ta, Izarei Lôpanô lâ ama khy no hawhta palôh thaphapa ta nama y aw.

ISAI 41:23

Khazohzy nama châ tlai na tahpa eima pahno thei nawpa ta, He khai tawhta hmo vaw tlô awpazy miah chho teh u. Eima nôpo sala eima chi thei nawpa ta, Hmo phapa tlyma, hmo chhiepa tlyma tao teh u.

ISAI 42:9

Moh teh u, hmo parohpazy lei ei ta, Tahmâ he hmo thiehpazy ei phuah; Ama vaw tlô hlâ chhao ta, Ei cha chho hapa ei kha a châ.”

ISAI 43:10

“Nâmo tlai he nâ pahnokheituhpa châ ei chi ta, Nâ chakaotuhpa ei tlyhpazy nama châ. Chatanachata keima tlai he, Khazohpa cha ei châ tahpa nama novâh aw ta, Pahno aw ei chi ta, Einâ ngiapâ aw ei chi. Kei ei y hlâta cha, Khazoh hropa rai y leipa ta; Keima khai tawhta chhao, Khazoh hropa y khao aw vei,” Abeipa ta a tah.

ISAI 43:11

“Kei, kei tlai he, Abeipa cha châ na ta, Keima leipa ta pachhatuh hropa rai y veih ei.

ISAI 43:12

Keima tlai he bie a reih tyhpa kha châ na ta, A pachhapa nata bie a chho tyhpa kha ei châ; Nama hry liata khazoh hropa rai vaw y beih veih ei. Chavâta nâmo cha nâ pahnokheituhpazy châ ei chi ta, Kei he Khazohpa cha ei châ,” Abeipa ta a tah.

ISAI 43:9

Râh zydua a hmaoh ei ta, Phopizy amâ pakhy. Ama hry liata ahy ma he he reih thei aw ta, Hmo parohpazy miah a pahmô thei aw? Amâ dona a duakhei awpa ta, Pahnokheituhpazy a vaw chhi ei sala; Nathlie ei sala, “Â do na,” tah mawh ei sy.

ISAI 44:2

Cha tao ta, nô chhi chhôh tawhta cha padua ta, Châ bao lymâ awpa Abeipa ta hetana heta a tah: Hy nâ chakaotuhpa Zakaw y, chi leipa la, Hy ei tlyhpa Zesuruh y, chi khah y.

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

ISAI 45:19

Lei zohpa liana heta, Arulâta bie reih beih leipa na ta; Zakaw chipathla hnohta chhao, ‘Hraoleipa ta na tlua teh,’ Tah beih va na. Kei, Abeipa he siana bie reih na ta, Biedopa a phuahpa ei châ.”

ISAI 46:9

Hlâno ta hmo parohpazy kha, A thei thlâh ha teh u; Kei he Khazohpa châ na ta, Khazoh hropa rai y veih ei; Kei he Khazohpa châ na ta, Kei hawhpa rai y veih ei.

ISAI 48:3

“Hmo parohpazy kha, Hlâno tawhta reih ha ei na ta; Ei pakah tawhta a puapa, Ei phuah hapazy ama châ. Thlai ta tao ei na ta, Ama vaw tlô pâ lymâ.

ISAI 48:5

Hlâno tawhta nama hnohta reih na ta, A vaw tlô hlâta nama hnohta ei phuah haw. Chataleipatala, ‘Eima khazoh nothlahpa ta a taopazy châ ei ta, Eima tho nothlâhpa khiepa ta biepie ta, Eima thua nothlahpa leihpa ta bie a piepa a châ,’ Nama tah pathlei aw na.

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

DÂNIAH 2:28

Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 6:22

Ei Khazohpa ta a vâlyuhchâpa za tuah ta, chakeibarôhneipazy pakah pabieh ta, na pasasa veih ei, seina hnei leipa ta a hmiakô liata a ypa ei châpa vâta. Nâma hmiakô liata chhao, Hy abei y, khâpa hmah parao va na,” tah ta.

ZÔELA 2:27

Izarei hry liata ei y tahpa pahno aw ei chi ta, Kei he Abeipa nama Khazohpa châ na ta, Khazoh hropa y vei tahpa nama pahno aw. Ei phopi cha, Maophyuhpa ta y heih khao aw veih ei.”

ZAWHÂNA 1:1

Âthaona liata Bie y ta, Bie cha Khazohpa hnohta y ta, Bie cha Khazohpa a châ.

ZAWHÂNA 10:30

Kei nata Paw cha pôhkha eima châ,” tah ta.

ZAWHÂNA 6:10

Zisu ta, “Zawpizy cha patyusa teh u,” tah ta. Cha liata sibiepa su kawhpa y ta. Chyhsazy cha a tyuh ei ta, ama zydua ta sâh pangawh rachhôh ama châ.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

RYHPACHANEINA 32:31

Âmo lôpanô cha keimo Lôpanô hawhpa châ vei; Cha cha eima chariahpazy chhao ta ama pahno.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

RYHPACHANEINA 4:35

Nâmo hnohta deikua cha, Abeipa cha Khazohpa châ ta, ano leipa ta Khazoh hropa rai y veih ei tahpa palâhâhpa a châ.

RYHPACHANEINA 4:39

Chavâta tanoh he Abeipa cha chô lâ avâ liata nata ry lâ alei liata Khazohpa châ ta, Khazoh hropa rai y veih ei, tahpa nama pathipalôh liata khâchâ a vao teh u.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

1 ZAWHÂNA 1:2

Hrona cha a vaw luah ta, hmô pi ta, eima pahnokhei. Cha chhâzaw hrona, Paw hnohta a ypa cha eima hnohta a vaw luah ta, cha thâtih cha nama hnohta eima phuah.

1 SAMUELA 2:2

“Abeipa hawhta pathaihpa y veih ei: Nâ leipa ta mohropa y leipa ei ta, Eima Khazohpa hawhpa lôpanô y veih ei.