ISAI 44:23 - Mara Bible RV (BSI)

²³ Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 44:23 ပူးပေါင်းရင်းမြစ်များ

1 THÂTIHZYRONA 16:31

Avâzy ama thapha sala, Alei a ly mawh sy; Phopizy hry liata, “Abeipa ta ryu a reih!” Tah mawh ei sy!

1 THÂTIHZYRONA 16:32

Tilaipi a rôh sala, A chhôh liata a ypazy a rôh mawh ei sy; Lyurâhpa a thapha sala, A chhôh liata a ypa to ama thapha mawh sy!

1 THÂTIHZYRONA 16:33

Abeipa cha alei pachia awpa ta a vy aw ta, Cha tita râhmâhpa thozy ta, A hmiakô liata thapha ta hla ama sa aw.

HLAZY 148:7

Alei tawhta Abeipa cha reithai u la, Tilaipi hmohrohneipa lai ngaitapazy nata ti athupa zydua saih u, Abeipa cha reithai teh u.

HLAZY 148:9

Tlâhpizy nata tlâhthlôhzy saih u, Abeipa cha reithai u la; Theilâpa kôzy nata sidy thozy saih u, Abeipa cha reithai teh u.

HLAZY 65:13

Sibiepa suzy cha sahroh zaw ta bie ta, Saikaozy sâh ta khu khaipa ta, Hmaohkha ta awh ei ta, Alyna hla ama sa khoh.

HLAZY 69:34

Avâ nata alei ta ano cha reithai sala, Tilaipizy nata a chhôh liata a pie theipa zydua ta, Ano cha reithai mawh ei sy.

HLAZY 69:35

Khazohpa ta Zaio cha pachha aw ta, Zudâh khihpizy a padua aw; Cha liata a chyhsazy pahrâ aw ei ta, Râh cha ama hnei aw.

HLAZY 89:13

Bâh hmotaotheipa hnei chi ta, Ku thatlôpa na hnei; Na ku chachâh lâ cheihchalopa ta a y.

PUASAINA 18:9

Abeipa ta Izarei sawzy chô liata hmo phapa a taopa zydua vâta nata Izi mo ku tawhta Izarei sawzy a pachha hapa vâ ei ta, Zetharô cha a ly ngaita ta.

ISAI 12:5

A hmo rônahpa taopazy vâta, Abeipa lâ reithaina hla sa u la, Cha cha khizaw zydua liata pahnosapa châ mawh sy.

ISAI 26:15

Nâ ta he phopi he papôhsa chi ta, Hy Abeipa, he phopi he na papôhsa haw; A râh râhrizy pakawh chi ta, Chavâta palyupalihpa ta na y.

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 43:7

Ei rônahna châta paysa na ta, Kei ta padua na ta, kei ta ei taopa, Ei moh a phaohpa maih a vaw chhi khai mah y.”

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 49:3

Ei hnohta, “Hy Izarei, nâ cha nâ chakaotuhpa châ chi ta, Palyupalihpa ta ei y nawpa na châ,” tah ta.

ISAI 52:9

Hy Zerusale su rypazy saih u, Hmaohkha ta ly hla paryh teh u, Abeipa ta a phopi thlapalôh ha ta, Zerusale a chatlai haw.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ZEREMIAH 31:11

Abeipa ta Zakaw cha chatlai ha ta, Ano hlâta ku thatlô viapa tawhta a pachha haw.

ZEREMIAH 51:48

Paraotuhpa ta maw lâ tawhta Babylaw a vaw siehnao awpa vâta, Lei nah vâ nata a chhôh liata a ypa zydua ta, Babylaw cha amâ lyna hla ama sa chie aw,” Abeipa ta a tah.

EZEKIA 35:14

Abeipa Zehôvâh ta hetana heta a tah: Khizaw zydua thaphapa ta a y nota, roryhrapa ta ei cha paysa aw.

EZEKIA 36:1

“Nâ, chyhsa sawchapawpa y, Izarei tlâhzy hnohta hrohsona bie phuah la, ama hnohta hetana heta reih teh: Hy Izarei tlâhzy saih u, Abeipa bie thei teh u.

EZEKIA 36:8

“Nâmo deikua cha, Hy Izarei tlâhpizy saih u, ei phopi Izarei sawzy amâ vaw di patoh bâ awpa vâta, nama chhyhzy thaopa ta, nama chiahzy pachiah aw ei chi ta, ei phopi Izarei châta thei nama pathei aw.

EZEKIA 39:13

Râh chyhsa zydua ta âmo cha pabu aw ei ta, ei rônahna ei palâsana noh cha ama moh pathâhna noh a châ aw, Abeipa Zehôvâh ta a tah.

EPHESI 3:21

Awnanopa liata nata Krista Zisu liata rônahna cha, chhâ zydua hnohta chhâzaw nata tlyzaw ta y mawh sy. Amen.

EPHESI 4:9

“A kkhy,” tahpa heta, alei su a hnaipa lâ a za chô tuana a palâsapa châ vei ma?

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

BIEPHUAH 12:12

Chavâta Hy avâzy nata a chhôh liata a pahrâpazy saih u, a ly teh u! Nâmo, alei nata tilaipi deikua cha, nama hu a po na! Ahripa ta daihti chyuta dei a hnei tahpa a pahnopa vâta, hiehâh ngaitapa ta nâmo lâ za chô ha tlôh ta,” tah ta.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”