ISAI 44:21 - Mara Bible RV (BSI)

²¹ Hy Zakaw y, he hmozy he a thei thlâh ha la, Hy Izarei, nâ chakaotuhpa na châpa vâta, He hmozy he a thei thlâh ha mah y. Kei ta ei cha paduapa châ chi ta, Nâ chakaotuhpa na châ; Hy Izarei, cha my beih aw va na.

ISAI 44:21 ပူးပေါင်းရင်းမြစ်များ

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 40:27

Hy Zakaw, khazia hetana heta tah chi ta, He Izarei, khazia hetana heta na reih? Khazia, “Ei lâpi cha Abeipa tawhta nyupa châ ta, Ei Khazohpa ta ei thâtih pachâ khoh vei,” na tah thai?

ISAI 42:23

Nama hry liata ahy ma, Cha bie lâta a nah pachôh aw ta; Daihti a vaw tlô awpa châta, A palôh hmâhpa ta a nathlie aw?

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 43:15

Kei he Abeipa nama Mo Pathaihpa cha châ na ta, Izarei a paysatuhpa nama Beipa cha ei châ.”

ISAI 43:7

Ei rônahna châta paysa na ta, Kei ta padua na ta, kei ta ei taopa, Ei moh a phaohpa maih a vaw chhi khai mah y.”

ZEKARIA 10:9

Phopizy hry liata papai ha hra ei sah la, Lâhla râhzy tawhta nâ thei aw ei ta, Ama sawzy chhaota hroh aw ei ta, Ama vaw kua heih aw.

RYHPACHANEINA 32:18

Châ satuhpa Lôpanô pachâ khao leipa ei chi ta, Châ taotuhpa Khazohpa nama my haw.

RYHPACHANEINA 4:23

A vaih teh u, chataleipatala Abeipa nama Khazohpa ta nama hnohta bie a hraipa mypa ta, nothlahpazy taopa ta, Abeipa nama Khazohpa ta kheihawhpa a lyupa nothlahpa hmah tao lei awpa ta a pakhâpa nama tao pathlei aw.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.