ISAI 44:19 - Mara Bible RV (BSI)

¹⁹ Pachâna a hmâhpa y leipa ei ta, “Â khophie mei liata ti na ta, A meihei liata viahchhâ pakâhpa ta, Sazy raopa ta ei nie. Cha hawhpa khiahta cha, Tho laibâhpazy cha, Pasichhihpa ta ei tao hapa châ aw vei ma? Tho tô hmiakô liata ei bôh aw ma?” Tahpa ta a pahno thaipa y leipa ei ta, A hmô thaipa y veih ei.

ISAI 44:19 ပူးပေါင်းရင်းမြစ်များ

1 ABEIZY 11:5

Sawlawmaw cha Sidaw mo khazohnô Astarô nata Amawna mo khazoh pasichhihpa Mikô zy a chhy ta.

1 ABEIZY 11:7

Sawlawmaw ta Môabâ mo khazoh pasichhihpa Khemô châta nata Amawna mo khazoh pasichhihpa Môleka châta Zerusale nochhi lâ tlâh liata su sâhpa tao ta.

2 ABEIZY 23:13

Izarei bei Sawlawmaw ta Sidaw mo khazoh pasichhihpa Astarô châta zy, Môabâ mo khazoh pasichhihpa Khemô châta zy, Amawna mo khazoh pasichhihpa Mikô châ zy ta Zerusale nochhi lâ, raona tlâh chho lâta su sâhpa a sapazy chhao Bei Zôsia ta parao khai ta.

2 ABEIZY 23:14

Lôbôzy pakeichheihpa ta, Aseri tôhzy thlu ta, cha suzy cha chyhsapa ruzy ta pabie ta.

PUASAINA 7:23

Phiraoh cha kua ta, a o lâ a di ta, cha hmo cha a pachâ chhao pachâ khao vei.

ISAI 44:18

Pahno leipa ei ta, Pachâ hra vei ei; Ama hmô thei lei nawpa ta, Ama mo pachawhkhâh hapa châ ta; Ama pahno thai lei nawpa ta, Ama palôh khaw hapa a châ.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 46:8

“Nâmo moleipazy saih u, He hmo he my leipa u la, Pachâ u la, a thei thlâh ha muh vy.

ISAI 5:13

Chavâta ei phopi cha pahnona amâ phahlapa vâta sei ta a chhipa ta y ei ta, Ama chyhsa zachhihpazy nodipa ta thi ei ta, Ama zawpizy dâhphipa ta ama thi.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

EZEKIA 40:4

Cha chyhsa chata ei hnohta, “Chyhsa sawchapawpa y, na mo ta moh la, na nah ta theipa ta, ei cha pahmô awpa zydua lâta na palôh pahei teh. Chazy cha pahmôsa awpa ta, he su lâ ei châ vaw chhipa a châ. Na hmôpa zydua Izarei pathlazy hnohta phuah mah y,” tah ta.

HÔSIA 4:12

Ei phopi ta ama tho nothlahpa a saohiah ei ta, Ama tho chôchahrei tawhta bietapazy ama dao. Sihryhna thlahpa ta lâpi paviasa ei ta, Ama Khazohpa amâ pheisai haw.

HÔSIA 7:2

Ama moleina zydua ei pahno khaizie Ama palôh liata pachâ veih ei. Ama hmotaopazy ta âmo cha chadô ta, Ei hmia liata amâ lâ khai.

HÂKAI 1:5

Chavâta Pheisaihzy Abeipa ta hetana heta a tah: Nama lâpizy pakhâta ta moh teh u.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 32:46

ama hnohta, “Tanoh nama hnohta bie ei reipa zydua liana heta nama pathipalôh khâchâ pachhô u la, he ryhpa bie zydua he zyh ta, tao awpa ta nama sawzy biepie teh u.