ISAI 44:18 - Mara Bible RV (BSI)

¹⁸ Pahno leipa ei ta, Pachâ hra vei ei; Ama hmô thei lei nawpa ta, Ama mo pachawhkhâh hapa châ ta; Ama pahno thai lei nawpa ta, Ama palôh khaw hapa a châ.

ISAI 44:18 ပူးပေါင်းရင်းမြစ်များ

HLAZY 81:12

Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

HLAZY 92:6

Ahrupa ta pahno thai leipa ta, Angâpa ta he kyh he a novâh vei:

BIESOZY 28:5

Chyhsa chhiepazy cha adona kyh ama novâh leipa ta, Abeipa a tluatuhpazy deikua cha adona kyh liata tlokhuh ama no a vâh.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 29:10

Abeipa ta nama chô liata Mokuna thlahpa cha hry ha ei ta, Hrohsopazy ta nama mo cha pasosapa ta, Hmôtheituhpazy ta nama luh ama cha khu haw.

ISAI 44:19

Pachâna a hmâhpa y leipa ei ta, “Â khophie mei liata ti na ta, A meihei liata viahchhâ pakâhpa ta, Sazy raopa ta ei nie. Cha hawhpa khiahta cha, Tho laibâhpazy cha, Pasichhihpa ta ei tao hapa châ aw vei ma? Tho tô hmiakô liata ei bôh aw ma?” Tahpa ta a pahno thaipa y leipa ei ta, A hmô thaipa y veih ei.

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

ISAI 44:9

Khazoh nothlahpa a taotuhpa zydua cha, Khâpa hmah châ leipa ei ta; Ama pasôpa hmozy chhao, Phahnaina hnei veih ei. Âmo tlai ta ama pahno; Châhrasala a phapa ta moh leipa ei ta, Pachâ hra veih ei; Chavâta maophyuhpa ta sopa ama châ aw.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ZEREMIAH 10:14

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona a y leipa vâta, Ano taopa nothlahpazy cheingei ta, Ngôh daihtuhpa cha nozapa ta ama paysa tyh.

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

ZEREMIAH 5:21

“Hy ahrupa nata novâhna a hnei leipazy saih u, He he thei teh u. Mo hnei ei chi ta, Châhrasala hmô veih ei chi; Nah hnei ei chi ta, Châhrasala thei veih ei chi.

ZEREMIAH 51:17

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona y vei; Chavâta ano taopa nothlahpazy cheingei ta, Ngôh daihtuhpa cha nozapa ta a paysa tyh.

EZEKIA 12:2

“Chyhsa sawchapawpa y, saw chhorupazy hry liata a pahrâpa na châ. Hmô nawpa mokhaoh hnei ei ta, châhrasala hmô leipa ei ta; thei nawpa nakhaoh hnei ei ta, châhrasala thei veih ei. Saw chhorupazy ama châ.

DÂNIAH 12:10

Chyhsa hluhpi âmosasyh ta a pathaisa aw ei ta, a pangyuhsapa ta amâ taopathi aw. Moleipazy deikua cha ama molei via rili aw. Moleipa ta a pachâna pahno leipa aw ta, chyhsa sopazy deikua ta cha ama pahno aw.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

ZAWHÂNA 8:43

Khazia ei biereipa nama pahno thai vei? Ei bie reipa nama pahnie leipa vâta a châ.

HMOTAOPAZY 14:16

Hlâno daihtizy liata cha, phopi to âmo lâpi chyu a chhih awpa ta Khazohpa ta pasaih ta.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

2 PITY 2:14

Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.