ISAI 44:15 - Mara Bible RV (BSI)

¹⁵ Chatanachata cha thozy cha, Chyhsa châta meithu a vaw châ tyh. Zôthaipa ta tho cha patlaw ta, Thokha mei liata tipa ta a aih ta; Thokha cha viahchhâ tao nawpa ta Mei patina châta a hmâh tyh. Cha tho tawh pyly ta, Khazoh taopa ta a chhy ta; Khazoh nothlahpa tao ta, A hmiakô liata â bôh tyh.

ISAI 44:15 ပူးပေါင်းရင်းမြစ်များ

2 THÂTIHZYRONA 25:14

Amazia cha Edômâ mo pahnie ta a vaw kua tawhta, Seirâ mo khazohzy vaw phaoh ta, a khazohzy châta padua ta. Chazy cha a chhy ta, nothlahpazy lâ cha atheihnazy a hlâ.

ISAI 2:8

Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ISAI 44:10

Phahnaina a hnei leipa khazoh nothlahpa cha, Ahy ta ma zua padua ta, a leih hra bao tly?

ISAI 44:14

Khazoh nothlahpa tao nawpa ta, Sidy thozy thlu ta; Meisah vyhpa nata ôkâ zy a tlyh ta, Râhmâhpa thozy hry liata a palaiseihsa tyh. Meisah vyhpa tho loh ta, Vâsua ti ta a palaiseihsa tyh.

ISAI 44:16

Tho khophie mei liata ti ta, Tho khophie cha sa niena châta a hmâh tyh; Cha liata sazy rao ta, Lôhrâtlôpa ta a y tyh. Mei a aih nawpa châta chhao hmâh ta, “Âh, a lalôh dâh cha, Mei a pha dâh cha!” a tah tyh.

ISAI 44:17

Tho laibâhpazy hmâpa ta khazoh tao ta, Ano châta khazoh nothlahpa â tao; Nothlahpa hmiakô liana cha a bôh ta, Nothlahpa cha â chhy tyh. Nothlahpa lâ cha thlahchhâ ta, “Ei khazoh na châ hih, Na pachha teh,” a tah tyh.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 46:6

Sahria tawhta ngôh bôpa ta, Khopathliahna ta tâkâ pathliah ei ta, Ngôh daihtuhpa pahriahlaosapa ta, Ngôh nata tâkâ hmâpa ta khazoh pataosa ei ta, A bôh ei ta amâ chhy.

BIEPHUAH 9:20

Khizaw chyhsa hropa, cha potlanazy ta a thie leipazy ta ama ku ta taopazy amâ chhypa tawhta ro khoh to veih ei. A hmô thei leipa, a thei thei leipa nata a sie thei leipa ngôh nothlahpa, tâkâ nothlahpa, dawh nothlahpa, alô nothlahpa nata tho nothlahpa achhyna nata ahripazy achhyna bâsai hlei veih ei.

RYUREITUHPAZY 2:19

Châhrasala ryureituhpa a thipa nahta, hnôh lâ kua ei ta, ama pathlatuhpazy hlâ chhao ta molei viapa ta, khazoh hropazy chakao ei ta amâ chhy ha tyh. Ama tao tyhpa nata ama chhorunazy pathleih hlei veih ei.