ISAI 43:7 - Mara Bible RV (BSI)

⁷ Ei rônahna châta paysa na ta, Kei ta padua na ta, kei ta ei taopa, Ei moh a phaohpa maih a vaw chhi khai mah y.”

ISAI 43:7 ပူးပေါင်းရင်းမြစ်များ

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 29:23

Keima ku ta ei taopa a sawzy a hmô nahta, Ama hry liata ei moh pathaihsa aw ei ta; Zakaw Mo Pathaihpa cha pathaihsa aw ei ta, Izarei Khazohpa cha ama chi aw.

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 43:21

Chatanachata ei châta ei paduapa phopi ta, Keima reithaina ama phuah aw.

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 48:11

Keima châta, keima châ tlai ta, Cha hmo cha a taopa ei châ; Khazia reipachhiepa ta ei y aw? Ei rônahna he mohropa hnohta pie aw va na.

ISAI 56:5

Sawchapawzy nata sawchanôzy hlâta pha viapa ei pie aw ei; Atheithlâhna hmo nata moh phana zy Ei o chhôh liata pie aw ei na ta, Ei thokhyzy chhôh liata ei pie aw ei. Tlyzaw ta a y awpa moh pie aw ei na ta, Ama moh lei khao aw vei.

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 63:19

Ama chô liata ryu na rei beih leipazy hawhta châ ha pi ta, Na moh a phaoh leipazy hawhta eima châ ha hih.”

ZEREMIAH 14:9

Khazia chyhsa noraihpa hawhta y aw chi ta, A pachha thei leipa pasaipha hawhta na y aw? Chatahrasala Hy Abeipa, Nâ cha eima hry liata y chi ta, Keimo chhao na moh a phaohpa eima châ hih, Miah siesai khah y.”

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

DÂNIAH 9:19

Hy Abeipa, thei la, Hy Abeipa, a ngiahthai mah y. Hy Abeipa, nathlie la, hria mah y. Na moh vâta, na khihpi nata na moh a phaohpa na phopi vâta, Hy ei Khazohpa, hawh khah y,” tah na ta.

AMÔSÂ 9:12

Edômâ laibâhpazy cha Izarei sawzy eih châ aw ei ta, Ei moh a phaohpa phopi zydua ama hnei aw,” He hmozy a tao awpa Abeipa ta a tah.

ZAWHÂNA 15:8

Thei hluhpi pathei ei chi ta, ei pachupazy nama châpa nama palâsapa liana heta, ei Paw cha parônahsapa ta a y.

HMOTAOPAZY 11:26

A hmô nahta, Antiôkâ lâta a vaw chhi ta. Kô kha chhôh tlai Awnanopa apakhyna liata a hlao ei ta, chyhsa hluhpi ama pachu lymâ. Antiôkâ liana heta pachupazy cha Krizyhpazy tahpa ta aw tuapa ama châ.

RAWMA 9:23

Ngiachhiena beihzy chô liata a rônahna palâsa nawpa ta, cha hmo cha Khazohpa ta a rônahna châta â chhuanoh chhielie hapa châ sala, khâpa a pei aw?

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

KALATIA 6:15

Chopawtaipa ta phahnaina hnei leipa ta, chopawtaileipa chhao phahnaina hnei hra vei. Taopathina deikua cha phahnaina a hnei.

EPHESI 1:12

Chatanachata keimo, Krista liata hnabeiseihna a hnei tuapazy pi he a rônahna reithaina eima châ thei aw.

EPHESI 1:6

A ngiachhiena rônahzie reithai awpa ta, saw châna cha a Kyhpachâpa liata a saipa ta miah a pie.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

ZÂMIE 2:7

Âmo cha moh zachhihpa nama phaopa a reipachhietuhpazy châ veih ei mâ?

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

1 PITY 4:14

Krista moh vâta pasipasawhpa nama châ khiahta cha, rônahna Thlahpa nata Khazohpa Thlahpa cha nama chô liata y ta, chavâta nama nohlao aw.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.