ISAI 43:5 - Mara Bible RV (BSI)

⁵ Chi khah y, na hnohta ei y mâh tâh. Nochhi lâ tawhta na chipathla a vaw chhi aw na ta, Notla lâ tawhta ei cha pakhy aw.

ISAI 43:5 ပူးပေါင်းရင်းမြစ်များ

HLAZY 106:47

Hy Abeipa eima Khazohpa, Miah pachha la, Râh to tawhta miah pakhy heih mah y; Chatanachata na moh pathaihpa chô liata alyna bie reih aw pi ta, Na moh reithaipa ta eima cha parônahsa aw.

HLAZY 107:3

Nochhi, notla, maw nata chho, Râh to tawhta a awpakhypazy ta, Abeipa phana kyh cha reih mawh ei sy.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 41:8

Nâ deikua cha, Hy Izarei, Nâ chakaotuhpa na châ; Hy Zakaw, ei tlyhpa châ chi ta, Ei viasapa Abarahâ chipathla na châ.

ISAI 41:9

Alei chhâna tawhta cha la na ta, Alei ki chhâna tawhta ei cha aw; Na hnohta, “Nâ chakaotuhpa châ chi ta, Châ tlyh ha na ta, Cha thy pathlah aw va na,” Ei tahpa na châ.

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ISAI 44:2

Cha tao ta, nô chhi chhôh tawhta cha padua ta, Châ bao lymâ awpa Abeipa ta hetana heta a tah: Hy nâ chakaotuhpa Zakaw y, chi leipa la, Hy ei tlyhpa Zesuruh y, chi khah y.

ISAI 49:12

Moh teh u, lâhlapi tawhta ei phopi amâ vy huh; Maw lâ tawhta a vy ei ta, Notla lâ tawhta a vy ei ta, Sini mo râh tawhta amâ vy.”

ISAI 49:18

A heih la, na chheipâh zydua moh tua, Na saw zydua a pahmaoh ei ta, Ama cha vaw pangai hih. Ei hrona reipa ta ei reih,” Abeipa ta a tah. “Sôh nata thih hawhta, Âmo cha nâ tobina ta hmâh aw chi ta, Myuh thieh chysia hawhta nâ tobi aw ei.

ISAI 54:3

Chachâh lâ nata chavei lâta hiepatlapa ta y aw chi ta, Na chipathlazy ta râhzy la aw ei ta ama hnei aw; Roryhrapa ta a y hapa khihpizy liata, Chyhsa ama pahrâsa heih aw.

ISAI 54:7

Buakhata cha siesai na ta, Châhrasala ngiachhiena rônahpa ta ei châ chhi heih aw.

ISAI 61:9

Ama sawzy cha, Râhzy hry liata pahnopa châ aw ei ta; Ama pathlazy cha, Phopizy hry liata pahnopa ama châ aw. A hmôpa maihta âmo cha, Abeipa byhnâ piepa chipathla ama châ tahpa ama pahno aw.

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

ZEREMIAH 23:7

“Chavâta moh teh u, nohzy a vaw tlô hai. Cha nohzy liata cha, ‘Izarei sawzy Izi râh tawhta a kaw chhi papuatuhpa Abeipa hrona reipa ta ei reih,’ tah khao leipa aw ei ta,

ZEREMIAH 23:8

‘Maw lâ râh tawhta nata âmo a tona râh zydua tawhta Izarei pathla sawzy chhihtha ta a pakuasatuhpa Abeipa hrona reipa ta ei reih,’ tlao tah bâ aw ei ta, âmo râh lia tlai ta ama pahrâ aw,” Abeipa ta a tah.

ZEREMIAH 29:14

Eina hmô aw ei chi,” Abeipa ta a tah. “Vânoh cha patosa heih aw ei na ta, ei cha pasiesana phopi to nata su to tawhta cha pakhy aw ei na ta, sei ta ei cha patusana su lâ tlai kha ei châ chhi pakhua heih aw ei, Abeipa ta a tah.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

ZEREMIAH 42:11

Babylaw bei nama chi kawpa he chi khuh vy. A ku tawhta cha pachha awpa nata cha papua awpa ei ta, ei cha ypâ thlâh ha ei mâh tâh. Chavâta ano cha chi khuh vy, Abeipa ta a tah.

ZEREMIAH 51:46

Râh liata bie pathâhpa nama thei tita, Nama palôh panao leipa sala, Chi hra khuh vy; Kô kha liata bie pathâhpa vaw tlô aw ta, Kô hropa liata a vaw tlô heih aw; Ryureituhpazy a chakhia aw ei ta, Râh liata atudaina a y aw.

ZÔELA 3:7

Moh teh u, nama zuana suzy tawhta âmo cha pathyu aw ei na ta, nama viarithôna cha nâmo luh chô lia tlai ta ei vaw pakuasa aw.

MIKÂ 2:12

Hy Zakaw y, nama zydua ta cha awpakhy tlai aw ei na ta, Izarei laibâhpazy cha ei pakhy aw; Mietaku o liata mietakuzy hawhta Cha pahmaohpakhy aw ei na ta, Sibiepa su liata mietakuzy hawhta Ei pahmaohpakhy aw ei; Zasâh manôh ama châpa vâta, Kalihpi ama to aw.

ZEKARIA 8:7

Pheisaihzy Abeipa ta hetana heta a tah: Moh teh u, ei phopi cha nochhi râh nata notla râh zy tawhta pachha aw ei na ta,

LUKA 13:29

Nochhi nata notla, maw nata chho tawhta chyhsa a vy aw ei ta, Khazohpa khinarâh kyhchhi tlâhkhai ama vaw dôh aw.

ZAWHÂNA 10:16

He mietaku sadô liata a y leipa mietaku hropazy ei hnei. Âmo chhao a vaw chhi aw ei na ta, ei ao ama thei hra aw. Chatanachata zaw kha ta y aw ei ta, vaituhpa pakha ama hnei aw.

RYHPACHANEINA 30:3

Abeipa nama Khazohpa ta nama seichâna tawhta cha pakuasa aw ei ta, a cha ngiachhie aw ei. Abeipa nama Khazohpa ta a cha papaipatlana râh phopizy tawhta cha pakhy aw ei ta, a cha pakuasa aw ei.