ISAI 43:4 - Mara Bible RV (BSI)

⁴ Ei mohmô liata sôh ngaita chi ta, Zachhihpa châ chi ta, Kyh ei cha pachâpa vâta, Nâma vyuhpa ta chyhsazy pie na ta, Na hrona vyuhpa ta phopizy ei pie.

ISAI 43:4 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

HLAZY 112:9

A sôh nata piahzy a saipa ta rai ta, Dyhchhiepazy a pie tyh; A siana chhâzaw ta y aw ta, A ki palyupalih ta cheihchalopa a châ aw.

HLAZY 135:4

Abeipa ta ano châta Zakaw a tlyh ta, A ryuto châta Izarei cha â tlyh.

ISAI 49:5

Abeipa mohmô liata palyupalihpa ta y na ta, Ei Khazohpa cha ei thatlôna a vaw châ hapa vâta, Ano lâta Zakaw a chhi pakhua heih ta, A hnohta Izarei pahmaoh heihna raihria liata A chakaotuhpa châ awpa ta, Chhi tawhta nâ paduatuhpa, Abeipa ta hetana heta a tah:

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

MALAKHAI 1:2

“Kyh ei cha pachâ ei” Abeipa ta a tah. Châhrasala nâmo ta, “Kheih hawhta ma kyh cha miah na pachâ?” nama tah. “Esaw kha Zakaw unawhpa châ vei ma? Châhrasala Zakaw kyhpachâ na ta,

MALAKHAI 3:17

“Ei ryu sôhpazy ei paki ti ei ta, kei eih châ aw ei ta, paw ta ano palôh a hmôpa a sawchapawpa a hrôbiehpa hawhta âmo cha ei hrôbieh aw ei,” Pheisaihzy Abeipa ta a tah.

ZAWHÂNA 16:27

Ei kyh na pachâ ei chi ta, Paw tawhta a zupa ei châpa namâ ngiapâpa vâta, Paw ta kyh a cha pachâ ei.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

ZAWHÂNA 17:26

Ama hnohta na moh pahnosa na ta, ei pahnosa lymâ aw. Chatanachata kyh eina pachâna chi kha âmo liata y aw ta, kei chhao âmo liata ei y lymâ aw,” tah ta.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

RYHPACHANEINA 14:2

Abeipa nama Khazohpa châta phopi pathaihpa châ ei chi ta, Abeipa ta ano ryuto châ awpa ta alei chô liata phopi zydua hry tawhta â tlyh eihpa nama châ.

RYHPACHANEINA 26:18

Abeipa chhao ta bie a châ taihpa hawh ei ta, tanoh tlai ta nâmo cha a ryu sôhpa nata a biepiepa zydua a zyh awpa phopi ta a cha tao ha ei.

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.