ISAI 43:27 - Mara Bible RV (BSI)

²⁷ Châ pathlatuhpa hmiatuachaipa khata molei ta, Na lyuhchâpazy ta hmo eina parao thlu ei.

ISAI 43:27 ပူးပေါင်းရင်းမြစ်များ

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

ISAI 24:20

Alei cha a paripa hawhta paochheichhâpa ta y ta, Byureih hawhta â chanei; A paraona ta thata vi ta, Pao ta, thyu heih khao aw vei.

ISAI 28:7

Theihthaipa nata hrohsopa zy chhao ta, Kresawhti vâta a chavia chavô ei ta, Sahma vâta paochheichhâpa ta ama y. Sahma vâta a chavia chavô ei ta, Kresawhti ta âmo cha palâ ta, Sahma vâta paochheichhâpa ta ama y. Aluahna kyh liata pavia pavô ei ta, Bietluna tao nawpa kyh liata ama paochheichhâ tyh.

ISAI 29:10

Abeipa ta nama chô liata Mokuna thlahpa cha hry ha ei ta, Hrohsopazy ta nama mo cha pasosapa ta, Hmôtheituhpazy ta nama luh ama cha khu haw.

ISAI 3:12

Hawsaihzy ta ei phopi chhihtha ei ta, Chanôzy ta ama chô liata ryu ama reih. Hy ei phopi, châ chhituhpazy ta cha chhihtha chhei ei ta, Nama sie nawpa kyh liata noraihpa ta ama cha tao haw.

ISAI 50:1

Abeipa ta hetana heta a tah: “Nama nô ei papua hapa kha, Ei mana ryuchâ khataih liata a y? Leih ei bâhpa ahy hnohta ma ei cha zua ei? Pachâ teh u, nâmo moleinazy vâta zuapa châ ei chi ta, Nâmo paraonazy vâta nama nô cha papuapa a châ.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ISAI 9:15

Luh cha machâ nata zachhihpa chyhsa châ ta, Chaolahmei cha haipa biezy a pachu tyhpa hrohsopa a châ.

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 8:8

“Kheihta ma, ‘Asopa châ pi ta, Abeipa ryhpa eima hnohta a y,’ Nama tah thei tly? Pachâ teh u, chârohtuhpazy châsôh haih thaipa ta, Ryhpa cha haipa ta a panano ha hih.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

EZEKIA 16:3

a hnohta, ‘Abeipa Zehôvâh ta Zerusale hnohta hetana heta a tah: Na puana râh nata na pina râh cha Kâna râh châ ta, na paw cha Amawri chyhsa châ ta, na nô cha Hiti chyhsa a châ.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MALAKHAI 3:7

Châ pathlatuhpazy daihti tawhna khata, ei biepiepazy tleisai tyh ei chi ta, zyh veih ei chi. Kei lâ vaw kua u la, nâmo lâ ei vaw kua aw,” Pheisaihzy Abeipa ta a tah. “Châhrasala nâmo ta, ‘Kheihta ma eima vaw kua aw?’ nama tah.

MALUHREINA 32:14

Châ pathlatuhpazy kha moleipa pathlazy châ ei ta, nâmo chhao âmo su a thlapa ta, Izarei chô liata Abeipa pathiiana chichhihpa nama baichha via rili he zaw!

MATHAI 15:14

Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 27:1

My a vaw châ nahta, theihthai bei zydua nata khitlâh machâzy cha Zisu thie thei nawpa kyh ryhrao ei ta.

MATHAI 27:41

Theihthai beizy, Ryhpa pachutuhpazy nata machâzy chhao ta pasipasawh ei ta,

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RAWMA 5:12

Chyhsa pakha vâta moleina khizaw liata a ngia ta, moleina vâta thina a ngia ta, cha hawhna chata, chyhsa zydua ta hmo ama paraopa vâta, thina ta chyhsa zydua cha a chahryh haw.