ISAI 43:24 - Mara Bible RV (BSI)

²⁴ Tâkâ ta basuh thlôhpa na chaleipa beih leipa chi ta, Atheihnazy na hlâna thawzy ta Lôhrâ na patlô beih hra va chi. Na moleinazy ta phaohri tlao na pavi chi ta, Na paraonazy ta ei rie tlao eina pathei chi.

ISAI 43:24 ပူးပေါင်းရင်းမြစ်များ

HLAZY 95:10

Kha chhâ kha kô sypalih chhôh zydua ai kaw ei na ta, “Ama palôh sie chhei hapa phopi châ ei ta, Ei lâpizy a pahno leipa ama châ,” tah na ta.

PUASAINA 30:34

Abeipa ta Mawsi hnohta, “Ropahâhpa pahâh ngaitapa stâti, ônichâ nata kâbanu zy cha deiryh pasoh ngaitapa chhaota khopathliahna â khopa sai ta la aw chi ta,

PUASAINA 30:7

Arawna ta maisâh chô liata ropahâhpa rao tyh aw ta, my chareih ta meiôhzy a patohpatia tita a rao tyh aw.

ISAI 1:14

Nama thla thiehpa kyhchhi ei hro ta a hao ta, Nama daihti eihpa kyhchhizy ei hro ta â hao; Ei châta phaohri deita châ ei ta, Phaoh thei khao va na.

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ISAI 63:10

Châhrasala Abeipa cha a dyuh ei ta, A Thlahpa Pathaihpa pachâ thata ama parôhsapa vâta, Abeipa cha ama chariahpa lâta a lie ha ta, Ano tlai ta â dyuh ha ei.

ISAI 7:13

Chatawhcha Isai ta, “Hy Dâvi pathlazy saih u, tahmâ thei teh u! Chyhsa rie nama pathei ha tawhta cha a daih ha bâ vei ma, khazia ei Kha­zopa taihta a rie nama pathei tly?

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

ZEREMIAH 6:20

Sebâ tawhta a vypa deiryh cha, Khâpa ma ei taona aw? Râh hlapi tawhta basuh a vypa chhao, Khâpa ma ei taona aw? Nama raopa hlânazy a pyh tlâh châ leipa ta, Namâ theihnazy ta na palysa hra vei.

EZEKIA 16:43

“Na thyudyu daihti a thei khao leipa chi ta, cha hmozy ta ei ru eina pachhôpa vâ chi ta, moh teh, na hmotaopazy tlai cha na luh chô liata ei vaw patlôsapa a châ, Abeipa Zehôvâh ta a tah. Na pasichhihna hropa zydua liata na sihryhna na baichha heihpa châ vei ma?

EZEKIA 6:9

Zaozi a khôkhâhpazy chata sei ta amâ chhina phopizy hry tawhta einâ thei aw ei. Amâ phei khohna palôh vâta nâ heihsai ei ta ei palôh pasana nata ama khazoh nothlahpazy liata ama aohraohna mokhaohzy vâta ei palôh pasana zy a thei aw ei ta, hmo pha leipa ama taopazy nata ama pasichhihna zydua vâta, âmosasyh ta amâ pasi aw.

THEIHTHAINA 3:16

Chazy cha theihthaipa ta maisâh liata a rao aw. Cha cha ropahâhpa châta mei ta hmohlâpa niepa hlâna a châ. A thaw zydua Abeipa eih a châ.

THEIHTHAINA 4:31

A thaw zydua cha, aryhna hlâna châta atheihna thaw lapa hawhta la khai aw ta, theihthaipa ta Abeipa châta ropahâhpa châta maisâh liata a rao aw. Theihthaipa ta chatlaina taopa aw ta, chatanachata a ngiahthaipa a châ aw.

AMÔSÂ 2:13

“Pachâ teh u, sapiah a phaohpa talailih ta alei a vipa hawhta, Nama yna liata ei cha vi aw ei.

MALAKHAI 1:14

“A sahroh zaw hry liata seina hnei leipa a chapawpa hnei thlâh ha tlôh ta, cha cha pie awpa ta bie chhao a vaw taih ha ta, hnôhlâ ta seina a hneipa sahroh Abeipa lâta a hlâpa, dôvei hmâhpa chyhsa cha chhiesapa ta a y aw. Kei he Bei rônahpa châ na ta, ei moh he phopizy hry liata chizapa ta a y aw,” Pheisaihzy Abeipa ta a tah.