ISAI 43:22 - Mara Bible RV (BSI)

²² “Châhrasala Hy Zakaw, Na pado khoh leipa chi ta; Hy Izarei, noai tlao eina tah chi!

ISAI 43:22 ပူးပေါင်းရင်းမြစ်များ

HLAZY 14:4

Hmoparaopazy ama no a vâh to vei tlyma i? Viahchhâ niepa hawhta ei chyhsazy nie khai ei ta, Abeipa padona châh ama pahno leipa he!

HLAZY 79:6

Châ pahno leipa râhzy chô liata na hiehâhna lei thlu la, Na moh a pado leipa abeinarâhzy chô liata chhao lei thlu mah y!

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

ISAI 64:7

Na moh a padopa y leipa ei ta, Nâ châ patu awpa ta, Âmosasyh ta â pahrapa y veih ei. Na hmia miah nyusai ha chi ta, Eima moleina ku liata thuzao awpa ta miah na tao haw.

ZEREMIAH 10:25

Châ pahno leipa râhzy chô liata na hiehâhna lei thlu la, Na mo a pado leipa phopizy chô liata chhao lei thlu mah y. Zakaw cha palâpa ta nie khai ha ei ta, A pahrâna râh roryhrapa ta ama tao ha hih.

ZEREMIAH 2:5

Abeipa ta hetana heta a tah: “Kei liata khâpa adoleina ma ama hmô tly, Châ pathlatuhpazy khata lâhlapi lâ na siesaipa ta, Hraoleipa a chadai ei ta, Hraoleipa lâta ama pua ha tly?

DÂNIAH 9:13

Mawsi Ryhpa liata ropa hawhta, he chhiena zydua he eima chô liata vaw tlô ta, châhrasala eima moleinazy a heihsai ta, na bie hmeiseihpa pahno awpa ta, Abeipa eima Khazohpa khokheina tlua hlei ma pi.

MIKÂ 6:3

“Hy ei phopi, khâpa ma na chô liata ei tao? Kheihta ma na rie ei cha pathei? Nâ chhy tua.

MALAKHAI 1:13

‘Cha thachhâ â chhih rimâ cha!’ tah ei chi ta, nama hnapasu nama tô chiepa liata ei moh nama papuapalei haw,” Pheisaihzy Abeipa ta a tah. “Nama parupa sahroh, asypa nata apasapazy vaw cheih ei chi ta, atheihna châta nama hlâ tyh. Nama ku tawhta ei châ pyhpa aw ei ma?” Abeipa ta a tah.

MALAKHAI 2:17

Nama biezy ta Abeipa rie nama pathei kaw tyh. Châhrasala nâmo ta, “Kheihta ma Abeipa rie cha eima pathei,” nama tah. “Moleina hmo a taopa zydua Abeipa mohmô liata la pha khai ei ta, Abeipa ta â ly kaw ei na,” tah ei chi ta, “Adona Khazohpa cha khataih liata ma a y?” nama tahpazy liana heta Abeipa rie nama pathei haw.

MALAKHAI 3:14

‘Khazohpa chakaopa he hraoleipa dei a châ. A biepiepazy eima zyhpa nata mâchhiesapazy hawhta Pheisaihzy Abeipa hmiakô liata eima y tyhpa heta khâpa phahnaina ma a hnei tly?