ISAI 43:20 - Mara Bible RV (BSI)

²⁰ Ei phopi atlyhpa hnohta ti do awpa pie awpa ta, Râhchawhpa liata ti paysa na ta, Râh raohpa liata chavahzy ei paysa; Chavâta râhsazy ta na palyupalih aw ei ta, Savai nata pavawpizy ta eina palyupalih aw ei.

ISAI 43:20 ပူးပေါင်းရင်းမြစ်များ

1 THÂTIHZYRONA 16:13

Hy a chakaotuhpa Izarei pathla saih u, Hy â tlyhpa Zakaw sawzy saih u!

HLAZY 104:21

Chakeibarôhneipa lochopazy sa tai awpa ta a rôh ei ta, Khazohpa ta nie awpa a piepazy ama tlua tyh.

HLAZY 148:10

Râhsazy nata osazy saih u, Abeipa cha reithai u la; Âlyhpa sazy nata azawpa pavawzy saih u, Abeipa cha reithai teh u.

HLAZY 33:12

Abeipa a Khazohpa ta a hneipa râh cha, Râh huhiehpa châ ta; A ryuto châta â tlyhpa phopi chhao, Phopi huhiehpa a châ.

ISAI 13:22

O sâhpazy liata changiezy pahrâ aw ei ta, Abei o ngiaryh chhihpazy liata savaizy ama pahrâ aw. Babylaw hriena daihti cha a hnia ha ta, A nohzy pasisapa châ aw vei.”

ISAI 30:25

Riahvaina o sâhpazy pao ha ta, thata athietuna noh liata, tlâh sâhpa to nata tlâh byuhpa to liata vahtiezy ama loh zaolao aw.

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 33:21

Cha liata Abeipa cha a rônahna chhaota, Eima châta chavah kawhpa hawhta châ aw ta, Vahtiepazy hawhta a châ aw; Cha liata balyh hiana chhaopazy sie leipa aw ei ta, Balyh laipazy ta siepahlie aw veih ei.

ISAI 35:7

Sadi sahpa su cha tipo lâta a lie awh ta, Chhaohlei chawhkaraipa su chhao, Tihnawhzy yna lâta â lie aw. Savaizy tlaihna liata amâ byu tyhna suzy liata, Sibiepa nata lohthi zy pyuh aw ei ta, Maitanô zy ama pyuh aw.

ISAI 41:17

Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.

ISAI 41:18

Awphy tlâh sâhpazy liata chavahzy palosa aw na ta, Saikao liah khophiezy liata tihnawhzy ei paysa aw. Râhchawhpa cha tipo ta tao aw na ta, Râh raohpa chhao tikhaohzy ta ei tao aw.

ISAI 43:19

Moh teh u, hmo thiehpa tao aw na ta, Tahmâ tlai chhao he y ha ta, Hmô veih ei chi ma? Râhchawhpa liata lâpi tao aw na ta, Râh raohpa liata chavahzy ei tao aw.

ISAI 48:21

Râh raohpa su liata â chhi no ei khata, Ama dâhphi leipa ta; Âmo châta lôpanô tawhta ti palosa ta, Lôpanô pakei ta ti a kaw pali.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 65:15

Nama moh cha ei tlyhpazy chô liata Chhiesana châta siesai aw ei chi ta, Abeipa Zehôvâh ta a cha thie aw ei. A chakaotuhpazy deikua cha, Moh hropa a bie aw ei.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

ZÔELA 3:18

“Cha noh liata, Tlâhpizy tawhta kresawhti thlôhpa a zâ thlaoh aw; Tlâhthlôhzy liata sâhpiti loh aw ta, Zudâh vahtiepa zydua liata tizy a loh aw; Abeipa o tawhta tihnawh vaw pua aw ta, Siti Saikao cha ti ta a bao aw.

MÂKA 13:20

Abeipa ta cha nohzy cha pachhosa leipa chhochhi sala, chyhsa ahy hmahta pachhapa ta y aw veih ei. Châhrasala chyhsa atlyhpa, a raopazy vâta nohzy cha a pachhohsapa a châ.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.