ISAI 43:13 - Mara Bible RV (BSI)

¹³ “Tlyzaw tawhta Khazohpa vaw châ ha na ta, Ei ku tawhta a pachha thei awpa ahy hmah y veih ei. Hmo ei tao hapa cha, Ahy ma a panano thei aw?” Abeipa ta a tah.

ISAI 43:13 ပူးပေါင်းရင်းမြစ်များ

ZAWBÂ 10:7

Thaileina ei hnei leizie pahno chi ta, Na ku tawhta nâ pachha awpa y veih ei tahpa Na pahno thlâh ha vei ma?

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

ZAWBÂ 9:12

Pachâ tua, A râkhei ta, Ahy a pakhâ thei tly? Ahy ma, ‘Khâpa na tao?’ a tah thei tly?

HLAZY 102:28

Châ chakaotuhpazy cha, Ama pathlazy â bohpa ta y ei sala, Ama chipathlazy cha, Na hmiakô liata pa-ipa ta y mawh ei sy.

HLAZY 50:22

“Chavâta nâmo, Khazohpa a mypa saih u, A phapa ta pachâ teh u; Chataleipatala cha hriechheih aw ei na ta, Châ pachha awpa y aw veih ei.

HLAZY 90:2

Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.

HLAZY 93:2

Na beidyuchhai cha hlâno tawhta pa-ipa châ ta, Nâ cha tlyzaw tawhtapa na châ.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

BIESOZY 8:23

Tlyzaw ta a ypa châ na ta, Leilô y hlâta taopa châ na ta, Tao tuachaipa ei châ.

ISAI 14:27

Pheisaihzy Abeipa ta a chhuah ha ta, Ahy a pakhâ thei aw? A ku pazawh ha ta, Ahy a ku a pathliahsa thei aw?

ISAI 41:4

Âthaona tawhta chhâzy ahy ta aw ta, He rai he ahy ta hria ta, Ahy ta ma a patlô tly? Kei, Abeipa he hmiatua chaipa hnohta y na ta, Hnôhchaipa hnohta chhao a ypa ei châ; Keima tlai he na ei châ.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

ISAI 46:4

Nama machâna taih chhao ta, Ano cha châ aw na ta; Nama sâ pawhna taih chhao ta, Ei cha pi lymâ aw ei. Nâmo châ taotuhpa châ na ta, Nâmo châ pyhtuhpa ei châ aw; Cha pi aw ei na ta, Ei cha pachha aw ei.

ISAI 47:15

Na rie nâ vaw pathei tyhna hmozy cha, Cha hawhna chata na châta châ aw ei ta, Na hawtita tawhta sôh na palie lâhpazy chhao, Cha hawhna chata na châta ama châ hra aw. Âmo lâpi chyu liata viavi ei ta, Châ pachha thei awpa ahy hmahta y veih ei.

ISAI 48:16

Nâ vaw hnia u la, He bie he thei teh u; Hmo vaw y awpa kyh liata, Âthaona tawhta arulâta bie reih beih leipa na ta, A vaw y daihti lia chhao ta ei y.” Tahmâ he Abeipa Zehôvâh ta na tuah ta, A Thlahpa ta eina tuah.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

HÔSIA 2:10

A khopawzy mohmô lia tlai ta, Thluahruapa ta soh aw na ta, Ahy ta hmah ei ku tawhta pachha thei aw vei.

HÔSIA 5:14

Epharai châta chakeibarôhneipa hawhta châ aw na ta, Zudâh châta chakeibarôhneipa lochopa hawhta ei châ aw. Kei, keima tlai ta hriechheih aw ei na ta, Ei sie ha aw; Siekhei aw ei na ta, A pachha awpa y aw veih ei.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

HABAKU 1:12

Hy Abeipa ei Khazohpa, Ei Mo Pathaihpa, Nâ cha tlyzaw tawhtapa châ va chi ma? Thi aw ma pi. Hy Abeipa, âmo cha Pachiatuhpa châta rao chi ta; Hy Lôpanô, âmo cha, Chhoreituhpa châta na chahnao ei.

MALUHREINA 23:20

Pachâ teh, Byhnâ aw awpa ta biepiepa ei dao; Byhnâ awpa ha ta, Panano thei khao va na.

ZAWHÂNA 8:58

Zisu ta âmo cha a chhy ta, “Hmeiseihta ta, hmeiseihta ta ei cha chho ei, Abarahâ y hlâta ei y haw,” tah ta.

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

RYHPACHANEINA 28:31

Nama mohmô liata nama viahchao tôhpa thiepa châ aw ta, a sa nie aw veih ei chi. Nama hmiakô liata nama alâ a daophi raruahpa châ aw ta, cha pie khao aw veih ei. Nama mietakuzy cha nama chariahpazy piepa châ aw ta, châ pachha awpa ahy hmah y aw veih ei.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

HEBRAI 13:8

Zisu Krista cha zâhia nata tanoh nata chhâzaw ta a ualua ta a y thlâhpa a châ.

ZAWSUA 2:2

Chyhsazy ta Zerikô bei hnohta, “Pachâ teh, râh mohparu awpa ta Izarei sawzy tazâ ama kaw tlô,” tah ei ta.

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.