ISAI 42:6 - Mara Bible RV (BSI)

⁶ “Kei he Abeipa ei châ; Siana ta cha aw na ta, Na ku cha patu aw na ta ei cha hrôbieh aw; Izarei phopi châta biehrai ta cha tao aw na ta, Râhzy châta khaihna ta ei cha tao aw.

ISAI 42:6 ပူးပေါင်းရင်းမြစ်များ

ISAI 26:3

Hy Abeipa, a palôh nâ liata a sohpa cha, Nâ a cha ngâpa vâta, Vaih chi ta thlalôhpa ta na paysa tyh.

ISAI 27:3

Kei, Abeipa he, kre sadô vaituhpa cha châ na ta, Buakha hâh lei ta ti bao na ta, Ahy hmahta ama parao lei nawpa ta, Chhô nah zâ ta ei vaih tyh.

ISAI 32:1

Pachâ teh u, siana ta ryu a reih awpa bei vaw pua aw ta, Beimachâzy ta adona ta ryu ama reih aw.

ISAI 41:13

Kei, Abeipa na Khazohpa heta, Na ku chachâh lâ cha patu na ta; “Chi khah y, ei cha bao aw,” Châ tahtuhpa chhao, Keima tlai he ei châ.

ISAI 41:2

A siena maihta pahniena a to lymâpa Nochhi chyhsa siapa cha, Ahy ma Abeipa rai hria awpa ta a pahra tly? Abeipa ta râhzy a ku liata pie ta, A hmiakô liata abeizy a panawh haw. A zaozi ta âmo cha dohlei hawhta pazao ta, A libaw ta sâh sihpa hawhta â zawkhei ha ei.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 45:1

Abeipa ta Kôresâ hnohta hetana heta a tah: “Na hmiakô liata phopizy panawhpa ta ypa ta, Beizy chaisaih pathlâpa ta y sala, Chhikaozy khawpa a châ lei nawpa ta, Na hmiakô liata ochhizy pahy awpa ta, Na ku chachâh lâ cha patu na ta, Sathaw ei cha thupa na châ.

ISAI 45:13

Kôresâ cha siana ta pahra na ta, A lâpi zydua ei patlâsa lymâ aw. Ei khihpi paduapathi aw ta, Sei ta amâ chhipa ei chyhsazy a papua aw ei; A ty hmô awpa vâta châ leipa aw ta, Lymâ hmô awpa vâta châ hra aw vei,” Pheisaihzy Abeipa ta a tah.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 49:8

Abeipa ta hetana heta a tah: “Khokheina daihti liata châ chhy na ta, Pachhana noh liata ei cha bao. Râh paduapathi ta, Roryhrapa ta a y hapa ryuto râhzy rai awpa ta, Biehrai phopi châta cha tao na ta, ei cha rao.

ZEREMIAH 12:16

Chatawhcha hetana heta a vaw châ aw. Phopi hropazy ta Bâlâ moh ta bie a taih awpa ta ei phopi ama vaw pachu hapa chhao ta, ei phopi hroziezy pakhâta ta a chu ei sala, ‘Abeipa hrona reipa ta ei reih,’ tahpa ta ei moh ta bie amâ taih khiahta cha, ei phopi hry liata âmo chhao ei padua aw ei.

MATHAI 26:28

He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HMOTAOPAZY 13:47

Cha hawhta tao awpa ta Abeipa ta, “‘Khizaw kaokih chhâna taihta Pachhana tlôkhei awpa ta, Zenitaizy châta khaihna ta ei cha tao aw,’ tahpa ta bie miah a pie,” tah ei ta.

HMOTAOPAZY 26:23

Hrohsopazy nata Mawsi ta Mesia cha riethei tao aw ta, athihpa thyuheihna hmia a sahtuhpa a châpa vâta, keimo phopi hnohta nata Zenitaizy hnohta khaihna a phuahtuhpa a châ awpa kyh ama reipa dei leipa cha, bie hropa khâpa hmah reih va na,” tah ta.

2 KAWRINI 1:20

Khazohpa bietai zydua cha Krista liata, “A châ” tahpa ta â vaw ki khai haw. Chavâta ano moh ta nata ano rônah nawpa ta, Khazohpa lâ Amen eima tah tyh.

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

HEBRAI 7:2

Abarahâ ta a hraona sôh zydua tawhta su hrawh su kha a hnohta a pie. Melkizade cha a moh yzie tawhta siana bei châ tua ta, hnôhlâ ta Salem bei tahpa a châ. Salem bei tahpa cha adyhna bei tahna a châ.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

HEBRAI 8:6

Tahmâ deikua, Krista cha biehrai pha viapa lyuhchâpa a châpa hawhta, chakaona rai pha via syulyupa to ha ta, cha biehrai cha bietai pha viapazy chô liata taopa a châ.

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.