ISAI 42:5 - Mara Bible RV (BSI)

⁵ Avâzy taopa ta parai ta, Alei nata a chhôh tawhta a puapazy pakawh ta, Alei chô liata a ypa chyhsazy hnohta husona piepa ta, A chô liata a chareipa chyhsazy hnohta thlahpa a pietuhpa, Khazohpa, Abeipa ta hetana heta a tah:

ISAI 42:5 ပူးပေါင်းရင်းမြစ်များ

ÂTHAONA 1:1

Âthaona liata Khazohpa ta alei nata avâ tao ta.

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ZAWBÂ 12:10

A ku liata hmo hrohneipa to hrona y ta, Chyhsa zydua husona chhao a y.

ZAWBÂ 27:3

Keima liata ei hu y chy ta, Ei hnapasu liata Khazohpa thlahpa a y chhôh cha,

ZAWBÂ 33:4

Khazohpa Thlahpa ta na tao ta, Atotaotheipa hu ta hrona eina pie.

ZAWBÂ 34:14

A palôh ta â chhuah khiahta cha, A thlahpa nata a hu la pakhua thei ta,

HLAZY 136:6

Tizy chô lâta alei a sohtuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 33:6

Abeipa bie ta avâzy khi taopa châ ta, A pakah hu ta avâ liata a ypa zydua khi taopa a châ.

HLAZY 96:5

Phopizy khazoh zydua cha nothlahpazy dei châ ei ta, Abeipa deikua cha avâzy a taotuhpa a châ.

ISAI 37:16

“Hy Pheisaihzy Abeipa Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa cha na châ. Nâ ta alei nata avâ he na tao.

ISAI 40:12

Ahy ma a kupazah ta tizy panua ta, A kha ta avâ khi a thlie beih tly? Ahy ma saikhua ta alei dohlei panua ta, Khopathliahna ta tlâhpizy pathliahpa ta, Khopathliahna ta tlâhthlôhzy a pathliah beih tly?

ISAI 40:22

Ano cha alei vâphuh pahlôpa chô liata a tyuhpa châ ta, A mohmô liata cha, Lei liata a pahrâpazy cha khawsu hawh deita ama châ. Ano cha avâ khi pohraipa hawhta a pakaituhpa châ ta, Pahrâ nawpa poh o hawhta a paraituhpa a châ.

ISAI 40:26

Avâ lâ nama mo khaih u la moh tua u, Khizy khi ahy taopa ma a châ tly? Ano cha avâ liata a ypazy khi miakha miakha ta paysa ta, Ama moh chyu ta a awtuhpa a châ. A thatlôna rônahpa nata a hmotaotheina thatlôna vâta, Miakha hmah a ki leipa y veih ei.

ISAI 40:28

Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 45:12

Alei he kei ta tao na ta, A chô liata chyhsapa ei paysa. Avâ a paraipa kha keima ku he châ ta, Vâ pheisaih zydua bie a pietuhpa chhao, Keima tlai he ei châ.

ISAI 45:18

Abeipa cha avâzy a paysatuhpa châ ta, Ano deita cha Khazohpa a châ. Alei he yzie hneipa ta taopa ta pa-i ta, Aruapa ta paysa leipa ta, Pahrâ nawpa ta a padua. Cha Abeipa chata hetana heta a tah: “Kei he Abeipa châ na ta, Abeipa hropa y veih ei.

ISAI 48:13

Ei ku ta leilô abôna lôbô bô ta, Ei ku chachâh lâta avâzy khi parai ta, Ei awpa nah ei ta thlai amâ duah tyh.

ISAI 57:16

Chhâzaw ta a dyuh leipa aw ei na ta, Ei pathi khâ ia aw vei. Chataleipatala thlahpa cha, Ei hmiakô lia tlai ta panao aw ta; Keima tlai ta ei taopa hrona hu chhao, A panao pathlei aw na.

ZEREMIAH 10:12

A hmotaotheina ta alei tao ta, A sona ta khizaw padua ta, A novâhna ta avâ a parai.

ZEREMIAH 27:5

“Alei nata a chhôh liata a ypa chyhsapa nata sazy he, kei ta ei hmotaotheina rônah ngaitapa nata ei bâh pazawhpa ta ei taopazy châ ei ta, pie tlâhpa ta ei raopazy hnohta ei pie ei.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

ZEREMIAH 38:16

Bei Zedekia ta Zeremiah cha arulâta bie a taih ta, a hnohta, “Eima hrona a taotuhpa Abeipa hrona reipa ta ei reih, cha thie leipa aw na ta, thie châ chhuahpa chyhsazy ku liana chhao he cha hlâ aw va na,” tah ta.

EZEKIA 18:4

Pachâ teh u, hrona zydua kei eih sai a châ. Paw hrona kei eih châ ta, sawchapawpa hrona chhao kei eih a châ. Moleina a taotuhpa ta a hrona a pahlei aw.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

AMÔSÂ 9:6

Avâzy liata a ochô chhôhpadâhzy tao ta, Alei liata a o tôh a bô; Tilaipi tizy aw ta, Alei chô liata a patlaituhpa a châ; Ano cha a moh Zehôvâh a châ.

ZEKARIA 12:1

He he Izarei kyh liata Abeipa bietapa a châ. Abeipa, avâzy a paraituhpa, alei a bôtuhpa nata chyhsapa chhôh liata thlahpa a taotuhpa ta hetana heta a tah:

HMOTAOPAZY 17:24

Khizaw nata a chhôh liata hmo a ypa zydua a taotuhpa Khazohpa cha, alei nata avâ Beipa a châpa vâta, ku ta sapa achhyna ozy liata pahrâ vei.

HMOTAOPAZY 17:25

Hmo a phahlapa hawhta, chyhsapa ku ta chakao a ngiahpa châ hra vei. Ano tlai cha chyhsa zydua hnohta hrona nata husona nata hmo zydua a pietuhpa tlao a châ.

HEBRAI 1:2

he noh hnôhchaipazy lia deikua cha, a Sawchapawpa hmâpa ta eima hnohta bie a reih. A Sawchapawpa cha ato ryutotuhpa ta rao ta, ano hmâpa ta khizaw he a tao.