ISAI 42:25 - Mara Bible RV (BSI)

²⁵ Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ISAI 42:25 ပူးပေါင်းရင်းမြစ်များ

2 ABEIZY 25:9

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

ZAWBÂ 40:11

Na hiehâhna khô pathlapa kha leihtha la, Chyhsa apalaipa cha tawpâ la panawh mah y.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

ISAI 47:7

“Abeinô ei châ kôzaw aw,” tah chi ta, Cha hmozy cha na palôh liata soh beih leipa chi ta, Ama chhâ nawpazie chhao pachâ va chi.

ISAI 48:8

Thei beih leipa ei chi ta, Pahno beih hra leipa ei chi ta, Hlâno tawhta nama nah pachôh beih veih ei chi. Haiphiahpa ta hmo nama tao aw tahpa pahno na ta, Nô chhi tawhta chakhiatuhpa ama cha tahpa na châ.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 57:1

Mosiapa leidia ta, A pachâ muaruapa y leipa ei ta; Khazohpa a pachâpazy lapa châ ei ta, A chhâpa a pahnopa y veih ei. Mosiapa cha chhiena a vaw tlô awpa tawhta lapa châ ta,

ISAI 57:11

Ahy ma chi chi ta, Ahy nâ ngiarohpa vâta ma, Haipa bie reih chi ta; Kei nâ thei khao leipa chi ta, Na palôh liata eina so khao vei chi tly? A chalih thlâh ha na ta, Bohpi ei chalih thlâh hapa vâta, Eina chi leipa chi châ vei ma?

ISAI 9:13

Izarei phopi ta âmo a tutuhpa lâ a heih leipa ei ta, Pheisaihzy Abeipa cha tlua hra veih ei.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

ZEREMIAH 12:11

Roryhrapa ta tao ha ei ta, ‘Roryhrapa’ tahpa ta mâchhiesana ao ei thei. Râh pôhpalôhpa cha roryhrapa ta taopa châ ta, Châhrasala ahy hmahta pachâ veih ei.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

CHAPHÔHTUNA 2:3

Hiehâhna rupa ta Izarei ki zydua chhawh pachhô ta; Chariah hmia liata, Âmo tawhta a ku chachâh lâ â dao haw; Meipaleih hawhta Zakaw pathlazy hry liata kâ ta, A chheipâh zydua a kâ khai haw.

CHAPHÔHTUNA 2:4

Chariahpa hawhta a libaw a kei ta, Khakhaipa hawhta a ku chachâh lâ â pachyh haw; Zaio sawchanô poh o liata, Eima modypa zydua a thie khai haw; A hiehâhna cha, Mei hawhta a lei thlu haw.

EZEKIA 20:34

Phopizy hry tawhta châ chhi papua aw ei na ta, hiepatlapa ta nama yna râhzy tawhtapa cha ku thatlôpa nata bâh pazawhpa nata hiehâhna patlaipa ta ei cha pakhy aw ei.

HÔSIA 7:9

Chihropazy ta a thatlôna nie khai ei ta, Châhrasala a pahno vei; Sâ pawhpa thiapa châ ta, Châhrasala pahno vei.

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

MALAKHAI 2:2

Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

RYHPACHANEINA 32:22

Ei hiehâhna ta mei papua ta, Athihkhih a thu chaipazy lâ taih kâ laih ta, Alei nata a kôveizy kâ khai ta, Tlâhpizy abôna chhao a kâ khai haw.