ISAI 42:17 - Mara Bible RV (BSI)

¹⁷ Tho nothlahpazy ngâ ei ta, Thua nothlahpazy hnohta, “Eima khazohzy nama châ,” A tahtuhpazy cha, Pakuasapa châ aw ei ta, Thata maopaphyuhpa ama châ aw.

ISAI 42:17 ပူးပေါင်းရင်းမြစ်များ

HLAZY 135:18

Nothlahpa a taotuhpazy cha, Nothlahpa hawhta châ ei ta; Nothlahpa a ngâtuhpa zydua chhao, Nothlahpa hawhta ama châ.

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

PUASAINA 32:4

Arawna ta ngôh rahy ama vaw piepazy cha la ta, viahchaotaw nothlahpa leih ta, ngôh daina chhaichhi hmâpa ta â ngia kawpa ta daih ta. Zawpi ta, “Hy Izarei, he he Izi râh tawhta châ kaw chhi papuatuhpa na khazoh a châ hih” tah ei ta.

PUASAINA 32:8

Ei biepiepazy thlai tleisaipa ta, viahchaotaw nothlahpa a tao ei ta, cha cha amâ chhy. Ano lâ a theih ei ta, ‘Hy Izarei, he he Izi râh tawhta châ kaw chhi papuatuhpa na khazoh a châ hih!’ ama tah,” tah ta.

ISAI 1:29

Nama mopakiapa ôkâ thozy zakhei aw ei chi ta, Sadô namâ tlyhpazy vâta nohzaopa ta nama y aw.

ISAI 44:11

Pachâ teh u, ano zituhpa zydua cha, Maophyuhpa ta ama y aw; Zôthaipazy cha chyhsapa deita ama châ. Ama zydua ta a vy ei sala, Ama thâtih a vaw duakhei tua ei sa. Chipa ta paysapa châ aw ei ta, Maophyuhpa ta taopa ama châ aw.

ISAI 44:17

Tho laibâhpazy hmâpa ta khazoh tao ta, Ano châta khazoh nothlahpa â tao; Nothlahpa hmiakô liana cha a bôh ta, Nothlahpa cha â chhy tyh. Nothlahpa lâ cha thlahchhâ ta, “Ei khazoh na châ hih, Na pachha teh,” a tah tyh.

ISAI 44:9

Khazoh nothlahpa a taotuhpa zydua cha, Khâpa hmah châ leipa ei ta; Ama pasôpa hmozy chhao, Phahnaina hnei veih ei. Âmo tlai ta ama pahno; Châhrasala a phapa ta moh leipa ei ta, Pachâ hra veih ei; Chavâta maophyuhpa ta sopa ama châ aw.

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ZEREMIAH 46:5

Kheihtazieta ma thlazohpa ta y ei ta, Hnôh amâ sypa ei hmô thlâh ha tly? Ama pasaiphazy tiahpa ta y ei ta, Rawrôhpa ta amâ râpai; Hnôh lâ rai a heih veih ei; Su to chichhihna ta a bie, Abeipa ta a tah.