ISAI 42:16 - Mara Bible RV (BSI)

¹⁶ Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 42:16 ပူးပေါင်းရင်းမြစ်များ

HLAZY 94:14

Abeipa ta a phopi siesai leipa aw ta, A ryuto cha thy aw vei.

BIECHHOTUHPA 1:15

Apako chiehpa cha patlâ thei awpa châ khao leipa ta, A y leipa chhao rei pâ thai awpa châ vei.

BIECHHOTUHPA 7:13

Khazohpa hmotaozie he pachâ tua u, A pako hapa cha ahy ma a patlâsa thei khao aw?

ISAI 26:7

Mosiapa lâpi cha a raih ta, Hy Khazoh Siapa, nâma tlai ta Mosiapa lâpi cha na patlâsa tyhpa a châ.

ISAI 29:18

Cha noh liata, nahpâpazy ta châbu biezy thei aw ei ta, Mochaopa mozy chhao, A zoh kaluhna tawhta hmô thei aw ta, A zohna tawhta a hmô thei ha aw.

ISAI 29:24

Thlahpa kyh liata a paviapazy ta Vaw pahno thai aw ei ta; Reipasipasua thaipazy chhao ta, Pachuna amâ pyh ha aw.”

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ISAI 32:3

Mo pavâpazy mo cha paso khao leipa aw ta, Nah theipazy nah ta a nathlie bâ aw.

ISAI 35:5

Cha tita cha, mochaopazy mo pavâsapa châ aw ta, Nahpâpazy nah pavâsapa a châ aw.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ISAI 40:4

Saikao to pasâhpa châ aw ta, Tlâhpi nata tlâhthlôh to pahnaipa a châ aw. Alei byuhpazy paraihpa châ aw ta, Pâdawhpazy pabypa a châ aw.

ISAI 41:17

Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.

ISAI 41:3

A sie beih leipa lâpi liata âmo cha a chadai ta, Â bohpa ta a sie lymâ.

ISAI 45:2

Na hmia lâta sie aw na ta, Tlâh byuhpazy ei paraih aw; Dawh ochhizy pakeichheih aw na ta, Ochhi hraina thuatlaizy ei tai pachhô khai aw.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 48:17

Abeipa ta hetana heta reih ta, Nâmo châ Chatlaituhpa, Izarei Mo Pathaihpa ta hetana heta a tah: “Kei he Abeipa na Khazohpa châ na ta, Na pha nawpa ta cha pachu na ta, Na sie nawpa lâpi liata châ chhihthatuhpa ei châ.

ISAI 52:12

Abeipa ta hmia châ sahpa aw ei ta, Izarei Khazohpa ta nama hnôh lâ a cha vaih awpa vâ ei ta, A para kawpa ta pua awpa byuh leipa ta, A râ awpa byuh aw vei.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ISAI 58:10

Nodipazy châta na hrona hmâh la, Pasataopazy a ngiahpa pie mah y. Cha hawhta na tao khiahta cha, Na khaihna cha zohna liata khaih aw ta, Na zoh kaluhna chhao, Nohchhô hawhta a châ aw.

ISAI 62:12

Chatanachata Izarei sawzy cha, Phopi Pathaihpa tah aw ei ta, Abeipa Chatlaipa ama tah aw. Nâ, Zerusale khihpi chhao, Tluapapuapa Khihpi cha tah aw ei ta; Pathlua Leipa Khihpi ama cha tah aw.’”

EZEKIA 14:23

Ama hroziezy nata ama hmotaopazy nama hmôpa ta nama thlalôh aw ta, ei taopa zydua cha a chhâpa hnei leipa ta ei taopa y vei tahpa nama pahno aw, Abeipa Zehôvâh ta a tah.”

HÔSIA 2:14

“Chavâta, pachâ teh, ano cha sydiepa ta, Râhchawhpa lâ a chhi aw na ta, Ao naipa ta ei chho heih aw.

HÔSIA 2:6

Chavâta ahloh buhzy ta a lâpi pamaipa ta, Thokhy taokhâh aw na ta, A sie nawpa pahno aw vei.

AMÔSÂ 5:8

Awhsicharu nata Vaothawlâpia zy tao ta, Thina nohpahli cha my pachâsa ta, Chhô chhao zâ zohpa ta taopa ta, Tilaipi tizy aw ta alei chô lia a patlaituhpa cha, A moh Zehôvâh a châ.

LUKA 3:5

Saikao to pabiepa châ aw ta, Tlâhpi nata tlâhthlôh to pahnaipa a châ aw. Lâpi akopazy patlâpa châ aw ta, Lâpi chhiepazy pamihpa a châ aw.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZAWSUA 3:4

Anodeikua nâmo nata Byh likawh liata dy 2,000 rachhôh â hla awpa a châ. Namâ hnia awpa châ vei. Chatanachata nama sie nawpa lâpi cha nama pahno thei aw, kha hlâta he lâpi he a chhih beih tlôh lei khâh ei chi ta,” tah ei ta.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.