ISAI 41:5 - Mara Bible RV (BSI)

⁵ Tilaipi kiah râhzy ta hmô ei ta, Ama chi ngaita; Khizaw kaokih a chalyu ei ta, A vaw hnia ei ta amâ vy.

ISAI 41:5 ပူးပေါင်းရင်းမြစ်များ

ÂTHAONA 10:5

He sahlaozy tawhna heta ama reih, ama pho nata ama chi yzie lymâ hawhta ama râh chyu liata pahrâpa liahpahlô phopizy ama vaw pua.

HLAZY 65:8

Chatanachata leilô chhânazy liata a pahrâpazy chhao ta, Ngiana hmonoâhpa na taopazy vâta chipa ta ama y. My khih vaw deih ta, My noh chhina nata zâlâ noh tlana râhzy cha, Thaphapa ta na paawhsa tyh ei.

HLAZY 65:9

Alei he vaw tlypa ta ti bao chi ta, Alei thata na paphasa; Khazohpa chavah cha ti ta bie ta, Na vaw pachhuapanoh chiehpa hawhta, Chyhsazy cha sâh ta na pasa ei.

HLAZY 66:3

Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy.

HLAZY 67:7

Khazohpa ta byhnâ miah pie aw ta, Khizaw kaokih ta ano cha chi mawh ei sy!

PUASAINA 15:14

Phopizy ta thei ei ta, amâ chalyu; Philistia mo thlazohpa ta ama y.

ISAI 41:1

Hy tilaipi kiah râhzy saih u, Ei hmiakô liata sidiapa ta y u la, Phopizy ta ama thatlôna pathieh mawh ei sy. Ryureina su lâ vaw puapa ta, Ama thâtih a vaw reih ei sala, Ryureina su liata a tyh suh vy.

ISAI 41:6

Chyhsa to ta ama viasazy bao ei ta, Ama unawhzy hnohta, “Riahphapa ta y teh!” ama tah.

EZEKIA 26:18

Na paona noh liata, Tilaipi kiah râhzy a chalyu ei ta, Na lei noh liata, Liahpahlôzy tymâpa ta ama y.’

ZAWSUA 2:10

Izi tawhta nama kaw pua nota, Abeipa ta nama hmiakô liata Tilaipi Saihpa a pakuasazie nata Zawdâh haosâ Amawri bei pano Sihaw nata Ôkâ zy chô liata nama taozie zy thei pi ta, âmo cha tlokhuh nama pahleipadia khai hapa thâtihzy eima vaw thei.

ZAWSUA 5:1

Izarei sawzy Zawdâh ama chaka khai hlâlei Abeipa ta Izarei sawzy hmiakô liata Zawdâh tizy a pakua tahpa thâtih cha, Zawdâh haosâ notla lâta a ypa Amawri bei zydua nata tilaipi kiah liata a ypa Kâna bei zydua ta ama thei nahta, Izarei sawzy vâta ama pathipalôh zao khaipa ta, ama thlah a hua khai ha ta.